ਹੁਣ ਵੀਡੀਓ ਕਾਲ ਦੌਰਾਨ ਇੱਕ ਦੂਜੇ ਨੂੰ ਛੂਹ ਵੀ ਸਕਣਗੇ ਲੋਕ
ਟੈਕਨਾਲੋਜੀ ਤੇ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਦੇ ਇਸ ਦੌਰ 'ਚ ਹੁਣ ਉਹ ਵੀ ਸੰਭਵ ਹੋ ਸਕੇਗਾ ਜਿਸ ਬਾਰੇ ਅਸੀਂ ਸਿਰਫ਼ ਕਲਪਨਾ ਹੀ ਕਰ ਸਕਦੇ ਹਾਂ।
ਨਵੀਂ ਦਿੱਲੀ : ਟੈਕਨਾਲੋਜੀ ਤੇ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਦੇ ਇਸ ਦੌਰ 'ਚ ਹੁਣ ਉਹ ਵੀ ਸੰਭਵ ਹੋ ਸਕੇਗਾ ਜਿਸ ਬਾਰੇ ਅਸੀਂ ਸਿਰਫ਼ ਕਲਪਨਾ ਹੀ ਕਰ ਸਕਦੇ ਹਾਂ। ਜੇਕਰ ਤੁਹਾਨੂੰ ਕਿਹਾ ਜਾਵੇ ਕਿ ਵੀਡੀਓ ਕਾਲ ਦੌਰਾਨ ਤੁਸੀਂ ਸਾਹਮਣੇ ਵਾਲੇ ਯੂਜ਼ਰ ਨੂੰ ਟੱਚ ਵੀ ਕਰ ਸਕੋਗੇ ਤਾਂ ਇਹ ਆਪਣੇ-ਆਪ 'ਚ ਹੈਰਾਨਕੁੰਨ ਹੋਵੇਗਾ। ਹੁਣ ਇਹ ਵੀ ਸੰਭਵ ਹੋ ਸਕਦਾ ਹੈ। ਅਸਲ ਵਿਚ ਅਮਰੀਕਾ ਦੀ ਨਾਰਥਵੈਸਟਰਨ ਯੂਨੀਵਰਸਿਟੀ ਦੇ ਖੋਜੀਆਂ ਨੇ ਇਸ ਤਕਨੀਕ ਨੂੰ ਵਿਕਸਤ ਕੀਤਾ ਹੈ। ਅਮਰੀਕੀ ਖੋਜੀਆਂ ਨੇ ਇਸ ਵਰਚੂਅਲ ਰਿਐਲਟੀ ਨਾਲ ਲੈਸ ਡਿਵਾਈਸ ਡਿਜ਼ਾਈਨ ਕੀਤੀ ਹੈ। ਇਸ ਡਿਵਾਈਸ ਜ਼ਰੀਏ ਕਿਤੇ ਦੂਰ ਬੈਠੇ ਵਿਅਕਤੀ ਨੂੰ ਵੀ ਛੂਹਣ ਦਾ ਅਹਿਸਾਸ ਕੀਤਾ ਜਾ ਸਕਦਾ ਹੈ।
ਖੋਜੀਆਂ ਨੇ ਇਕ ਅਜਿਹੀ ਵਾਇਰਲੈੱਸ ਡਿਵਾਈਸ ਬਣਾਈ ਹੈ ਜਿਹੜੀ ਸਾਹਮਣੇ ਵਾਲੇ ਨੂੰ ਇਕ-ਦੂਸਰੇ ਨੂੰ ਟਚ ਕਰਨ ਦਾ ਅਹਿਸਾਸ ਦਿਵਾਏਗੀ। ਇਹ ਵਾਇਰਲੈੱਸ ਡਿਵਾਈਸ ਦੇਖਣ 'ਚ ਪਤਲੀ ਹੈ ਜੋ ਕਿ ਵਰਚੁਅਲ ਰਿਐਲਟੀ ਨਾਲ ਲੈਸ ਹੈ ਤੇ ਇਕ-ਦੂਸਰੇ ਨੂੰ ਛੂਹਣ ਦਾ ਅਹਿਸਾਸ ਦਿਵਾਉਂਦੀ ਹੈ। ਇਸ ਡਿਵਾਈਸ ਦੀ ਮਦਦ ਨਾਲ ਲੋਕ ਵੀਡੀਓ ਕਾਲ ਦੌਰਾਨ ਇਕ-ਦੂਸਰੇ ਨੂੰ ਛੂਹ ਕੇ ਮਹਿਸੂਸ ਕਰ ਸਕਦੇ ਹਨ। ਨਾਲ ਹੀ ਇਸ ਵਿਚ ਮੂਵੀ ਦੇਖਦੇ ਸਮੇਂ ਸਕ੍ਰੀਨ 'ਤੇ ਚੱਲਣ ਵਾਲੀਆਂ ਚੀਜ਼ਾਂ ਨੂੰ ਵੀ ਫੀਲ ਕੀਤਾ ਜਾ ਸਕੇਗਾ। ਅਮਰੀਕਾ ਦੀ ਨਾਰਥਵੈਸਟਰਨ ਯੂਨੀਵਰਸਿਟੀ ਦੇ ਖੋਜੀਆਂ ਨੇ ਇਸ ਡਿਵਾਈਸ ਦਾ ਨਾਂ 'ਇਪਿਡਰਮਲ ਵੀਆਰ' ਰੱਖਿਆ ਹੈ।
