If you also use Nokia mobile then read this important news

ਨਵੀਂ ਦਿੱਲੀ : ਨੋਕੀਆ ਮੋਬਾਈਲ ਫੋਨ ਉਪਭੋਗਤਾਵਾਂ ਲਈ ਆਖਰਕਾਰ ਇੱਕ ਚੰਗੀ ਖ਼ਬਰ ਹੈ। ਇੱਕ ਨਵੀਂ ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਨੋਕੀਆ ਮੋਬਾਈਲ ਨੇ ਉਹ ਸਮਾਰਟਫੋਨ ਮਾਡਲ ਬਣਾਏ ਹਨ ਜੋ ਐਂਡਰਾਇਡ 13 ਸਾਫਟਵੇਅਰ ਅਪਡੇਟ ਲਈ ਯੋਗ ਹੋਣਗੇ।

Android 13 ਪ੍ਰਾਪਤ ਕਰਨ ਵਾਲਾ ਪਹਿਲਾ ਨੋਕੀਆ ਫੋਨ ਸੰਭਾਵਤ ਤੌਰ 'ਤੇ ਨੋਕੀਆ XR20 5G ਹੋਵੇਗਾ, ਜਿਸ ਲਈ ਬੀਟਾ ਸੰਸਕਰਣ ਪਹਿਲਾਂ ਹੀ ਉਪਲਬਧ ਹੈ। ਇੱਥੇ ਚਾਰ ਹੋਰ ਫੋਨ ਹੋਣਗੇ ਜੋ ਐਂਡਰਾਇਡ 13 ਸਾਫਟਵੇਅਰ ਵਰਤਣ ਦੇ ਯੋਗ ਹੋਣਗੇ।  ਨੋਕੀਆ ਮੋਬਾਈਲ ਨੇ ਕਥਿਤ ਤੌਰ 'ਤੇ ਇਸ ਬਾਰੇ ਪੁਸ਼ਟੀ ਕੀਤੀ ਹੈ।  ਇਸ ਚੰਗੀ ਖ਼ਬਰ ਦੇ ਨਾਲ-ਨਾਲ ਕੁਝ ਉਪਭੋਗਤਾਵਾਂ ਲਈ ਇੱਕ ਮਾੜੀ ਖ਼ਬਰ ਵੀ ਹੈ ਕਿਉਂਕਿ ਇੱਕ ਚੀਨੀ ਨਿਊਜ਼ ਵੈੱਬਸਾਈਟ ਆਈਟੀ ਹੋਮ ਅਨੁਸਾਰ, ਨੋਕੀਆ ਮੋਬਾਈਲ ਨੇ ਪੁਸ਼ਟੀ ਕੀਤੀ ਹੈ ਕਿ ਉਸ ਨੇ ਐਂਡਰਾਇਡ 12 ਮਾਈਗ੍ਰੇਸ਼ਨ ਨੂੰ ਪੂਰਾ ਕਰ ਲਿਆ ਹੈ। ਜਿਸ ਦਾ ਮਤਲਬ ਹੈ ਕਿ ਜਿਨ੍ਹਾਂ ਫੋਨਾਂ ਵਿਚ ਅਜੇ ਤੱਕ ਐਂਡਰਾਇਡ 12 ਅਪਡੇਟ ਨਹੀਂ ਹੋਇਆ, ਉਹ ਭਵਿੱਖ ਵਿਚ ਵੀ ਇਸ ਨੂੰ ਪ੍ਰਾਪਤ ਨਹੀਂ ਕਰ ਸਕਣਗੇ। ਇਹ ਉਨ੍ਹਾਂ  ਉਪਭੋਗਤਾਵਾਂ ਲਈ ਥੋੜੀ ਪ੍ਰੇਸ਼ਾਨੀ ਵਾਲੀ ਗੱਲ ਹੈ ਜੋ ਐਂਡਰਾਇਡ 12 ਅਪਡੇਟ ਦੀ ਉਡੀਕ ਕਰ ਰਹੇ ਸਨ। ਹਾਲਾਂਕਿ ਨੋਕੀਆ ਮੋਬਾਈਲ ਨੇ ਪਹਿਲਾਂ ਉਨ੍ਹਾਂ ਸਾਰੇ ਫੋਨਾਂ ਨੂੰ ਸੂਚੀਬੱਧ ਕੀਤਾ ਸੀ ਜੋ ਇਸ ਦੇ ਯੋਗ ਸਨ।

