ਗੂਗਲ ਨੇ 20 ਲੱਖ ਯੂਟਿਊਬ ਵੀਡੀਉ ਕੀਤੇ ਡਿਲੀਟ; 'ਵਾਚ ਪੇਜ' 'ਤੇ ਭਰੋਸੇਯੋਗ ਸਰੋਤਾਂ ਵਾਲੇ ਵੀਡੀਉ ਹੀ ਹੋਣਗੇ ਸੂਚੀਬੱਧ
ਯੂਟਿਊਬ ਨੇ ਖ਼ਬਰਾਂ ਲਈ ਵਾਚ ਪੇਜ ਕੀਤਾ ਪੇਸ਼
ਨਵੀਂ ਦਿੱਲੀ: ਗੂਗਲ ਦੀ ਮਲਕੀਅਤ ਵਾਲਾ ਯੂਟਿਊਬ 'ਵਾਚ ਪੇਜ' 'ਤੇ ਸਿਰਫ਼ ਭਰੋਸੇਯੋਗ ਖ਼ਬਰਾਂ ਦੇ ਸਰੋਤਾਂ ਤੋਂ ਵੀਡੀਉਜ਼ ਨੂੰ ਹੀ ਸੂਚੀਬੱਧ ਕਰੇਗਾ। ਇਹ ਆਉਣ ਵਾਲੇ ਮਹੀਨਿਆਂ ਵਿਚ ਭਾਰਤ ਵਿਚ ਉਪਲਬਧ ਹੋਵੇਗਾ। ਕੰਪਨੀ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿਤੀ।
ਇਹ ਵੀ ਪੜ੍ਹੋ: ਵਪਾਰੀ 'ਤੇ ਕਾਰ ਚੜ੍ਹਾਉਣ ਦੇ ਮਾਮਲੇ ਵਿਚ ਪੰਜਾਬੀ ਮਿਊਜ਼ਿਕ ਕੰਪਨੀ ਦੇ ਮਾਲਕ ਨੂੰ 2 ਸਾਲ ਦੀ ਕੈਦ
ਯੂਟਿਊਬ ਇੰਡੀਆ ਦੀ ਸਰਕਾਰੀ ਮਾਮਲਿਆਂ ਅਤੇ ਜਨਤਕ ਨੀਤੀ ਦੀ ਮੁਖੀ ਮੀਰਾ ਚੈਟ ਨੇ ਇਥੇ ‘ਗੂਗਲ ਫਾਰ ਇੰਡੀਆ’ ਪ੍ਰੋਗਰਾਮ ਦੌਰਾਨ ਕਿਹਾ, "ਅੱਜ ਮੈਂ ਵਾਚ ਪੇਜਾਂ 'ਤੇ ਭਰੋਸੇਯੋਗ ਸਰੋਤਾਂ ਤੋਂ ਖ਼ਬਰਾਂ ਪੇਸ਼ ਕਰਨ ਲਈ ਉਤਸ਼ਾਹਿਤ ਹਾਂ, ‘ਵਾਚ ਪੇਜ’ ਉਤੇ ਸਿਰਫ਼ ਭਰੋਸੇਯੋਗ ਸਰੋਤਾਂ ਤੋਂ ਉਪਲਬਧ ਵੀਡੀਉਜ਼ ਹੀ ਸੂਚੀਬੱਧ ਕੀਤੇ ਜਾਣਗੇ”।
ਇਹ ਵੀ ਪੜ੍ਹੋ: ਕਿਉਂ ਰੁਲ ਰਹੇ ਹਨ ਪੂਰੇ ਪੰਜਾਬ ਦੀਆਂ ਮੰਡੀਆਂ ’ਚ ਕਿਸਾਨ, ਮਜ਼ਦੂਰ ਤੇ ਆੜ੍ਹਤੀਏ, ਕੀ ਹੈ ਪੂਰਾ ਮਾਮਲਾ?
ਉਨ੍ਹਾਂ ਕਿਹਾ ਕਿ 'ਵਾਚ ਪੇਜ' ਆਉਣ ਵਾਲੇ ਮਹੀਨਿਆਂ ਵਿਚ ਭਾਰਤ ਵਿਚ ਉਪਲਬਧ ਹੋਵੇਗਾ। ਉਥੇ ਹੀ ਸੂਤਰਾਂ ਨੇ ਕਿਹਾ ਕਿ ਸਰਕਾਰ ਨੇ ਯੂਟਿਊਬ 'ਤੇ ਭੇਜੇ ਗਏ ਅਪਣੇ ਸੰਚਾਰ ਵਿਚ "ਫਰਜ਼ੀ ਖ਼ਬਰਾਂ" ਨੂੰ ਪਰਿਭਾਸ਼ਿਤ ਨਹੀਂ ਕੀਤਾ ਹੈ। ਚੈਟ ਨੇ ਕਿਹਾ ਕਿ ਪਲੇਟਫਾਰਮ ਨੇ ਅਪ੍ਰੈਲ-ਜੂਨ 2023 ਦੇ ਵਿਚਕਾਰ ਭਾਰਤ ਵਿਚ 20 ਲੱਖ ਤੋਂ ਵੱਧ ਵੀਡੀਓ ਹਟਾ ਦਿਤੇ ਹਨ ਜੋ ਨੀਤੀਆਂ ਦੀ ਉਲੰਘਣਾ ਕਰ ਰਹੇ ਸਨ।