Instagram is looking to shut down Like Patrol

ਨਵੀਂ ਦਿੱਲੀ: ਸੋਸ਼ਲ ਮੀਡੀਆ ਨਿਯਮਾਂ ਦਾ ਉਲੰਘਣ ਕਰਨ ‘ਤੇ ਇੰਸਟਾਗ੍ਰਾਮ ਲਾਈਕ ਪੈਟਰੋਲ ਨਾਂਅ ਦੀ ਇਕ ਐਪ ਨੂੰ ਬੰਦ ਕਰਨ ਜਾ ਰਿਹਾ ਹੈ। ਇਕ ਰਿਪੋਰਟ ਮੁਤਾਬਕ ਜਿਨ੍ਹਾਂ ਲੋਕਾਂ ਨੇ ਉਸ ਐਪ ਨੂੰ ਡਾਊਨਲੋਡ ਕੀਤਾ ਹੈ, ਉਹਨਾਂ ਨੂੰ ਇਹ ਐਪ ਬਾਕੀ ਯੂਜ਼ਰਜ਼ ਦੀ ਐਕਟੀਵਿਟੀ ਦੀ ਜਾਣਕਾਰੀ ਦਿੰਦਾ ਸੀ। ਇਕ ਹੋਰ ਰਿਪੋਰਟ ਮੁਤਾਬਕ ਇੰਸਟਾਗ੍ਰਾਮ ਨੇ ਅਪਣੇ ਨਿਯਮਾਂ ਦਾ ਉਲੰਘਣ ਕਰਨ ‘ਤੇ ਐਪ ਨੂੰ ਬੰਦ ਕਰਨ ਦਾ ਆਦੇਸ਼ ਦਿੱਤਾ ਹੈ।

ਇਸ ਤੋਂ ਬਾਅਦ ਉਮੀਦ ਹੈ ਕਿ ਲਾਈਕ ਪੈਟਰੋਲ ਡਾਟਾ ਇਕੱਠਾ ਨਹੀਂ ਕਰ ਸਕੇਗਾ ਅਤੇ ਪਬਲੀਸ਼ਰ ਨੂੰ ਐਪ ਬੰਦ ਕਰਨੀ ਹੋਵੇਗੀ। ਫੇਸਬੁੱਕ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਉਹਨਾਂ ਦੀਆਂ ਨੀਤੀਆਂ ਜਾ ਉਲੰਘਣ ਕਰਨ ਵਿਚ ਸ਼ਾਮਲ ਕੰਪਨੀਆਂ ‘ਤੇ ਅਸੀਂ ਕਾਰਵਾਈ ਕਰਦੇ ਹਾਂ। ਲਾਈਕ ਪੈਟਰੋਲ ਦੇ ਡਾਟੇ ਨੂੰ ਚੋਰੀ ਕਰਾ ਰਿਹਾ ਸੀ, ਇਸ ਲਈ ਉਹਨਾਂ ਵਿਰੁੱਧ ਲੋੜੀਂਦੀ ਕਾਰਵਾਈ ਕੀਤੀ ਜਾ ਰਹੀ ਹੈ।

ਇਸ ਤੋਂ ਪਹਿਲਾਂ ਅਕਤੂਬਰ ਵਿਚ ਇੰਸਟਾਗ੍ਰਾਮ ਨੇ ਅਪਣੇ ਫੋਲੋਇੰਗ ਟੈਬ ਨੂੰ ਖਤਮ ਕਰ ਦਿੱਤਾ ਸੀ। ਇਹ ਟੈਬ ਉਹਨਾਂ ਅਕਾਂਊਟਸ ਦੀ ਜਾਣਕਾਰੀ ਦਿੰਦਾ ਹੈ, ਜਿਨ੍ਹਾਂ ਨਾਲ ਉਹਨਾਂ ਦੇ ਦੋਸਤ ਜੁੜੇ ਹਨ। ਇੰਸਟਾਗ੍ਰਾਮ ਨੇ 2011 ਵਿਚ ਇਕ ਸ਼ੁਰੂਆਤੀ ਫੀਚਰ ਦੇ ਰੂਪ ਵਿਚ ਅਪਣਾ ‘ਫੋਲੋ’ ਟੈਬ ਲਾਂਚ ਕੀਤਾ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।