Paneer Masala

ਦੁੱਧ ਤੋਂ ਬਣਨ ਵਾਲੇ ਪਨੀਰ ਨਾਲ ਬਹੁਤ ਸਾਰੀਆਂ ਖਾਣ ਦੀਆਂ ਚੀਜ਼ਾਂ ਬਣਾਈਆਂ ਜਾਂਦੀਆਂ ਹਨ। ਜ਼ਿਆਦਾਤਰ ਪਨੀਰ ਤੋਂ ਸ਼ਾਕਾਹਾਰੀ ਪਦਾਰਥ ਹੀ ਬਣਾਏ ਜਾਂਦੇ ਹੈ। ਵੱਖ ਵੱਖ ਰਾਜ ਵਿਚ ਪਨੀਰ ਨਾਲ ਵੱਖਰੇ ਤਰ੍ਹਾਂ ਦੀ ਵਸਤੁਆਂ ਬਣਾਈਆਂ ਜਾਂਦੀਆਂ ਹਨ। ਪਨੀਰ ਦੀ ਸਹਾਇਤਾ ਨਾਲ ਅਣਗਿਣਤ ਪਦਾਰਥ ਬਣਾਏ ਜਾਂਦੇ ਹਨ। ਪਨੀਰ ਦੀ ਇੱਕ ਅਜਿਹੀ ਹੀ ਦਿਲਚਸਪ ਅਤੇ ਸਵਾਦਿਸ਼ਟ ‘ਪਨੀਰ ਮਸਾਲਾ’ ਪੰਜਾਬ ਵਿਚ ਬਣਾਈ ਜਾਂਦੀ ਹੈ।

ਇਹ ਸਬਜ਼ੀ ਪੰਜਾਬ ਵਿਚ ਬੇਹੱਦ ਮਸ਼ਹੂਰ ਹੈ। ਪੰਜਾਬ ਦੇ ਕਿਸੇ ਵੀ ਢਾਬੇ 'ਤੇ ‘ਪਨੀਰ ਮਸਾਲਾ’ ਵੱਡੀ ਅਦਾਨੀ ਨਾਲ ਮਿਲ ਜਾਂਦਾ ਹੈ। ਇਸ ਸਵਾਦਿਸ਼ਟ ਪਦਾਰਥ ਨੂੰ ਬਣਾਉਣ ਦੀ ਸਮੱਗਰੀ ਅਤੇ ਢੰਗ ਦੀ ਜਾਣਕਾਰੀ ਨਿਚੇ ਦਿਤੀ ਗਈ ਹੈ। 

ਪਨੀਰ ਮਸਾਲਾ ਬਣਾਉਣ ਦੀ ਸਮੱਗਰੀ : ਘੀਓ 2 ਚਮਚ, ਪਨੀਰ 200 ਗ੍ਰਾਮ, ਜੀਰਾ 1 ਚਮਚ, ਤੇਜ ਪੱਤਾ, ਦਾਲਚੀਨੀ ਦੀ ਲੱਕੜੀ ਅੱਧਾ ਇੰਚ, ਪਿਆਜ 1 ਕਟਿਆ ਹੋਇਆ, ਅਦਰਕ ਲਸਣ ਦਾ ਪੇਸਟ 1 ਚਮਚ, ਲੂਣ ਸਵਾਦ ਅਨੁਸਾਰ, ਟਮਾਟਰ 1 ਕਪ, ਹਲਦੀ ਅੱਧਾ ਚਮਚ, ਧਨਿਆ ਪਾਊਡਰ ਅੱਧਾ ਚਮਚ, ਲਾਲ ਮਿਰਚ ਪਾਊਡਰ 1 ਚਮਚ, ਕਸ਼ਮੀਰੀ ਲਾਲ ਮਿਰਚ ਪਾਊਡਰ ¼ ਚਮਚ, ਜੀਰਾ ਪਾਊਡਰ ¼ ਚਮਚ, ਦਹੀ ਅੱਧਾ ਚਮਚ,ਪਾਣੀ ਲੋੜ ਦੇ ਮੁਤਾਬਕ, ਗਰਮ ਮਸਾਲਾ ¼ ਚਮਚ, ਕਸੂਰੀ ਮੇਥੀ ਅੱਧਾ ਚਮਚ।

