ਸਾਨ ਫਰਾਂਸਿਸਕੋ: ਨਵੀਂ ਖੋਜ 'ਚ ਸਾਹਮਣੇ ਆਇਆ ਹੈ ਕਿ ਕੱਚੀਆਂ ਸਬਜ਼ੀਆਂ ਖਾਣ ਨਾਲ ਅੰਤੜੀਆਂ 'ਚ ਮੌਜੂਦ ਬੈਕਟੀਰੀਆ 'ਚ ਵੱਡੀ ਤਬਦੀਲੀ ਆ ਸਕਦੀ ਹੈ। ਵਿਗਿਆਨੀਆਂ ਵਲੋਂ ਚੂਹਿਆਂ ਅਤੇ ਮਨੁੱਖਾਂ, ਦੋਹਾਂ 'ਤੇ ਕੀਤੀ ਖੋਜ 'ਚ ਪਤਾ ਲੱਗਾ ਹੈ ਕਿ ਪੱਕਿਆ ਹੋਇਆ ਭੋਜਨ ਖਾਣ ਨਾਲ ਸਾਡੇ ਸਰੀਰਾਂ 'ਚ ਮੌਜੂਦ ਬੈਕਟੀਰੀਆ ਬਦਲ ਜਾਂਦਾ ਹੈ।

ਖੋਜੀਆਂ ਅਨੁਸਾਰ ਅਜਿਹਾ ਇਸ ਲਈ ਹੁੰਦਾ ਹੈ ਕਿਉਂਕਿ ਪੱਕਿਆ ਹੋਇਆ ਭੋਜਨ ਸਾਡੀਆਂ ਅੰਤੜੀਆਂ ਦੀ ਸਿਹਤ ਬਿਹਤਰ ਕਰ ਸਕਦਾ ਹੈ, ਜਦਕਿ ਕੱਚੇ ਭੋਜਨ 'ਚ ਅਜਿਹੇ ਤੱਤ ਹੁੰਦੇ ਹਨ ਜੋ ਕਿ ਸੂਖਮਜੀਵਾਂ ਨੂੰ ਮਾਰ ਦਿੰਦੇ ਹਨ ਜਿਸ ਨਾਲ ਅੰਤੜੀਆਂ 'ਚ ਮੌਜੂਦ ਬਹੁਤ ਸਾਰਾ ਚੰਗਾ ਬੈਕਟੀਰੀਆ ਖ਼ਤਮ ਹੋ ਜਾਂਦਾ ਹੈ। ਕੈਨੇਫ਼ੋਰਨੀਆ ਸਾਨ ਫ਼ਰਾਂਸਿਸਕੋ ਯੂਨੀਵਰਸਟੀ ਦੀ ਇਕ ਟੀਮ ਨੇ ਕਿਹਾ ਕਿ ਚੂਹਿਆਂ ਨੂੰ ਕੱਚੇ ਅਤੇ ਪੱਕੇ ਹੋਏ ਮਾਸ ਦਾ ਭੋਜਨ ਦਿਤਾ ਗਿਆ ਪਰ ਦੋਹਾਂ ਮਾਮਲਿਆਂ 'ਚ ਚੂਹਿਆਂ ਦੇ ਪੇਟ 'ਚ ਮੌਜੂਦਾ ਬੈਕਟੀਰੀਆ ਅੰਦਰ ਕੋਈ ਤਬਦੀਲੀ ਨਹੀਂ ਆਈ।

ਜਦਕਿ ਜਦੋਂ ਚੂਹਿਆਂ ਨੂੰ ਕੱਚੇ ਆਲੂ ਖਾਣ ਲਈ ਦਿਤੇ ਗਏ ਤਾਂ ਉਨ੍ਹਾਂ ਦੇ ਪੇਟ 'ਚ ਬੈਕਟੀਰੀਆ 'ਚ ਕਮੀ ਵੇਖਣ ਨੂੰ ਮਿਲੀ। ਅਜਿਹਾ ਆਲੂਆਂ ਤੋਂ ਸਿਵਾ ਮੱਕੀ, ਮਟਰ, ਗਾਜਰਾਂ ਆਦਿ ਦੇ ਮਾਮਲੇ 'ਚ ਵੀ ਵੇਖਣ ਨੂੰ ਮਿਲਿਆ। ਖੋਜ ਟੀਮ ਦੇ ਮੁਖੀ ਡਾ. ਟਰਨਬਰਗ ਨੇ ਕਿਹਾ ਕਿ ਦਿਲਚਸਪ ਗੱਲ ਇਹ ਨਿਕਲੀ ਕਿ ਚੂਹਿਆਂ ਵਾਂਗ ਮਨੁੱਖਾਂ 'ਤੇ ਵੀ ਪੱਕੇ ਹੋਏ ਭੋਜਨ ਦਾ ਚੰਗਾ ਅਸਰ ਪਿਆ। ਉਨ੍ਹਾਂ ਕਿਹਾ ਕਿ ਉਹ ਲੰਮੇ ਸਮੇਂ ਤਕ ਖਾਣ-ਪੀਣ ਦੇ ਮਨੁੱਖਾਂ ਦੇ ਸਰੀਰ 'ਤੇ ਹੁੰਦੇ ਅਸਰ ਬਾਰੇ ਖੋਜ ਕਰਨ ਲਈ ਉਤਸ਼ਾਹਿਤ ਹਨ। 

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।