Silver Utensils

ਲੰਬੇ ਸਮੇਂ ਤੱਕ ਚਾਂਦੀ ਦੇ ਬਰਤਨ ਜਾਂ ਗਹਿਣੇ ਇਸਤੇਮਾਲ ਕਰਨ ਤੋਂ ਬਾਅਦ ਉਨ੍ਹਾਂ ਦੀ ਚਮਕ ਗਾਇਬ ਹੋ ਜਾਂਦੀ ਹੈ। ਜਿਸ ਕਾਰਨ ਅਸੀਂ ਉਨ੍ਹਾਂ ਨੂੰ ਪਾਲਿਸ਼ ਕਰਵਾਉਣ ਲਈ ਕਾਫ਼ੀ ਪੈਸੇ ਵੀ ਖਰਚ ਕਰ ਦਿੰਦੇ ਹਾਂ। ਜੇਕਰ ਚਾਂਦੀ ਚਮਕਾਉਣ ਦਾ ਤਰੀਕਾ ਘਰ ਵਿਚ ਮੌਜੂਦ ਹੋਵੇ ਤਾਂ ਬਾਹਰ ਜਾ ਕੇ ਪੈਸੇ ਖਰਚ ਕਿਉਂ ਕਰਨਾ। ਜੀ ਹਾਂ ਸਾਡੇ ਘਰ ਵਿਚ ਵੀ ਅਜਿਹੀਆਂ ਕਈ ਚੀਜ਼ਾਂ ਹੁੰਦੀਆਂ ਹਨ ਜੋ ਚਾਂਦੀ ਦੀ ਚਮਕ ਵਾਪਸ ਲਿਆਉਣ ਵਿਚ ਕਾਫ਼ੀ ਮਦਦ ਕਰਦੀਆਂ ਹਨ। ਇਸ ਦੇ ਲਈ ਜ਼ਿਆਦਾ ਮਿਹਨਤ ਕਰਨ ਦੀ ਵੀ ਜ਼ਰੂਰਤ ਨਹੀਂ ਪਵੇਗੀ।   

ਟੁੱਥ ਪੇਸਟ - ਟੁੱਥ ਪੇਸਟ ਨਾ ਕੇਵਲ ਦੰਦਾਂ ਨੂੰ ਚਮਕਾਉਣ ਦੇ ਕੰਮ ਆਉਂਦੀ ਹੈ, ਇਸ ਨਾਲ ਫਿਕੀ ਪੈ ਚੁੱਕੀ ਚਮਕ ਚਾਂਦੀ ਦੇ ਬਰਤਨ ਜਾਂ ਗਹਿਣਿਆਂ ਨੂੰ ਵੀ ਚਮਕਾਇਆ ਜਾ ਸਕਦਾ ਹੈ।  ਕੱਪੜੇ ਉੱਤੇ ਥੋੜ੍ਹੀ ਟੁੱਥ ਪੇਸਟ ਲੈ ਕੇ ਉਸ ਨੂੰ ਚਾਂਦੀ 'ਤੇ ਰਗੜੋ। ਇਸ ਦੇ ਥੋੜ੍ਹੀ ਦੇਰ ਬਾਅਦ ਸਿਲਵਰ ਨੂੰ ਧੋ ਲਓ। 