ਪਨੀਰ ਮਸਾਲਾ ਬਣਾਉਣ ਦਾ ਢੰਗ : ਸੱਭ ਤੋਂ ਪਹਿਲਾਂ ਇਕ ਵੱਡੀ ਕਢਾਈ ਵਿਚ ਘੀਓ ਗਰਮ ਕਰ ਲੈ ਅਤੇ ਉਸ 'ਚ ਪਨੀਰ ਦੇ ਟੁਕੜਿਆਂ ਨੂੰ ਫ਼ਰਾਈ ਕਰ ਲਓ। ਉਨ੍ਹਾਂ ਨੂੰ ਫ਼ਰਾਈ ਕਰਨ ਤੋਂ ਬਾਅਦ ਵੱਖ ਰੱਖ ਦੇ। ਹੁਣ ਉਸੀ ਘੀਓ ਵਿਚ ਜੀਰਾ, ਤੇਜ ਪੱਤਾ ਅਤੇ ਦਾਲਚੀਨੀ ਪਾ ਦਿਓ। ਜਦੋਂ ਤੱਕ ਇਹ ਸਾਰੇ ਮਸਾਲੇ ਚੰਗੀ ਤਰ੍ਹਾਂ ਨਾਲ ਗਰਮ ਨਹੀਂ ਹੁੰਦੇ ਉਦੋਂ ਤੱਕ ਤਲਦੇ ਰਹੋ। ਬਾਅਦ ਵਿਚ ਉਸ 'ਚ ਕਟੇ ਹੋਏ ਪਿਆਜ ਅਤੇ ਅਦਰਕ ਅਤੇ ਲਸਣ ਦਾ ਪੇਸਟ ਪਾ ਦਿਓ ਅਤੇ ਚੰਗੀ ਤਰ੍ਹਾਂ ਨਾਲ ਫ਼ਰਾਈ ਕਰ ਲਓ। 

ਤੇਲ ਵਿਚ ਫਿਰ ਟਮਾਟਰ ਦਾ ਪੇਸਟ ਪਾ ਦਿਓ ਅਤੇ ਉਸ ਨੂੰ ਚੰਗੀ ਤਰ੍ਹਾਂ ਨਾਲ ਤੇਲ ਵਿਚ ਗਰਮ ਕਰ ਲਿਓ। ਇੰਨਾ ਸੱਭ ਕੁੱਝ ਕਰਨ ਤੋਂ ਬਾਅਦ ਵਿਚ ਉਸ 'ਚ ਹਲਦੀ, ਲਾਲ ਮਿਰਚ ਪਾਊਡਰ, ਧਨਿਆ ਪਾਊਡਰ, ਜੀਰਾ ਪਾਊਡਰ ਅਤੇ ਲੂਣ ਪਾ ਦਿਓ। ਜਦੋਂ ਤੱਕ ਮਸਾਲਾ ਚੰਗੀ ਤਰ੍ਹਾਂ ਨਾਲ ਪੱਕ ਨਹੀਂ ਜਾਂਦਾ ਤੱਦ ਤੱਕ ਉਸ ਨੂੰ ਮੱਧਮ ਅੱਗ 'ਤੇ ਫ਼ਰਾਈ ਕਰਦੇ ਰਹੋ। ਹੁਣ ਉਸ 'ਚ ਪਾਣੀ ਅਤੇ ਦਹੀ ਪਾ ਦਿਓ। ਹੁਣ ਉਸ ਮਿਸ਼ਰਣ ਨੂੰ ਚੰਗੀ ਤਰ੍ਹਾਂ ਬਣਾ ਲਓ ਪਰ ਉਸ ਸਮੇਂ ਗੈਸ ਦੀ ਅੱਗ ਨੂੰ ਮੱਧਮ ਰੱਖੋ।

