Obesity control tips weight loss tips

ਨਵੀਂ ਦਿੱਲੀ: ਮੋਟਾਪਾ ਇਕ ਅਜਿਹੀ ਸਮੱਸਿਆ ਹੈ ਜਿਸ ਨਾਲ ਸ਼ਰੀਰ ਨੂੰ ਕਈ ਬਿਮਾਰੀਆਂ ਲੱਗਦੀਆਂ ਹਨ। ਮੋਟਾਪੇ ਕਾਰਨ ਤੁਹਾਡੇ ਦਿਲ ਤੋਂ ਲੈ ਕੇ ਹਾਈ ਬੀਪੀ ਤਕ ਦੀਆਂ ਕਈ ਖਤਰਨਾਕ ਬਿਮਾਰੀਆਂ ਹੋ ਸਕਦੀਆਂ ਹਨ। ਮੋਟਾਪੇ ਦੀ ਵਜ੍ਹਾ ਰੋਜ਼ਾਨਾ ਖਾਣ-ਪੀਣ ਤੇ ਵੀ ਨਿਰਭਰ ਕਰਦਾ ਹੈ। ਨੌਜਵਾਨਾਂ ਅਤੇ ਬੱਚਿਆਂ ਦੇ ਜ਼ਿਆਦਾ ਫਾਸਟ ਫੂਡ ਖਾਣ ਦੀ ਆਦਤ ਵੀ ਮੋਟਾਪੇ ਦੀ ਵਜ੍ਹਾ ਬਣੀ ਰਹੀ ਹੈ।

ਜੇ ਤੁਸੀਂ ਮੋਟਾਪਾ ਘਟਾਉਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਜੀਵਨਸ਼ੈਲੀ ਵਿਚ ਸੁਧਾਰ ਦੇ ਨਾਲ ਹੀ ਕੁੱਝ ਘਰੇਲੂ ਉਪਾਵਾਂ ਨੂੰ ਵੀ ਅਜਮਾਉਣਾ ਚਾਹੀਦਾ ਹੈ। ਵਜਨ ਘਟਾਉਣ ਲਈ ਹਰ ਰੋਜ਼ ਕਰਸਤ ਕਰਨੀ ਚਾਹੀਦੀ ਹੈ। ਕਸਰਤ ਕਰਨ ਨਾਲ ਨਾ ਸਿਰਫ ਤੁਹਾਡਾ ਵਜਨ ਘਟੇਗਾ ਸਗੋਂ ਪੇਟ ਅੰਦਰ ਹੋ ਜਾਵੇਗਾ ਅਤੇ ਦਿਲ ਤੋਂ ਲੈ ਕੇ ਬਲੱਡ ਪ੍ਰੈਸ਼ਰ ਤਕ ਦੀਆਂ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਨਹੀਂ ਹੋਣਗੀਆਂ। ਸਿਹਤਮੰਦ ਰਹਿਣ ਲਈ ਕਸਰਤ ਬੇਹੱਦ ਜ਼ਰੂਰੀ ਹੈ।

ਇਸ ਦੇ ਨਾਲ ਹੀ ਵਧ ਤੋਂ ਵਧ ਪੈਦਲ ਤੁਰਨਾ ਚਾਹੀਦਾ ਹੈ ਅਤੇ ਦੌੜ ਲਗਾਉਣੀ ਚਾਹੀਦੀ ਹੈ। ਇਸ ਨਾਲ ਤੁਹਾਡੇ ਸ਼ਰੀਰ ਦੀ ਵਧ ਚਰਬੀ ਘਟ ਹੋ ਜਾਵੇਗੀ ਅਤੇ ਪੇਟ ਵੀ ਘਟੇਗਾ। ਵਜਨ ਘਟਾਉਣ ਲਈ ਰੋਜ਼ਾਨਾ ਆਦਤਾਂ ਵਿਚ ਵੀ ਬਦਲਾਅ ਕਰਨਾ ਚਹੀਦਾ ਹੈ। ਸਵੇਰੇ ਜਲਦੀ ਉਠ ਕੇ ਹਰ ਰੋਜ਼ ਗਰਮ ਪਾਣੀ ਪੀਣਾ ਚਾਹੀਦਾ ਹੈ। ਦਰਅਸਲ ਗਰਮ ਪਾਣੀ ਵਜਨ ਘਟਾਉਣ ਦੇ ਨਾਲ ਹੀ ਪੇਟ ਸਬੰਧੀ ਬਿਮਾਰੀਆਂ ਵੀ ਦੂਰ ਕਰਦਾ ਹੈ।

ਤੁਸੀਂ ਹਰ ਸਵੇਰੇ ਗਰਮ ਪਾਣੀ ਵਿਚ ਨਿੰਬੂ ਦਾ ਰਸ ਮਿਲਾ ਕੇ ਪੀਓ ਤੇ ਫਿਰ ਦੇਖੋ ਕਿਵੇਂ ਕੁਝ ਹੀ ਦਿਨਾਂ ਵਿਚ ਤੁਹਾਡਾ ਵਜਨ ਘਟ ਹੋਣ ਲੱਗੇਗਾ। ਕੋਸ਼ਿਸ਼ ਕਰੋ ਕਿ ਦਿਨ ਦੇ ਸਮੇਂ ਵੀ ਜਿੰਨੀ ਵਾਰ ਪਾਣੀ ਪੀਓ ਉਹ ਗਰਮ ਹੀ ਹੋਵੇ। ਇਸ ਨਾਲ ਤੁਹਾਡੀ ਸਿਹਤ ਠੀਕ ਰਹੇਗੀ ਅਤੇ ਵਜਨ ਵੀ ਘਟ ਹੋਵੇਗਾ। ਭਾਰ ਘਟਾਉਣ ਲਈ ਸਮੇਂ ਸਿਰ ਭੋਜਨ ਕਰਨਾ ਚਾਹੀਦਾ ਹੈ ਅਤੇ ਸਵੇਰੇ ਦਾ ਨਾਸ਼ਤਾ ਕਦੇ ਵੀ ਨਹੀਂ ਛੱਡਣਾ ਚਾਹੀਦਾ।

ਦਰਅਸਲ, ਸਵੇਰ ਦਾ ਨਾਸ਼ਤਾ ਸਿਹਤ ਲਈ ਬੇਹੱਦ ਫਾਇਦੇਮੰਦ ਹੁੰਦਾ ਹੈ। ਸਵੇਰ ਦਾ ਨਾਸ਼ਤਾ ਕਰਨ ਨਾਲ ਸ਼ਰੀਰ ਨੂੰ ਜ਼ਰੂਰੀ ਤੱਤ ਮਿਲਦੇ ਹਨ ਜਿਸ ਕਰ ਕੇ ਤੁਸੀਂ ਦਿਨ ਭਰ ਐਨਰਜੀ ਨਾਲ ਭਰਪੂਰ ਰਹਿੰਦੇ ਹੋ। ਸਵੇਰ ਦੇ ਨਾਸ਼ਤੇ ਵਿਚ ਸੁੱਕੇ ਮੇਵੇ, ਅੰਡਾ ਅਤੇ ਆਮਲੇਟ, ਪੋਹਾ, ਸੂਜੀ, ਉਪਮਾ ਅਤੇ ਫਲ ਆਦਿ ਖਾਣੇ ਚਾਹੀਦੇ ਹਨ। ਅਕਸਰ ਸਵੇਰੇ ਦੇ ਨਾਸ਼ਤੇ ਤੋਂ ਬਾਅਦ ਕੁੱਝ ਘੰਟਿਆਂ ਬਾਅਦ ਭੁੱਖ ਲਗ ਜਾਂਦੀ ਹੈ।

ਅਜਿਹੇ ਸਮੇਂ ਵਿਚ ਕਈ ਵਾਰ ਅਸੀਂ ਗਲਤ ਚੀਜ਼ਾਂ ਖਾ ਲੈਂਦੇ ਹਾਂ ਜਿਸ ਨਾਲ ਭਾਰ ਵਧਣ ਲਗਦਾ ਹੈ। ਜੇ ਤੁਹਾਨੂੰ ਦੁਬਾਰਾ ਭੁੱਖ ਲਗਦੀ ਹੈ ਤਾਂ ਭੁਲ ਕੇ ਵੀ ਸਮੋਸਾ, ਬ੍ਰੈਡ ਪਕੌੜੇ ਆਦਿ ਪਕਵਾਨਾਂ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ। ਇਹ ਤੁਹਾਡੇ ਭਾਰ ਨੂੰ ਵਧਾ ਸਕਦੇ ਹਨ। ਇਸ ਲਈ ਜਦੋਂ ਵੀ ਤੁਹਾਨੂੰ ਦੁਬਾਰਾ ਭੁੱਖ ਲੱਗੇ ਤਾਂ ਤੁਸੀਂ ਮਖਾਣੇ ਤੇ ਰੋਸਟ ਮੂੰਗਫਲੀ ਦਾ ਸੇਵਨ ਕਰੋ। ਇਹੀ ਨਹੀਂ ਇਸ ਤੋਂ ਇਲਾਵਾ ਵੀ ਤੁਸੀਂ ਸੁੱਕੇ ਮੇਵੇ, ਭੁੰਨੇ ਛੋਲੇ, ਕੱਚੀਆਂ ਸਬਜ਼ੀਆਂ ਦਾ ਸਲਾਦ ਵੀ ਖਾ ਸਕਦੇ ਹੋ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।