ਡਿਟਰਜੈਂਟ ਪਾਊਡਰ - ਚਾਂਦੀ ਚਮਕਾਉਣ ਦਾ ਇਹ ਤਰੀਕਾ ਕਾਫ਼ੀ ਮਸ਼ਹੂਰ ਹੈ। ਇਕ ਭਾਂਡੇ ਨੂੰ ਐਲੂਮੀਨੀਅਮ ਫਾਈਲ ਨਾਲ ਕਵਰ ਕਰੋ ਅਤੇ ਉਸ ਵਿਚ ਚਾਂਦੀ ਦੀਆਂ ਚੀਜ਼ਾਂ ਪਾ ਦਿਓ,  ਫਿਰ ਇਸ ਵਿਚ ਗਰਮ ਪਾਣੀ ਅਤੇ ਡਿਟਰਜੈਂਟ ਪਾਊਡਰ ਪਾਓ। ਚਾਂਦੀ ਦੀਆਂ ਚੀਜ਼ਾਂ ਨੂੰ ਕੁੱਝ ਦੇਰ ਤੱਕ ਇਸ ਵਿਚ ਡੁਬਿਆ ਰਹਿਣ ਦਿਓ। ਫਿਰ ਬਾਹਰ ਕੱਢ ਕੇ ਬੁਰਸ਼ ਦੀ ਮਦਦ ਨਾਲ ਹਲਕੇ ਹੱਥਾਂ ਨਾਲ ਰਗੜੋ। ਉਸ ਤੋਂ ਬਾਅਦ ਸਾਫ਼ ਪਾਣੀ ਨਾਲ ਧੋ ਕੇ ਪੋਂਚ ਲਓ।  

ਨੀਂਬੂ ਅਤੇ ਲੂਣ - ਚਾਂਦੀ ਨੂੰ ਚਮਕਾਉਣ ਦਾ ਇਹ ਤਰੀਕਾ ਕਾਫ਼ੀ ਆਸਾਨ ਹੈ। ਇਕ ਨੀਂਬੂ ਨੂੰ ਕੱਟ ਕੇ ਉਸ ਉੱਤੇ ਲੂਣ ਲਗਾ ਕੇ ਸਿਲਵਰ ਦੀਆਂ ਚੀਜ਼ਾਂ ਉੱਤੇ ਰਗੜੋ। ਕੁੱਝ ਦੇਰ ਬਾਅਦ ਇਸ ਨੂੰ ਧੋ ਲਓ। ਇਸ ਨਾਲ ਚਾਂਦੀ ਇਕਦਮ ਨਵੀਂ ਲੱਗਣ ਲੱਗੇਗੀ।  

ਹੇਅਰ ਕੰਡੀਸ਼ਨਰ - ਚਾਂਦੀ ਦੇ ਭਾਂਡਿਆਂ ਅਤੇ ਗਹਿਣਿਆਂ ਨੂੰ ਚਮਕਦਾਰ ਬਣਾਉਣਾ ਚਾਹੁੰਦੇ ਹੋ ਤਾਂ ਉਨ੍ਹਾਂ ਨੂੰ ਹੇਅਰ ਕੰਡੀਸ਼ਨਰ ਨਾਲ ਵੀ ਸਾਫ਼ ਕਰ ਸਕਦੇ ਹਾਂ। ਕੰਡੀਸ਼ਨਰ ਨੂੰ ਲੈ ਕੇ ਚਾਂਦੀ ਉੱਤੇ ਕੁੱਝ ਦੇਰ ਰਗੜੋ ਅਤੇ ਬਾਅਦ ਵਿਚ ਸਾਫ਼ ਪਾਣੀ ਨਾਲ ਧੋ ਲਓ।  

ਟੋਮੈਟੋ ਸੌਸ - ਇਕ ਪਲੇਟ ਉੱਤੇ ਟੋਮੈਟੋ ਸੌਸ ਕੱਢ ਲਓ। ਫਿਰ ਇਸ ਨੂੰ ਚਾਂਦੀ ਦੇ ਭਾਂਡਿਆਂ ਜਾਂ ਗਹਿਣਿਆਂ ਉੱਤੇ ਲਗਾ ਕੇ ਰਗੜੋ। ਜ਼ਿਆਦਾ ਚਮਕ ਚਾਹੀਦੀ ਹੈ ਤਾਂ ਤੁਸੀਂ ਚਾਂਦੀ ਦੀਆਂ ਚੀਜ਼ਾਂ ਨੂੰ ਕੁੱਝ ਦੇਰ ਤੱਕ ਸੌਸ ਵਿਚ ਹੀ ਰੱਖ ਦਿਓ। ਫਿਰ ਇਸ ਨੂੰ ਕੱਪੜੇ ਨਾਲ ਸਾਫ਼ ਕਰ ਦਿਓ।