Furniture

ਚੰਡੀਗੜ੍ਹ: ਫਰਨੀਚਰ ਹਮੇਸ਼ਾ ਹੀ ਨਵੇਂ ਦੀ ਤਰ੍ਹਾਂ ਦਿਖੇ, ਇਹ ਬਹੁਤ ਹੀ ਮੁਸ਼ਕਲ ਹੈ। ਤੁਸੀਂ ਚਾਹੇ ਫਰਨੀਚਰ ਦੀ ਕਿੰਨੀ ਵੀ ਦੇਖਭਾਲ ਕਰ ਲਓ ਪਰ ਉਹ ਹਮੇਸ਼ਾ ਨਵਾਂ ਨਹੀਂ ਦਿਖ ਸਕਦਾ। ਪਰ ਅਸੀਂ ਤੁਹਾਨੂੰ ਕੁੱਝ ਅਜਿਹੇ ਤਰੀਕੇ ਦੱਸਣ ਜਾ ਰਹੇ ਹਾਂ, ਜਿਸ ਨਾਲ ਤੁਹਾਡਾ ਪੁਰਾਣਾ ਫਰਨੀਚਰ ਵੀ ਨਵਾਂ ਦਿਖਾਈ ਦੇਣ ਲੱਗੇਗਾ। ਆਓ ਜਾਣਦੇ ਹਾਂ ਅਜਿਹੇ ਕੁੱਝ ਤਰੀਕੇ, ਜਿਨ੍ਹਾਂ ਨਾਲ ਤੁਸੀਂ ਅਪਣੇ ਫਰਨੀਚਰ ਨੂੰ ਨਵੀਂ ਲੁਕ ਦੇ ਸਕਦੇ ਹੋ। 

ਖਰੋਂਚ ਭਰੋ - ਲੱਕੜੀ ਦੇ ਫਰਨੀਚਰ ਉੱਤੇ ਖਰੋਂਚ ਲੱਗਣ ਕਾਰਨ ਉਹ ਪੁਰਾਣਾ ਲੱਗਣ ਲੱਗਦਾ ਹੈ। ਅਜਿਹੇ ਵਿਚ ਉਨ੍ਹਾਂ ਨੂੰ ਨਵਾਂ ਦਿਖਾਉਣ ਲਈ ਪਹਿਲਾਂ ਉਨ੍ਹਾਂ ਦੀ ਖਰੋਂਚ ਭਰੋ। ਫਰਨੀਚਰ ਦੀ ਖਰੋਂਚ ਭਰਨ ਲਈ ਤੁਸੀ ਕੌਫ਼ੀ ਪਾਊਡਰ ਨੂੰ ਲਗਾ ਕੇ 10 ਮਿੰਟ ਲਈ ਛੱਡ ਦਿਓ। ਇਸ ਤੋਂ ਬਾਅਦ ਉਸ ਨੂੰ ਨਰਮ ਅਤੇ ਸੁੱਕੇ ਕੱਪੜੇ ਨਾਲ ਸਾਫ਼ ਕਰੋ, ਜੇਕਰ ਤੁਹਾਡਾ ਫਰਨੀਚਰ ਹਲਕੇ ਰੰਗ ਦਾ ਹੈ ਤਾਂ ਉਸ ਦੇ ਲਈ ਤੁਸੀਂ ਅਖ਼ਰੋਟ ਦੇ ਚੂਰਣ ਦਾ ਇਸਤੇਮਾਲ ਵੀ ਕਰ ਸਕਦੇ ਹੋ। 

ਪੇਂਟ ਕਰੋ - ਫਰਨੀਚਰ ਨੂੰ ਨਵਾਂ ਲੁਕ ਦੇਣ ਲਈ ਤੁਸੀਂ ਉਸ ਨੂੰ ਪੇਂਟ ਵੀ ਕਰ ਸਕਦੇ ਹੋ। ਤੁਸੀਂ ਕੁਰਸੀਆਂ ਜਾਂ ਟੇਬਲ ਨੂੰ ਵੀ ਰੰਗ ਕਰ ਕੇ ਉਸ ਨੂੰ ਨਿਊ ਲੁਕ ਦੇ ਸਕਦੇ ਹੋ। 