ਇਸ ਵਿਚ ਸਿਲੀਕਾਨ ਦੀ ਇਕ ਪਤਲੀ ਲਚੀਨੀ ਪਰਤ ਅੰਦਰ ਐਕਟਿਊਏਟਰਜ਼ ਲੱਗੇ ਹੋਏ ਹਨ ਜੋ ਵਾਈਬ੍ਰੇਟ ਹੁੰਦੇ ਹਨ ਤੇ ਘੁੰਮਦੇ ਰਹਿੰਦੇ ਹਨ। ਇਹੀ ਐਕਿਊਟਰਜ਼ ਤੁਹਾਨੂੰ ਛੂਹਣ ਦਾ ਅਹਿਸਾਸ ਕਰਵਾਉਂਦੇ ਹਨ। ‘ਨੇਚਰ’ ਜਰਨਲ ‘ਚ ਪ੍ਰਕਾਸ਼ਿਤ ਅਧਿਐਨ ‘ਚ ਇਰ VR ਸਿਸਟਮ ਬਾਰੇ ਦੱਸਿਆ ਗਿਆ ਹੈ। ਇਹ ਡਿਵਾਈਸ 15cm ਚੌੜੀ ਤੇ 15cm ਲੰਬੀ ਇਕ ਲਚਕੀਲੀ ਪਰਤ ਹੁੰਦੀ ਹੈ। ਇਸ ਵਿਚ ਇਕ ਵਾਇਰਲੈੱਸ ਪਾਵਰ ਸਰਕਟ ਹੁੰਦਾ ਹੈ। ਯੂਨੀਵਰਸਿਟੀ ਦੇ ਜੌਨ ਏ ਰਾਜਰਜ਼ ਨੇ ਕਿਹਾ ਕਿ ਇਹ ਡਿਵਾਈਸ ਯੂਜ਼ਰਜ਼ ਉੱਪਰ ਬੋਝ ਵੀ ਨਹੀਂ ਬਣਦੀ।
ਇਸ ਤਰ੍ਹਾਂ ਕਰਦੀ ਹੈ ਕੰਮ ਖੋਜੀਆਂ ਨੇ ਇਹ ਵੀ ਦੱਸਿਆ ਕਿ ਇਹ ਡਿਵਾਈਸ ਇਕ ਤਰ੍ਹਾਂ ਨਾਲ ਲਚਕੀਲੀ ਪਰਤ ਹੈ ਜਿਸ ਦਾ ਕੁਨੈਕਸ਼ਨ ਕੰਪਿਊਟਰ ਦੇ ਇਕ ਵਿਸ਼ੇਸ਼ ਸਾਫਟਵੇਅਰ ਨਾਲ ਰਹਿੰਦਾ ਹੈ। ਦੂਰ ਬੈਠਾ ਕੋਈ ਵਿਅਕਤੀ ਜਦੋਂ ਕੰਪਿਊਟਰ ‘ਚ ਇਸ ਨੂੰ ਸਾਫਟਵੇਅਰ ਜ਼ਰੀਏ ਛੂਹਦਾ ਹੈ ਤਾਂ ਦੂਰ ਬੈਠਾ ਵਿਅਕਤੀ ਇਸ ਡਵਾਈਸ ਜ਼ਰੀਏ ਇਸ ਸਪਰਸ਼ ਨੂੰ ਮਹਿਸੂਸ ਕਰ ਸਕਦਾ ਹੈ। ਇਸ ਡਿਵਾਈਸ ‘ਚ ਮੌਜੂਦ ਐਕਟਿਊਏਟਰਜ਼ (ਖ਼ਾਸ ਤਰ੍ਹਾਂ ਦੇ ਗੋਲ ਛੱਲੇ) ਵਾਈਬ੍ਰੇਟ ਜਾਂ ਮੂਵ ਕਰ ਕੇ ਸਪਰਸ਼ ਦਾ ਅਹਿਸਾਸ ਕਰਵਾਉਂਦੀ ਹੈ। ਮਿਲੀਮੀਟਰ ਦੇ ਅਕਾਰ ਦੇ 32 ਐਕਟਿਊਏਟਰਜ਼ ਇਸ ਡਿਵਾਈਸ ‘ਚ ਲੱਗੇ ਹੁੰਦੇ ਹਨ।
ਖੋਜੀਆਂ ਨੇ ਦੱਸਿਆ ਕਿ ਐਕਿਊਟਰਜ਼ ਇਕ ਵਾਰ ‘ਚ 200 ਵਾਰ ਘੁੰਮਦਾ ਹੈ। ਇਸ ਡਿਵਾਈਸ ਨੂੰ ਸਮਾਰਟਫੋਨ ਤੇ ਟੈਬਲਿਟ ਨਾਲ ਵੀ ਜੋੜਿਆ ਜਾ ਸਕਦਾ ਹੈ। ਵਾਇਰਲੈੱਸ ਹੈ ਇਹ ਡਿਵਾਈਸ ਖੋਜੀਆਂ ਨੇ ਦੱਸਿਆ ਕਿ ਇਹ ਡਿਵਾਈਸ ਇਸਤੇਮਾਲ ਕਰਨ 'ਚ ਕਾਪ਼ੀ ਹਲਕੀ ਹੈ। ਇਹ ਪੂਰੀ ਤਰ੍ਹਾਂ ਨਾਲ ਵਾਇਰਲੈੱਸ ਹੈ। ਇਸ ਵਿਚ ਬਾਹਰੋਂ ਕੋਈ ਬੈਟਰੀ ਲਾਉਣ ਦੀ ਜ਼ਰੂਰਤ ਨਹੀਂ ਪੈਂਦੀ। ਇਸ ਕਾਰਨ ਇਹ ਵਰਤੋਂ ‘ਚ ਬੇਹੱਦ ਆਸਾਨ ਵੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।