Fact Check: ਟਾਟਾ ਕੰਪਨੀ ਦੇ ਨਾਂ ਤੋਂ "ਵੈਲਨਟਾਈਨ ਡੇ ਗਿਫਟ" ਨੂੰ ਲੈ ਕੇ ਵਾਇਰਲ ਮੈਸੇਜ ਫਰਜ਼ੀ

Fake Message Viral

ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ):  ਵਟਸਐਪ 'ਤੇ ਟਾਟਾ ਕੰਪਨੀ ਦੇ ਨਾਂ ਤੋਂ ਵੇਲਨਟਾਈਨ ਡੇ ਨੂੰ ਲੈ ਕੇ ਇਕ ਮੈਸੇਜ ਵਾਇਰਲ ਹੋ ਰਿਹਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਟਾਟਾ ਕੰਪਨੀ ਇਸ ਵੈਲਨਟਾਈਨ ਡੇ 'ਤੇ ਆਪਣੇ ਗਾਹਕਾਂ ਨੂੰ ਗਿਫਟ ਆਫਰ ਦੇ ਰਹੀ ਹੈ। ਗਾਹਕਾਂ ਨੂੰ ਬਸ ਕੁਝ ਸਵਾਲਾਂ ਦੇ ਜਵਾਬ ਦੇਣੇ ਹਨ ਅਤੇ ਉਹ ਐਂਡਰਾਇਡ ਫੋਨ ਸਣੇ ਕਈ ਤੋਹਫੇ ਜਿੱਤ ਸਕਦੇ ਹਨ।

ਸਪੋਕਸਮੈਨ ਨੇ ਅਪਣੀ ਪੜਤਾਲ ਵਿਚ ਵਾਇਰਲ ਦਾਅਵਾ ਫਰਜ਼ੀ ਪਾਇਆ ਹੈ। ਇਹ ਮੈਸੇਜ ਇਕ ਫਿਸ਼ਿੰਗ ਸਪੈਮ ਹੈ ਜਿਸ ਕਾਰਨ ਲੋਕਾਂ ਨਾਲ ਠੱਗੀ ਵੀ ਹੋ ਸਕਦੀ ਹੈ। ਟਾਟਾ ਨੇ ਆਪ ਇਸ ਮੈਸੇਜ ਨੂੰ ਫਰਜ਼ੀ ਦੱਸਿਆ ਹੈ।

ਵਾਇਰਲ ਮੈਸੇਜ

ਟਾਟਾ ਕੰਪਨੀ ਦੇ ਨਾਂ ਤੋਂ ਇੱਕ ਮੈਸੇਜ ਵਾਇਰਲ ਹੋ ਰਿਹਾ ਹੈ ਜਿਸ ਨਾਲ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਟਾਟਾ ਕੰਪਨੀ ਇਸ ਵੈਲਨਟਾਈਨ ਡੇ, ਆਪਣੇ ਗਾਹਕਾਂ ਨੂੰ ਗਿਫਟ ਆਫਰ ਦੇ ਰਹੀ ਹੈ। ਗਾਹਕਾਂ ਨੂੰ ਬਸ ਕੁਝ ਸਵਾਲਾਂ ਦੇ ਜਵਾਬ ਦੇਣੇ ਹਨ ਅਤੇ ਉਹ ਐਂਡਰਾਇਡ ਫੋਨ ਸਣੇ ਕਈ ਤੋਹਫੇ ਜਿੱਤ ਸਕਦੇ ਹਨ।

ਇਸ ਮੈਸੇਜ ਦਾ ਸਕ੍ਰੀਨਸ਼ਾਟ ਹੇਠਾਂ ਵੇਖਿਆ ਜਾ ਸਕਦਾ ਹੈ।

ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭ ਤੋਂ ਪਹਿਲਾਂ ਇਸ ਆਫਰ ਨੂੰ ਲੈ ਕੇ ਗੂਗਲ ਸਰਚ ਕੀਤਾ। ਸਾਨੂੰ ਅਜਿਹੀ ਕੋਈ ਖ਼ਬਰ ਨਹੀਂ ਮਿਲੀ ਜਿਸ ਨੇ ਦਾਅਵਾ ਕੀਤਾ ਹੋਵੇ ਕਿ ਟਾਟਾ ਕੰਪਨੀ ਵੱਲੋਂ ਅਜਿਹਾ ਕੋਈ ਆਫਰ ਕੱਢਿਆ ਗਿਆ ਹੈ। ਹੁਣ ਅਸੀਂ ਇਸ ਮੈਸੇਜ ਨੂੰ ਲੈ ਕੇ ਟਾਟਾ ਦੇ ਅਧਿਕਾਰਕ ਸੋਸ਼ਲ ਮੀਡਿਆ ਹੈਂਡਲ ਵੱਲ ਰੁਖ ਕੀਤਾ। ਸਾਨੂੰ ਉੱਥੇ ਇਸ ਮੈਸੇਜ ਨੂੰ ਲੈ ਕੇ ਸਪਸ਼ਟੀਕਰਨ ਮਿਲਿਆ। ਦੱਸ ਦਈਏ ਕਿ ਟਾਟਾ ਨੇ ਇਸ ਮੈਸੇਜ ਨੂੰ ਫਰਜ਼ੀ ਦੱਸਿਆ ਹੈ।

ਟਾਟਾ ਗਰੁੱਪ ਨੇ 2 ਫਰਵਰੀ ਨੂੰ ਇੱਕ ਟਵੀਟ ਅਪਲੋਡ ਕਰਦੇ ਹੋਏ ਲਿਖਿਆ, "These claims and links haven't been issued by us. Be careful and always check the sources."

ਇਸ ਟਵੀਟ ਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ।

 

 

ਦੱਸ ਦਈਏ ਕਿ ਅਜਿਹਾ ਹੀ ਇੱਕ ਫਰਜ਼ੀ ਮੈਸੇਜ ਤਾਜ ਹੋਟਲ ਦੇ ਨਾਂ ਤੋਂ ਵੀ ਵਾਇਰਲ ਹੋਇਆ ਸੀ ਜਿਸ ਦੀ ਪੜਤਾਲ ਸਾਡੀ ਟੀਮ ਨੇ ਕੀਤੀ ਸੀ। ਇਸ ਨੂੰ ਇਥੇ ਕਲਿਕ ਕਰ ਪੜ੍ਹਿਆ ਜਾ ਸਕਦਾ ਹੈ।

ਨਤੀਜਾ: ਸਪੋਕਸਮੈਨ ਨੇ ਅਪਣੀ ਪੜਤਾਲ ਵਿਚ ਵਾਇਰਲ ਦਾਅਵਾ ਫਰਜ਼ੀ ਪਾਇਆ ਹੈ। ਇਹ ਮੈਸੇਜ ਇਕ ਫਿਸ਼ਿੰਗ ਸਪੈਮ ਹੈ ਜਿਸ ਕਾਰਨ ਲੋਕਾਂ ਨਾਲ ਠੱਗੀ ਵੀ ਹੋ ਸਕਦੀ ਹੈ। ਟਾਟਾ ਕੰਪਨੀ ਨੇ ਆਪ ਇਸ ਮੈਸੇਜ ਨੂੰ ਫਰਜ਼ੀ ਦੱਸਿਆ ਹੈ।

Claim- ਇਸ ਵੈਲਨਟਾਈਨ ਡੇ 'ਤੇ ਆਪਣੇ ਗਾਹਕਾਂ ਨੂੰ ਗਿਫਟ ਦੇ ਰਹੀ ਟਾਟਾ ਕੰਪਨੀ

Claimed By- Whatsapp Users

Fact Check- Fake