ਬਾਅਦ ਵਿਚ ਉਸ ਮਿਸ਼ਰਣ  ਨੂੰ 2 - 3 ਮਿੰਟ ਤੱਕ ਮੱਧਮ ਅੱਗ 'ਤੇ ਉਬਾਲਦੇ ਰਹੋ। ਉਸ ਮਿਸ਼ਰਣ ਨੂੰ ਚੰਗੀ ਤਰ੍ਹਾਂ ਨਾਲ ਉਬਾਲਣ ਤੋਂ ਬਾਅਦ ਉਸ 'ਚ ਫ਼ਰਾਈ ਕੀਤੇ ਹੋਏ ਪਨੀਰ ਦੇ ਟੁਕੜੇ ਪਾ ਦਿਓ। ਹੁਣ ਉਨ੍ਹਾਂ ਪਨੀਰ ਦੇ ਟੁਕੜਿਆਂ ਨੂੰ ਚੰਗੀ ਤਰ੍ਹਾਂ ਨਾਲ 2 ਮਿੰਟ ਤੱਕ ਉਬਾਲਦੇ ਰਹੋ ਅਤੇ ਉਦੋਂ ਤੱਕ ਉਬਾਲਦੇ ਰਹੇ ਜਦੋਂ ਤੱਕ ਸਾਰਾ ਮਸਾਲਾ ਪਨੀਰ ਦੇ ਅੰਦਰ ਨਾ ਚਲਾ ਜਾਵੇ। ਬਾਅਦ ਵਿਚ ਗਰਮ ਮਸਾਲਾ ਅਤੇ ਪੀਸੀ ਹੋਈ ਕਸੂਰੀ ਮੇਥੀ ਉਸ 'ਚ ਪਾ ਦਿਓ। ਇਸ ਤਰ੍ਹਾਂ ਨਾਲ ਪਨੀਰ ਮਸਾਲਾ ਤਿਆਰ ਹੋਣ ਤੋਂ ਬਾਅਦ ਤੁਸੀਂ ਉਸ ਨੂੰ ਰੋਟੀ ਅਤੇ ਚਾਵਲ ਦੇ ਨਾਲ ਵੀ ਪਰੋਸ ਸਕਦੇ ਹੋ। 

ਪਨੀਰ ਮਸਾਲਾ ਨੂੰ ਉਬਲੇ ਹੋਏ ਚਾਵਲ ਦੇ ਨਾਲ ਪਰੋਸਿਆ ਜਾ ਸਕਦਾ ਹੈ ਕਿਉਂ ਕਿ ਚਾਵਲ ਦੇ ਨਾਲ ਵਿਚ ਪਨੀਰ ਚੰਗੀ ਤਰ੍ਹਾਂ ਨਾਲ ਮਿਲ ਜਾਂਦਾ ਹੈ, ਨਾਲ ਹੀ ਪਨੀਰ ਦਾ ਸੈਂਡਵਿਚ ਵੀ ਬਣਾਇਆ ਜਾ ਸਕਦਾ ਹੈ ਅਤੇ ਉਸ ਨੂੰ ਭੁਨਿਆ ਵੀ ਜਾ ਸਕਦਾ ਹੈ। ਪਨੀਰ ਮਸਾਲਾ ਨੂੰ ਲਾਲ ਬਣਾਉਣ ਲਈ ਉਸ 'ਚ ਕਸ਼ਮੀਰੀ ਮਿਰਚੀ ਅਤੇ ਅੱਧਾ ਚਮਚ ਟਮਾਟਰ ਕੈਚਅਪ ਦਾ ਵੀ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਪੰਜਾਬ ਦੀ ਇਸ ਮਸ਼ਹੂਰ ਡਿਸ਼ ਨੂੰ ਬਣਾਉਣ ਲਈ ਜੋ ਸਮੱਗਰੀ ਦਿਤੀ ਗਈ ਹੈ

ਉਹ ਬਹੁਤ ਲੰਮੀ ਦਿਖਦੀ ਹੈ ਪਰ ਜਦੋਂ ਸਮੱਗਰੀ ਦੀ ਸੂਚੀ ਲੰਮੀ ਹੋਵੇ ਤਾਂ ਸਮਝ ਲੈਣਾ ਚਾਹੀਦਾ ਹੈ ਦੀ ਇਸ ਡਿਸ਼ ਨੂੰ ਬਣਾਉਣ ਤੋਂ ਬਾਅਦ ਇਹ ਕਿੰਨੀ ਸਵਾਦਿਸ਼ਟ ਲੱਗੇਗੀ। ਇਸ ਚੀਜ਼ ਦਾ ਨਾਮ ਹੀ ਪਨੀਰ ਮਸਾਲਾ ਰੱਖਿਆ ਗਿਆ ਕਿਉਂਕਿ ਇਸ ਵਿਚ ਕਈ ਤਰ੍ਹਾਂ ਦੀਆਂ ਚੀਜ਼ਾਂ ਅਤੇ ਮਸਾਲਾ ਪਾਉਣਾ ਕਾਫ਼ੀ ਜ਼ਰੂਰੀ ਹੋ ਜਾਂਦਾ ਹੈ ਉਦੋਂ ਇਹ ਡਿਸ਼ ਚੰਗੀ ਬਣ ਸਕਦੀ ਹੈ। ਇਸ ਲਈ ਇਸ ਨੂੰ ਬਣਾਉਂਦੇ ਸਮੇਂ ਕਿਸੇ ਵੀ ਚੀਜ਼ ਦੀ ਕਮੀ ਨਹੀਂ ਹੋਣੀ ਚਾਹੀਦੀ।