ਬਿਨਾਂ ਸਿਮ ਦੇ ਮੋਬਾਇਲ ਨਾਲ ਗੱਲ ਕਰਨ ਦੀ ਤਕਨੀਕ
ਭਾਰਤ ਇੰਟਰਨੈਟ ਟੈਲੀਫੋਨੀ ਦੀ ਦੁਨੀਆਂ ਵਿਚ ਕਦਮ ਰੱਖਣ ਜਾ ਰਿਹਾ ਹੈ। ਹੁਣ ਮੋਬਾਇਲ ਯੂਜ਼ਰ ਬਿਨਾਂ ਸਿਮ ਅਤੇ ਸਿਗਨਲ ਦੇ ਵੀ ਕਾਲ, ਮੈਸੇਜ ਵਰਗੀ ਸਹੂਲਤਾਂ ਦਾ ਫ਼ਾਇਦਾ ਉਠਾ...
ਭਾਰਤ ਇੰਟਰਨੈਟ ਟੈਲੀਫੋਨੀ ਦੀ ਦੁਨੀਆਂ ਵਿਚ ਕਦਮ ਰੱਖਣ ਜਾ ਰਿਹਾ ਹੈ। ਹੁਣ ਮੋਬਾਇਲ ਯੂਜ਼ਰ ਬਿਨਾਂ ਸਿਮ ਅਤੇ ਸਿਗਨਲ ਦੇ ਵੀ ਕਾਲ, ਮੈਸੇਜ ਵਰਗੀ ਸਹੂਲਤਾਂ ਦਾ ਫ਼ਾਇਦਾ ਉਠਾ ਸਕਣਗੇ। ਬੀਤੇ ਸਾਲ ਦੂਰਸੰਚਾਰ ਮੰਤਰਾਲਾ ਨੂੰ ਭੇਜੇ ਗਏ ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ਼ ਇੰਡੀਆ (ਟ੍ਰਾਈ) ਦੇ ਸੱਦੇ ਨੂੰ ਮਈ 'ਚ ਮਨਜ਼ੂਰੀ ਮਿਲਣ ਤੋਂ ਬਾਅਦ ਹੁਣ ਇਸ ਉਤੇ ਕੰਮ ਸ਼ੁਰੂ ਹੋ ਗਿਆ ਹੈ।
ਜੂਨ ਮਹੀਨੇ ਵਿਚ ਟ੍ਰਾਈ ਨੇ ਭਾਰਤ ਦੀ ਸਾਰੇ ਟੈਲਿਕਾਮ ਕੰਪਨੀਆਂ ਨੂੰ ਇੰਟਰਨੈਟ ਟੈਲੀਫੋਨੀ ਦੀ ਸਹੂਲਤ ਦੇਣ ਦੇ ਨਿਰਦੇਸ਼ ਦੇ ਦਿਤੇ ਹਨ। ਕਈ ਟੈਲਿਕਾਮ ਆਪਰੇਟਰਸ ਨੇ ਇਸ ਦਾ ਵਿਰੋਧ ਵੀ ਕੀਤਾ ਸੀ ਪਰ ਮੰਤਰਾਲੇ ਵਲੋਂ ਮਨਜ਼ੂਰੀ ਮਿਲਣ ਤੋਂ ਬਾਅਦ ਇਸ ਉਤੇ ਰੋਕ ਲੱਗ ਗਈ। ਹਾਲਾਂਕਿ ਦੁਨੀਆਂ ਦੇ ਮੁਕਾਬਲੇ ਭਾਰਤ ਵਿਚ ਇਹ ਤਕਨੀਕ 23 ਸਾਲ ਬਾਅਦ ਸ਼ੁਰੂ ਹੋ ਰਹੀ ਹੈ।
