HD 3226

ਚੰਡੀਗੜ੍ਹ: ਕਣਕ ਦਾ ਪ੍ਰਤੀ ਏਕੜ ਝਾੜ ਵਧਾਉਣ ਤੇ ਪੁਰਾਣੀਆਂ ਬਿਮਾਰੀਆਂ ਦੇ ਟਾਕਰੇ ਲਈ ਕਣਕ ਦੀਆਂ ਤਿੰਨ ਕਿਸਮਾਂ ਹਨ। ਇਨ੍ਹਾਂ ਕਿਸਮਾਂ ਦੀ ਖੋਜ ਭਾਰਤੀ ਖੇਤੀਬਾੜੀ ਖੋਜ ਸੰਸਥਾ (ਆਈਏਆਰਆਈ) ਨੇ ਕੀਤੀ ਹੈ। ਇਹ ਕਿਸਮਾਂ ਕਿਸਾਨਾਂ ਨੂੰ ਫ਼ੀਲਡ ਟਰਾਇਲ ਦੇ ਤੌਰ ‘ਤੇ ਬੀਜਣ ਲਈ ਇਨ੍ਹਾਂ ਕਿਸਮਾਂ ਦੇ ਬੀਜ ਦਿੱਤੇ ਜਾਣਗੇ। ਭਾਰਤੀ ਖੇਤੀਬਾੜੀ ਖੋਜ ਸੰਸਥਾ (ਆਈਏਆਰਆਈ) ਦੇ ਪ੍ਰਧਾਨ ਵਿਗਿਆਨੀ ਡਾ. ਰਾਜਵੀਰ ਯਾਦਵ ਨੇ ਦੱਸਿਆ ਕਿ ਬਿਰਸਾ ਖੇਤੀਬਾੜੀ ਯੂਨੀਵਰਸਿਟੀ ਵਿੱਚ ਆਯੋਜਿਤ 58ਵੇਂ ਸੰਪੂਰਨ ਭਾਰਤੀ ਕਣਕ ਅਤੇ ਜੌਂ ਅਨੁਸੰਧਾਨ ਕਰਮਚਾਰੀਆਂ ਦੀ ਬੈਠਕ ਦੇ ਦੌਰਾਨ ਕਣਕ ਦੀ ਛੇ ਕਿਸਮਾਂ ਦੀ ਪਹਿਚਾਣ ਕੀਤੀ ਗਈ।

ਇਨ੍ਹਾਂ ਵਿੱਚ ਤਿੰਨ ਕਿਸਮਾਂ ਐਚਡੀ 3226 ,ਐਚਡੀ 3237 , ਐਚਆਈ 1620 ਆਈਏਆਰਆਈ ਨੇ ਵਿਕਸਿਤ ਕੀਤੀਆਂ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਸੀਜ਼ਨ ਵਿੱਚ ਕੁਝ ਕਿਸਾਨਾਂ ਨੂੰ ਇਹਨਾਂ ਕਿਸਮਾਂ ਦੇ ਬੀਜ ਫ਼ੀਲਡ ਟਰਾਇਲ ਦੇ ਤੌਰ ਉੱਤੇ ਬੀਜਣ ਲਈ ਦਿੱਤੇ ਜਾਣਗੇ ਅਤੇ ਯੋਗ ਅਧਿਕਾਰੀ ਵੱਲੋਂ ਸੂਚਨਾ ਜਾਰੀ ਹੋਣ ਦੇ ਬਾਅਦ ,ਇਨ੍ਹਾਂ ਕਿਸਮਾਂ ਦੇ ਬੀਜ ਕਿਸਾਨਾਂ ਲਈ ਉਪਲਬਧ ਕਰਾਏ ਜਾਣਗੇ। ਉਨ੍ਹਾਂ ਨੇ ਦੱਸਿਆ ਕਿ ਐੱਚ ਡੀ 3226 ਕਿਸਮ ਦੀ ਪ੍ਰਤੀ ਹੈਕਟੇਅਰ ਉਤਪਾਦਕਤਾ ਜਿੱਥੇ 57.7 ਕੁਇੰਟਲ ਪ੍ਰਤੀ ਹੈਕਟੇਅਰ ਹੈ।

 ਉੱਥੇ ਹੀ ਇਸ ਵਿੱਚ ਪ੍ਰੋਟੀਨ ਦੀ ਮਾਤਰਾ 12.80 ਫ਼ੀਸਦੀ ਹੈ ਜੋ ਕਿ ਹੋਰ ਕਿਸਮਾਂ ਤੋਂ ਜ਼ਿਆਦਾ ਹੈ, ਨਾਲ ਹੀ ਇਸ ਕਿਸਮ ਵਿੱਚ ਬਲੈਕ, ਬਰਾਊਨ ਅਤੇ ਯੇਲੋ ਰਸਟ ਦੇ ਨਾਲ ਕਰਨਾਲ ਬੰਟ ਨੂੰ ਰੋਕਣ ਵਾਲੀ ਸਮਰੱਥਾ ਵੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਐੱਚ ਡੀ 3226 ਕਿਸਮ ਦੀ ਬਿਜਾਈ ਕਈ ਰਾਜਾਂ ਜਿਵੇਂ ਪੰਜਾਬ, ਹਰਿਆਣਾ ਅਤੇ ਉੱਤਰ ਪ੍ਰਦੇਸ਼ , ਰਾਜਸਥਾਨ, ਜੰਮੂ-ਕਸ਼ਮੀਰ ਅਤੇ ਹਿਮਾਚਲ ਪ੍ਰਦੇਸ਼ ਅਤੇ ਉੱਤਰ ਭਾਰਤ ਦੇ ਹੋਰ ਰਾਜਾਂ ਲਈ ਉਪਯੁਕਤ ਹੈ। ਚੰਗੀ ਫ਼ਸਲ ਲਈ ਇਸ ਕਿਸਮ ਦੀ ਬਿਜਾਈ ਸਮਾਂ ਯਾਨੀ ਨਵੰਬਰ ਦੇ ਪਹਿਲੇ ਹਫ਼ਤੇ ਵਿੱਚ ਉਪਯੁਕਤ ਹੈ।

ਇਸੇ ਤਰ੍ਹਾਂ ਐੱਚ ਡੀ 3237 ,ਐਚਆਈ 1620 ਕਿਸਮਾਂ ਦੀ ਬਿਜਾਈ ਇਹਨਾਂ ਰਾਜਾਂ ਵਿੱਚ ਕਿਸਾਨ ਅਸਿਚਿੰਤ ਖੇਤਰਾਂ ਵਿੱਚ ਵੀ ਕਰ ਸਕਦੇ ਹਨ। ਇਹਨਾਂ ਕਿਸਮਾਂ ਤੋਂ ਜਿੱਥੇ ਕਿਸਾਨ ਕਣਕ ਦੀ ਜ਼ਿਆਦਾ ਫ਼ਸਲ ਲੈ ਸਕਣਗੇ, ਉੱਥੇ ਹੀ ਰੋਗ ਰੋਕਣ ਵਾਲਾ ਸਮਰੱਥਾ ਹੋਣ ਦੇ ਕਾਰਨ ਵਾਤਾਵਰਨ ਲਈ ਵੀ ਅਨੁਕੂਲ ਹੈ।