''ਰੇਲ ਰੋਕੋ ਅੰਦਲੋਨ ਨੂੰ ਲੈ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਦੀ ਕਿਸਾਨਾਂ ਨੂੰ ਅਪੀਲ"
ਫੌਜ ਕੋਲ ਖਤਮ ਹੋਇਆ ਅਸਲਾ-ਰਾਸ਼ਨ!
ਮੁਹਾਲੀ: ਕਿਸਾਨਾਂ ਵੱਲੋਂ ਲਗਾਤਾਰ ਖੇਤੀ ਕਾਨੂੰਨਾਂ ਦੇ ਵਿਦਰੋਹ ਵਿੱਚ ਧਰਨੇ ਲਗਾਏ ਜਾ ਰਹੇ ਹਨ। ਕਿਸਾਨਾਂ ਵੱਲੋਂ ਲਗਾਏ ਜਾ ਰਹੇ ਧਰਨਿਆਂ ਤੇ ਮਨਪ੍ਰੀਤ ਸਿੰਘ ਬਾਦਲ ਨੇ ਬੋਲਦਿਆਂ ਕਿਹਾ ਕਿ ਕਿਸਾਨਾਂ ਨੇ ਜਦੋਂ ਹਾੜੀ ਦੀ ਫਸਲ ਬੀਜਣੀ ਹੈ ਤਾਂ ਇੱਕ ਤਾਂ DAP ਅਤੇ ਯੂਰੀਆਂ ਦੀ ਜ਼ਰੂਰਤ ਪਵੇਗੀ ਪਰ ਇਸ ਵੇਲੇ ਪੰਜਾਬ ਦੇ ਗੋਦਾਮਾਂ ਵਿੱਚ ਸਿਰਫ 10% ਯੂਰੀਆਂ ਹੈ।
ਉਹਨਾਂ ਨੇ ਕਿਹਾ ਜੇ ਰੇਲਾਂ ਦੀ ਆਵਾਜਾਈ ਨਾ ਚੱਲੀ ਤਾਂ ਸਾਡੀ ਹਾੜੀ ਦੀ ਫਸਲ ਵੀ ਲੇਟ ਹੋ ਸਕਦੀ ਹੈ। ਦੂਸਰੀ ਵੱਡੀ ਚਿੰਤਾ ਇਹ ਹੈ ਕਿ ਕੋਲਾ ਵੀ ਪੰਜਾਬ ਕੋਲ ਤਿੰਨ ਦਿਨਾਂ ਦਾ ਹੈ ਜੇ ਤਿੰਨ ਦਿਨਾਂ ਤੋਂ ਬਾਅਦ ਰੇਲਾਂ ਨਾ ਚੱਲੀਆਂ ਤਾਂ ਪੰਜਾਬ ਵਿੱਚ ਪਾਵਰ ਕੱਟ ਲੱਗ ਸਕਦੇ ਹਨ ਅਤੇ ਇਸ ਨਾਲ ਕਣਕ ਦੀ ਰੌਣੀ ਵਿੱਚ ਵੀ ਦੇਰ ਹੋ ਸਕਦੀ ਹੈ।
ਤੀਸਰਾ ਵੱਡਾ ਫਿਕਰ ਇਹ ਵੀ ਹੈ ਕਿ ਜਿਹੜੀ ਸਾਡੀ ਫੌਜ ਢਾਈ ਲੱਖ ਦੀ ਗਿਣਤੀ ਵਿੱਚ ਲੱਦਾਖ ਬੈਠੀ ਹੈ, ਜਿਹੜੇ ਫੌਜੀ ਪਹਾੜਾਂ ਅਤੇ ਬਰਫਾਂ ਤੇ ਬੈਠੇ ਹਨ ਉਹਨਾਂ ਨੂੰ ਰਸਤ ਅਤੇ ਤੇਲ ਦੀ ਕਮੀ ਆ ਸਕਦੀ ਹੈ ਕਿਉਂਕਿ ਅਗਲੇ ਛੇ ਮਹੀਨਿਆਂ ਵਿੱਚ ਬਰਫ ਬਹੁਤ ਜ਼ਿਆਦਾ ਪਵੇਗੀ ਜਿਸ ਨਾਲ ਅਸੀਂ ਉੱਥੇ ਤੇਲ ਰਸਤ ਨਹੀਂ ਪਹੁੰਚਾ ਸਕਾਂਗੇ। ਨਿਹੱਥੇ ਬੱਚਿਆਂ ਨੂੰ ਕਿਵੇਂ ਲੜਾਂਵਾਂਗੇ।
ਜੇ ਰੇਲਾਂ ਨਾ ਬਾਹਰ ਨਿਕਲੀਆਂ ਤਾਂ ਅਨਾਜ ਬਾਹਰ ਭੇਜਣ ਵਿੱਚ ਮੁਸ਼ਕਿਲ ਆ ਜਾਵੇਗੀ ਸਰਕਾਰ ਨੂੰ ਇਸਦੀ ਸਭ ਤੋਂ ਵੱਡੀ ਚਿੰਤਾ ਹੈ। ਕਿਸਾਨ ਜਥੇਬੰਦੀਆਂ ਨੂੰ ਵੀ ਇਸ ਗੱਲ ਦੀ ਚਿੰਤਾ ਹੈ।
ਇਸ ਨਾਲ ਨੁਕਸਾਨ ਨਾ ਸੈਂਟਰ ਸਰਕਾਰ ਨੂੰ ਹੋਣਾ ਨਾ ਮੋਦੀ ਨੂੰ ਹੋਣਾ ਇਸ ਨਾਲ ਨੁਕਸਾਨ ਸਿਰਫ ਕਿਸਾਨ ਦਾ ਹੋਣਾ। ਉਹਨਾਂ ਕਿਸਾਨ ਜਥੇਬੰਦੀਆਂ ਨੂੰ ਅਪੀਲ ਕੀਤੀ ਕਿ ਕਿਸਾਨ ਜਥੇਬੰਦੀਆਂ ਨੇ ਜੋ ਵੀ ਫੈਸਲਾ ਲੈਣਾ ਉਹ ਪੰਜਾਬ ਦੇ ਹੱਕ ਵਿੱਚ ਲੈਣਾ।
ਬੁੱਧਵਾਰ ਨੂੰ ਪੰਜਾਬ ਕੈਬਨਿਟ ਦੀ CM ਸਾਹਿਬ ਨੇ ਮੀਟਿੰਗ ਰੱਖੀ ਹੈ। ਜਿਸ ਵਿੱਚ ਤਿੰਨ ਅਹਿਮ ਫੈਸਲੇ ਲੈਣੇ ਹਨ। ਪਹਿਲਾਂ ਸਰਕਾਰੀਆਂ ਨੌਕਰੀਆਂ ਲਈ ਜਿੰਨੀਆਂ ਵੀ ਪੋਸਟਾਂ ਖਾਲੀ ਹਨ ਇਹ ਅਗਲੇ 5-6 ਮਹੀਨਿਆਂ ਵਿੱਚ ਬੱਚਿਆਂ ਨੂੰ ਦਿੱਤੀਆਂ ਜਾਣਗੀਆਂ।
ਦੂਜਾ ਜਿਹਨਾਂ ਦੇ ਰਾਸ਼ਨ ਕਾਰਡ ਨਹੀਂ ਬਣੇ ਤਾਂ ਉਹਨਾਂ ਸਾਰਿਆਂ ਦੇ ਰਾਸ਼ਨ ਕਾਰਡ ਬਣਨਗੇ। ਤੀਸਰਾ ਐਸ ਸੀ ਬੱਚਿਆਂ ਨੂੰ ਵਜੀਫੇ ਮਿਲਦੇ ਸੀ ਉਹ ਸਰਕਾਰ ਨੇ ਉਹ ਬੰਦ ਕਰ ਦਿੱਤੇ ਸੀ ਤਾਂ ਸਰਕਾਰ ਹੁਣ ਉਹ ਆਪਣੇ ਕੋਲੋ ਦੇਵੇਗੀ।