Nokia XR20
Nokia X20
Nokia X10
Nokia G50
Nokia G11 Plus
ਰਿਪੋਰਟ ਮੁਤਾਬਕ ਨੋਕੀਆ ਦੇ ਇਹ ਪੰਜ ਫੋਨ ਐਂਡਰਾਇਡ ਐਂਟਰਪ੍ਰਾਈਜ਼ ਦੀ ਸਿਫ਼ਾਰਿਸ਼ ਕੀਤੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਦੇ ਹਨ। ਇਹ ਕਾਰੋਬਾਰ-ਮੁਖੀ ਲੋੜਾਂ ਹਨ, ਜਿਵੇਂ ਕਿ ਜ਼ੀਰੋ-ਟਚ ਨਾਮਾਂਕਣ ਦੇ ਵੱਡੀ ਤਾਦਾਦ ਵਿਚ ਮੋਬਾਈਲ ਫੋਨ ਅਤੇ ਪੁਖਤਾ ਐਂਡਰਾਇਡ ਸੁਰੱਖਿਆ ਨਾਲ ਲੈਸ ਮੋਬਾਈਲ ਫੋਨ। ਇਹ ਉਹ ਇਲੈਕਟ੍ਰਾਨਿਕ ਮੋਬਾਈਲ ਡਿਵਾਈਸਜ਼ ਹੋਣਗੀਆਂ ਜੋ ਕਿ Google ਵਲੋਂ ਐਂਟਰਪ੍ਰਾਈਜ਼ ਡਿਵਾਈਸ ਦੇ ਤੌਰ 'ਤੇ ਵੇਚਣ ਲਈ ਲੋੜੀਂਦੀਆਂ ਹੋਣ।

ਨੋਕੀਆ ਮੋਬਾਈਲ ਦੁਆਰਾ ਸੂਚੀਬੱਧ ਕੀਤੇ ਗਏ ਫ਼ੋਨਾਂ ਤੋਂ ਇਲਾਵਾ ਹੋਰ ਵੀ ਫ਼ੋਨ ਹਨ, ਜਿਵੇਂ ਕਿ C31, G60 5G, ਅਤੇ X30 5G ਜੋ ਇਸ ਸਾਲ ਸਤੰਬਰ ਵਿਚ IFA ਬਰਲਿਨ ਵਿਚ ਲਾਂਚ ਕੀਤੇ ਗਏ ਸਨ। ਉਕਤ ਫੋਨਾਂ ਦਾ ਇਸ ਸੂਚੀ ਵਿਚ ਸ਼ਾਮਲ ਨਾ ਹੋਣ ਦਾ ਕਾਰਨ ਇਹ ਹੈ ਕਿ ਉਹ ਚੀਨ ਵਿਚ ਨਹੀਂ ਵਿਕਦੇ। ਨੋਕੀਆ ਮੋਬਾਈਲ ਦੁਆਰਾ ਜਾਰੀ ਕੀਤੇ ਗਏ ਯੋਗ ਸਮਾਰਟਫ਼ੋਨਸ ਦੀ ਸੂਚੀ ਚੀਨੀ ਮਾਰਕੀਟ ਲਈ ਹੈ, ਇਸ ਲਈ ਸਾਨੂੰ ਨੋਕੀਆ ਫੋਨਾਂ ਦੇ ਗਲੋਬਲ ਵੇਰੀਐਂਟਸ ਦੇ ਸਬੰਧ ਵਿਚ ਐਲਾਨ ਦੀ ਉਡੀਕ ਕਰਨੀ ਪਵੇਗੀ।