ਖੇਤੀਬਾੜੀ ਦੇ ਨਾਲ ਨਾਲ ਮਧੂ ਮੱਖੀ ਦਾ ਧੰਦਾ ਵੀ ਬਹੁਤ ਲਾਹੇਵੰਦ ਹੋ ਸਕਦਾ ਹੈ। ਲਿਟਲ ਬੀ ਨੂੰ ਛੋਟੇ ਕੱਦ ਦੀ ਮਧੂ-ਮੱਖੀ ਦੇ ਤੌਰ ਤੇ ਵੀ ਜਾਣਿਆ ਜਾਂਦਾ ਹੈ। ਇਹ ਭਾਰਤ ਦੀ ਮੂਲ ਨਿਵਾਸੀ ਹੈ ਅਤੇ ਇਹ ਸਮਤਲ ਖੇਤਰਾਂ ਅਤੇ 450 MSL ਦੀ ਹੇਠਾਂ ਵਾਲੀਆਂ ਪਹਾੜੀਆਂ ਵਿਚ ਫੈਲੀ ਹੋਈ ਹੈ। ਇਹ ਸਾਰੀਆਂ ਏਪਿਸ ਪ੍ਰਜਾਤੀਆਂ ਵਿਚੋਂ ਸਭ ਤੋਂ ਛੋਟੀ ਮਧੂ ਮੱਖੀ ਹੈ। ਇਹ ਇਕ ਹੀ ਲੰਬਾ ਛੱਤਾ ਬਣਾਉਂਦੀਆਂ ਹਨ। ਇਹ ਅਪਣੇ ਛੱਤੇ ਗੁਫਾਵਾਂ, ਖਾਲੀ ਸਥਾਨਾਂ, ਵਾੜਾਂ, ਝਾੜੀਆਂ, ਇਮਰਤਾਂ ਆਦਿ ਵਿਚ ਬਣਾਉਂਦੀਆਂ ਹਨ। ਇਹ ਅਕਸਰ ਅਪਣੀ ਜਗ੍ਹਾ ਬਦਲਦੀਆਂ ਰਹਿੰਦੀਆਂ ਹਨ, ਇਸ ਕਰਕੇ ਇਨ੍ਹਾਂ ਨੂੰ ਪਾਲਿਆ ਨਹੀਂ ਜਾ ਸਕਦਾ।

ਇਹ ਔਸਤਨ 200- 900 ਗ੍ਰਾਮ ਪ੍ਰਤੀ ਕਲੋਨੀ ਪ੍ਰਤੀ ਸਾਲ ਸ਼ਹਿਦ ਪੈਦਾ ਕਰਦੀਆਂ ਹਨ। ਇਹਨਾਂ ਫਸਲਾਂ ਨੂੰ ਉਗਾਉਣ ਨਾਲ ਮਧੂ ਮੱਖੀਆਂ ਨੂੰ ਪਰਾਗਣ ਲਈ ਆਕਰਸ਼ਿਤ ਕਰਨ ਵਿਚ ਮਦਦ ਮਿਲਦੀ ਹੈ। ਇਸ ਨਾਲ ਮੱਖੀਆਂ ਦੀ ਸੰਖਿਆ ਵੱਧ ਜਾਂਦੀ ਹੈ। ਸਬਜੀਆਂ ਵਾਲੀ ਫਸਲਾਂ: ਸ਼ਲਗਮ, ਮੂਲੀ, ਫੁੱਲ-ਗੋਭੀ, ਗਾਜਰ, ਪਿਆਜ਼, ਖਰਬੂਜ਼ਾ, ਹਲਵਾ ਕੱਦੂ, ਬੰਦ ਗੋਭੀ ਅਤੇ ਧਨੀਆ। ਫਲ ਅਤੇ ਗਿਰੀ ਵਾਲੀਆਂ ਫਸਲਾਂ: ਆੜੂ, ਸਟਰਾੱਬੇਰੀ, ਲੀਚੀ, ਸਿਟਰਸ( ਨਿੰਬੂ ਜਾਤੀ ਦੇ ਫਲ਼), ਸੇਬ, ਬਾਦਾਮ ਅਤੇ ਖੁਰਮਾਨੀ।

ਗਰਮੀ ਦੇ ਮੌਸਮ ਵਿਚ ਮਧੂ ਮੱਖੀਆਂ ਦੀ ਜਿਉਣ ਲਈ ਲੋੜੀਂਦੀ ਮਾਤਰਾ ਵਿਚ ਪਾਣੀ ਅਤੇ ਛਾਂ ਪ੍ਰਦਾਨ ਕਰੋ। ਮਧੂ-ਮੱਖੀਆਂ ਨੂੰ ਇਸ ਮੌਸਮ ਵਿਚ ਮਰਨ ਤੋਂ ਬਚਾਉਣਾ ਚਾਹੀਦਾ ਹੈ ਅਤੇ ਇਸ ਮੌਸਮ ਵਿਚ ਸ਼ਹਿਦ ਦੀ ਉਪਜ ਵੀ ਘੱਟ ਹੁੰਦੀ ਹੈ। ਮਧੂ ਮੱਖੀਆਂ ਦੇ ਰਹਿਣ ਦੀ ਜਗ੍ਹਾ 'ਤੇ ਨਮੀ ਨਾ ਹੋਵੇ। ਇਸ ਵਿਚ ਉਚਿਤ ਜਲ਼ ਨਿਕਾਸ ਦਾ ਪ੍ਰਬੰਧ ਹੋਣਾ ਚਾਹੀਦਾ ਹੈ। ਇਹਨਾਂ ਨੂੰ ਖੰਡ ਦਾ ਘੋਲ ਆਹਾਰ ਦੇ ਰੂਪ ਵਿਚ ਪ੍ਰਦਾਨ ਕਰੋ। ਪਤਝੜ ਦਾ ਮੌਸਮ ਛੱਤਿਆਂ ਦੇ ਵਾਧੇ ਲਈ ਦੂਸਰਾ ਸਭ ਤੋਂ ਚੰਗਾ ਮੌਸਮ ਮੰਨਿਆ ਜਾਂਦਾ ਹੈ। ਛੱਤੇ ਮੁੱਖ ਤੌਰ 'ਤੇ ਮਟਰ, ਤੋਰੀਏ, ਅਮਰੂਦ ਅਤੇ ਬੇਰ ਆਦਿ ਫਸਲਾਂ ਵਿਚ ਰੱਖ ਦਿਓ। ਨਵੰਬਰ ਦੇ ਅੰਤ ਵਿਚ, ਮਧੂ-ਮੱਖੀਆਂ ਚੰਗੀ ਪੈਦਾਵਾਰ ਦਿੰਦੀਆਂ ਹਨ।