16 ਜੂਨ 2008 ਨੂੰ ਟ੍ਰਾਈ ਨੂੰ ਭੇਜੇ ਗਏ ਅਪਣੇ ਜਵਾਬ ਵਿਚ ਟੈਲਕਸਿਸ ਕੰਸਲਟਿੰਗ ਸਰਵਿਸਿਜ਼ ਪ੍ਰਾਈਵੇਟ ਲਿਮਟਿਡ ਨੇ ਲਿਖਿਆ ਹੈ ਕਿ ਭਾਰਤ ਵਿਚ ਇੰਟਰਨੈਟ ਦੀ ਸ਼ੁਰੂਆਤ 1995 'ਚ ਹੋਈ, ਇਹੀ ਉਹ ਦੌਰ ਸੀ ਜਦੋਂ ਦੁਨੀਆਂ 'ਚ ਇੰਟਰਨੈਟ ਟੈਲੀਫੋਨੀ ਦੀ ਸ਼ੁਰੂਆਤ ਹੋ ਰਹੀ ਸੀ। ਕੰਪਨੀ ਦਾ ਕਹਿਣਾ ਹੈ ਕਿ ਟੈਲਿਕਾਮ ਆਪਰੇਟਰਜ਼ ਨੂੰ ਫਾਇਦਾ ਪਹੁੰਚਾਣ ਲਈ ਹੁਣ ਤੱਕ ਗਾਹਕਾਂ ਦੇ ਹਿਤਾਂ ਦੀ ਅਣਦੇਖੀ ਕੀਤੀ ਗਈ ਅਤੇ ਲੋਕਾਂ ਨੂੰ ਸਸਤੀ ਅਤੇ ਆਸਨ ਸਹੂਲਤ ਤੋਂ ਵਾਂਜੇ ਰੱਖਿਆ ਗਿਆ।
1998 'ਚ ਟ੍ਰਾਈ ਨੇ ਇਹ ਦਲੀਲ ਦਿਤੀ ਕਿ ਉਸ ਦੇ ਕੋਲ ਅਜਿਹਾ ਕੋਈ ਨਿਯਮ ਨਹੀਂ ਹੈ ਜਿਸ ਦੇ ਨਾਲ ਉਸ ਸਮੇਂ ਇੰਟਰਨੈਟ ਸਰਵਿਸ ਦੇਣ ਵਾਲੀ ਕੰਪਨੀ ਬੀਐਸਐਨਐਲ ਨੂੰ ਇੰਟਰਨੈਟ ਟੈਲੀਫੋਨੀ ਨੂੰ ਬਲਾਕ ਕਰਨ ਤੋਂ ਰੋਕਿਆ ਜਾ ਸਕੇ। 2001 ਵਿਚ ਦਿੱਲੀ ਹਾਈਕੋਰਟ ਦੇ ਜਸਟੀਸ ਮੁਕੁਲ ਮੁਦਗਲ ਨੇ ਬੀਐਸਐਨਐਲ ਨੂੰ ਇੰਟਰਨੈਟ ਟੈਲੀਫੋਨੀ ਦੀ ਸਹੂਲਤ ਦੇਣ ਵਾਲੀ ਵੈਬਸਾਈਟ ਬਲਾਕ ਕਰਨ ਉਤੇ ਚਿਤਾਵਨੀ ਵੀ ਜਾਰੀ ਕੀਤੀ। ਇਸ ਦੇ ਬਾਅਦ ਦੂਰਸੰਚਾਰ ਮੰਤਰਾਲੇ ਨੇ ਇੰਟਰਨੈਟ ਟੈਲੀਫੋਨੀ ਲਈ ਨਿਯਮ ਬਣਾਉਣ ਉਤੇ ਕੰਮ ਸ਼ੁਰੂ ਕੀਤਾ। ਜਿਸ ਦੀ ਪੂਰੀ ਤਰ੍ਹਾਂ ਮਨਜ਼ੂਰੀ 1 ਮਈ 2018 ਨੂੰ ਮਿਲ ਪਾਈ ਹੈ।
ਕੀ ਹੈ ਇੰਟਰਨੇਟ ਟੇਲੀਫੋਨੀ ?
ਇੰਟਰਨੈਟ ਟੈਲੀਫੋਨੀ ਮੋਬਾਇਲ ਉਤੇ ਇੰਟਰਨੈਟ ਦੀ ਮਦਦ ਨਾਲ ਕਾਲ ਕਰਣਨ ਦੀ ਤਕਨੀਕ ਹੈ। ਇਹ ਮੋਬਾਇਲ ਐਪ ਦੀ ਮਦਦ ਨਾਲ ਕੰਮ ਕਰਦਾ ਹੈ। ਇਸ ਦੇ ਲਈ ਪਬਲਿਕ ਵਾਈ - ਫਾਈ ਹੋਣਾ ਜ਼ਰੂਰੀ ਹੈ। ਇੰਟਰਨੈਟ ਟੈਲੀਫੋਨੀ ਵਿਚ ਇੰਟਰਨੈਟ ਪ੍ਰੋਟੋਕਾਲ ਦੀ ਮਦਦ ਨਾਲ ਕਾਲ ਕੀਤੀ ਜਾਂਦੀ ਹੈ ਇਸ ਲਈ ਇਸ ਨੂੰ ਵਾਇਸ ਓਵਰ ਇੰਟਰਨੈਟ ਪ੍ਰੋਟੋਕਾਲ (VoIP) ਤਕਨੀਕ ਕਿਹਾ ਗਿਆ ਹੈ।
ਵਟਸਐਪ ਕਾਲਿੰਗ ਅਤੇ ਸਕਾਇਪ ਇੰਟਰਨੈਟ ਟੈਲੀਫੋਨੀ ਦੇ ਉਦਹਾਰਣ ਹਨ ਪਰ ਇਨ੍ਹਾਂ ਦੇ ਜ਼ਰੀਏ ਕਾਲ ਕਰਨ ਲਈ ਦੋਹੇਂ ਹੀ ਮੋਬਾਇਲ ਯੂਜ਼ਰ ਦੇ ਕੋਲ ਵਟਸਐਪ ਜਾਂ ਸਕਾਇਪ ਹੋਣਾ ਜ਼ਰੂਰੀ ਹੈ। ਇੰਟਰਨੈਟ ਟੈਲੀਫੋਨੀ ਵਿਚ ਟੈਲਿਕਾਮ ਆਪਰੇਟਰ ਕੰਪਨੀ ਅਪਣੇ ਆਪ ਇਹਨਾਂ ਸੁਵਿਧਾਵਾਂ ਪ੍ਰਦਾਨ ਕਰਦੇ ਹਨ।
ਮੌਜੂਦਾ ਸਮੇਂ ਵਿਚ ਮੋਬਾਇਲ ਫੋਨ ਜਾਂ ਲੈਂਡਲਾਈਨ ਲਈ ਪਬਲਿਕ ਸਵਿਚਡ ਟੈਲੀਫੋਨ ਨੈੱਟਵਰਕ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਫਰੀਕਵੈਂਸੀ ਡਿਸਟ੍ਰੀਬਿਊਸ਼ਨ ਦੇ ਸਿਧਾਂਤ ਉਤੇ ਆਧਾਰਿਤ ਹੈ।
ਭਾਰਤ 'ਚ ਇੰਟਰਨੈਟ ਟੈਲੀਫੋਨੀ ਨੂੰ ਲੈ ਕੇ ਸੱਭ ਤੋਂ ਵੱਡੀ ਚੁਣੋਤੀ ਪਬਲਿਕ ਵਾਈ - ਫਾਈ ਦਾ ਹੋਣਾ ਹੈ। ਫਿਲਹਾਲ ਦੇਸ਼ ਵਿਚ 38000 ਪਬਲਿਕ ਵਾਈ - ਫਾਈ ਹਨ ਜੋ ਕਿ ਭਾਰਤ ਦੀ ਜਨਸੰਖਿਆ ਦੇ ਮੁਕਾਬਲੇ ਕਾਫ਼ੀ ਘੱਟ ਹੈ। ਹਾਲਾਂਕਿ ਟ੍ਰਾਈ ਦਾ ਕਹਿਣਾ ਹੈ ਕਿ ਸਾਲ ਦੇ ਅੰਤ ਤੱਕ ਇਹ ਗਿਣਤੀ 5 ਲੱਖ ਹੋ ਜਾਵੇਗੀ।