ਦਾਗ-ਧੱਬੇ ਕਰੋ ਦੂਰ - ਫਰਨੀਚਰ ਤੋਂ ਦਾਗ- ਧੱਬੇ ਹਟਾਉਣ ਲਈ ਤੁਸੀ ਕੈਨੋਲਾ ਆਇਲ ਜਾਂ ਵਿਨੇਗਰ ਨੂੰ ਮਿਕਸ ਕਰ ਲਓ। ਇਸ ਤੋਂ ਬਾਅਦ ਕੱਪੜੇ ਦੀ ਮਦਦ ਨਾਲ ਉਸ ਨੂੰ ਸਾਫ਼ ਕਰੋ। ਇਸ ਨਾਲ ਤੁਹਾਡੇ ਫਰਨੀਚਰ ਦੇ ਦਾਗ - ਧੱਬੇ ਦੂਰ ਹੋ ਜਾਣਗੇ ਅਤੇ ਉਹ ਫਿਰ ਤੋਂ ਨਵਾਂ ਲੱਗਣ ਲੱਗੇਗਾ। 

ਦਰਾਰਾਂ ਨੂੰ ਕਰੋ ਦੂਰ - ਫਰਨੀਚਰ ਦੀਆਂ ਦਰਾਰਾਂ ਨੂੰ ਦੂਰ ਕਰਣ ਲਈ ਤੁਸੀਂ ਨੇਲ ਪੇਂਟ ਦਾ ਇਸਤੇਮਾਲ ਵੀ ਕਰ ਸਕਦੇ ਹੋ। ਨੇਲ ਪੇਂਟ ਨੂੰ ਫਰਨੀਚਰ 'ਤੇ ਆਈ ਦਰਾਰ ਉੱਤੇ ਲਗਾ ਕੇ 10 ਮਿੰਟ ਲਈ ਛੱਡ ਦਿਓ। ਇਸ ਤੋਂ ਬਾਅਦ ਇਸ ਨੂੰ ਸਮੂਦ ਕਰਨ ਲਈ ਸੈਂਡ ਪੇਪਰ ਨਾਲ ਘਿਸਾਓ। ਇਸ ਨਾਲ ਤੁਹਾਡਾ ਫਰਨੀਚਰ ਬਿਲਕੁਲ ਨਵਾਂ ਲੱਗੇਗਾ। 

ਵਾਲ ਪੇਪਰਸ ਨਾਲ ਦਿਓ ਨਿਊ ਲੁਕ - ਫਰਨੀਚਰ ਨੂੰ ਨਵਾਂ ਬਣਾਉਣ ਲਈ ਤੁਸੀਂ ਵਾਲ ਪੇਪਰਸ ਦਾ ਇਸਤੇਮਾਲ ਵੀ ਕਰ ਸਕਦੇ ਹੋ। ਤੁਸੀਂ ਅਪਣੀ ਪਸੰਦ ਦੇ ਵਾਲਪੇਪਰ ਨੂੰ ਫਰਨੀਚਰ ਉੱਤੇ ਗਲੂ ਦੀ ਮਦਦ ਨਾਲ ਚਿਪਕਾ ਦਿਓ। ਇਸ ਨਾਲ ਤੁਹਾਡਾ ਫਰਨੀਚਰ ਨਵਾਂ ਹੀ ਨਹੀਂ ਡਿਫਰੇਂਟ ਵੀ ਲੱਗੇਗਾ। 

ਬਲੀਚ ਪਾਊਡਰ ਨਾਲ ਕਰੋ ਸਾਫ਼ - ਅਪਣੇ ਲੈਦਰ ਦੇ ਸੋਫੇ ਜਾਂ ਦੂਜੇ ਫਰਨੀਚਰ ਨੂੰ ਸਾਫ਼ ਕਰਣ ਲਈ ਤੁਸੀਂ ਬਲੀਚਿੰਗ ਪਾਊਡਰ ਦਾ ਇਸਤੇਮਾਲ ਵੀ ਕਰ ਸਕਦੇ ਹੋ। ਗਰਮ ਪਾਣੀ ਵਿਚ ਬਲੀਚ ਪਾਊਡਰ ਮਿਕਸ ਕਰ ਕੇ ਕੱਪੜੇ ਦੀ ਮਦਦ ਨਾਲ ਫਰਨੀਚਰ ਨੂੰ ਸਾਫ਼ ਕਰੋ। ਇਸ ਨਾਲ ਤੁਹਾਡਾ ਫਰਨੀਚਰ ਕਦੇ - ਵੀ ਪੁਰਾਣਾ ਨਹੀਂ ਲੱਗੇਗਾ।