ਰਿਕਸ਼ੇਵਾਲੇ ਦੇ ਇਸ Style ‘ਤੇ ਫਿਦਾ ਹੋਏ ