ਖੰਘ ਦੀ ਦਵਾਈ ਹਰ ਕੋਈ ਜਾਣਦਾ ਹੈ। ਅਕਸਰ ਲੋਕ ਖੰਘ ਤੋਂ ਪਰੇਸ਼ਾਨ ਹੋ ਜਾਂਦੇ ਹਨ ਪਰ ਸਮਝ ਨਹੀਂ ਪਾਉਂਦੇ ਕਿ ਸੁੱਕੀ ਖੰਘ ਦੇ ਲੱਛਣ ਦੀ ਕਿਵੇਂ ਪਹਿਚਾਣ ਕਰੀਏ। ਇਸ ਦੇ ਲਈ ਲੋਕ ਘਰੇਲੂ ਉਪਾਅ ਕਰਦੇ ਹਨ। ਲੋਕਾਂ ਨੂੰ ਅਕਸਰ ਪਤਾ ਨਹੀਂ ਹੁੰਦਾ ਕਿ ਉਹਨਾਂ ਨੂੰ ਕਿਸ ਪ੍ਰਕਾਰ ਦੀ ਖੰਘ ਹੋਈ ਹੈ। ਇਸ ਤੋਂ ਬਚਣ ਲਈ ਅੰਗਰੇਜ਼ੀ ਦਵਾਈਆਂ ਦੀ ਥਾਂ ਘਰੇਲੂ ਉਪਾਅ ਅਪਣਾਉਣੇ ਚਾਹੀਦੇ ਹਨ ਜਿਹਨਾਂ ਰਾਹੀਂ ਖੰਘ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।
ਖੰਘ ਤੋਂ ਬਚਣ ਲਈ ਗਰਮ ਪਾਣੀ ਵਿਚ ਨਮਕ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਇਸ ਦੇ ਲਈ ਗਰਮ ਪਾਣੀ ਵਿਚ ਥੋੜਾ ਜਿਹਾ ਨਮਕ ਪਾ ਕੇ ਗਰਾਰੇ ਕਰਨੇ ਚਾਹੀਦੇ ਹਨ। ਅਜਿਹਾ ਕਰਨ ਨਾਲ ਗਲੇ ਦੀ ਦਰਦ ਤੋਂ ਰਾਹਤ ਮਿਲੇਗੀ। ਆਂਵਲਾ ਖੰਘ ਲਈ ਕਾਫ਼ੀ ਅਸਰਦਾਰ ਮੰਨਿਆ ਜਾਂਦਾ ਹੈ। ਆਂਵਲੇ ਵਿਚ ਵਿਟਾਮਿਨ-ਸੀ ਹੁੰਦਾ ਹੈ ਜੋ ਬਲੱਡ ਸਰਕੁਲੇਸ਼ ਨੂੰ ਬਿਹਤਰ ਬਣਾਉਂਦਾ ਹੈ।
ਅਪਣੇ ਭੋਜਨ ਵਿਚ ਆਂਵਲਾ ਸ਼ਾਮਲ ਕਰ ਕੇ ਐਂਟੀ ਆਕਸੀਡੈਂਟਸ ਦਾ ਸੋਰਸ ਵਧਾਇਆ ਜਾ ਸਕਦਾ ਹੈ। ਖੰਘ ਦੇ ਮਰੀਜ਼ਾਂ ਨੂੰ ਗਰਮ ਪਾਣੀ ਦਾ ਇਸਤੇਮਾਲ ਕਰਨਾ ਚਾਹੀਦਾ ਹੈ। ਅੱਧਾ ਚਮਚ ਸ਼ਹਿਦ ਵਿਚ ਥੋੜਾ ਜਿਹਾ ਨਮਕ, ਇਲਾਇਚੀ ਤੇ ਥੋੜਾ ਜਿਹਾ ਨਿੰਬੂ ਦਾ ਜੂਸ ਪਾਉਣਾ ਚਾਹੀਦਾ ਹੈ। ਇਸ ਮਿਸ਼ਰਣ ਨੂੰ ਦਿਨ ਵਿਚ ਦੋ ਵਾਰ ਪੀਣਾ ਚਾਹੀਦਾ ਹੈ। ਇਹ ਘਰੇਲੂ ਨੁਸਖ਼ੇ ਖੰਘ ਦੀ ਦਵਾਈ ਸਾਬਤ ਹੁੰਦੀ ਹੈ।
ਖੰਘ ਦੀ ਅੰਗਰੇਜ਼ੀ ਦਵਾਈ ਤਾਂ ਲੋਕ ਅਕਸਰ ਲੈਂਦੇ ਹਨ ਪਰ ਉਸ ਨੂੰ ਲੈਣ ਨਾਲ ਨੀਂਦ ਆ ਜਾਂਦੀ ਹੈ ਅਤੇ ਉਸ ਦੇ ਬੁਰੇ ਪ੍ਰਭਾਵ ਵੀ ਬਹੁਤ ਹੁੰਦੇ ਹਨ। ਇਸ ਦੀ ਜਗ੍ਹਾ ਹਲਦੀ ਵਾਲਾ ਦੁੱਧ ਪੀਤਾ ਜਾ ਸਕਦਾ ਹੈ। ਹਲਦੀ ਵਾਲੇ ਦੁੱਧ ਵਿਚ ਐਂਟੀਆਕਸੀਡੈਂਟਸ ਹੁੰਦੇ ਹਨ। ਲਸਣ ਵੀ ਖੰਘ ਤੋਂ ਰਾਹਤ ਦਿੰਦਾ ਹੈ। ਇਸ ਦੇ ਲਈ ਲਸਣ ਨੂੰ ਘਿਓ ਵਿਚ ਭੁੰਨ ਕੇ ਗਰਮ ਹੀ ਖਾਣਾ ਹੋਵੇਗਾ। ਇਸ ਤੋਂ ਇਲਾਵਾ ਅਦਰਕ ਦਾ ਜੂਸ ਵੀ ਖੰਘ ਤੋਂ ਰਾਹਤ ਦਿੰਦਾ ਹੈ।
ਅਦਰਕ ਅਤੇ ਨਮਕ ਦਾ ਮਿਸ਼ਰਣ ਖੰਘ ਤੋਂ ਦੁਗਣਾ ਫ਼ਾਇਦਾ ਦੇਵੇਗਾ। ਅਨਾਰ ਦਾ ਰਸ ਵੀ ਖੰਘ ਤੋਂ ਛੁਟਕਾਰਾ ਦਿਵਾਉਂਦਾ ਹੈ। ਇਸ ਵਿਚ ਪਿਪਲੀ ਪਾਉਡਰ ਅਤੇ ਅਦਰਕ ਵੀ ਪਾਉਣਾ ਹੋਵੇਗਾ। ਖੰਘ ਨਾਲ ਅਕਸਰ ਬਲਗਮ ਵੀ ਆਉਂਦੀ ਹੈ। ਇਹ ਬੇਚੈਨੀ ਅਤੇ ਦਰਦ ਪੈਦਾ ਕਰਦੀ ਹੈ। ਇਸ ਤੋਂ ਬਚਣ ਲਈ ਕਾਲੀ ਮਿਰਚ ਨੂੰ ਦੇਸੀ ਘਿਓ ਵਿਚ ਮਿਲਾ ਸਕਦੇ ਹੋ। ਇਸ ਪ੍ਰਕਾਰ ਇਹਨਾਂ ਨੁਸਖ਼ਿਆਂ ਨੂੰ ਅਪਣਾ ਕੇ ਖੰਘ ਤੋਂ ਹਮੇਸ਼ਾ ਲਈ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।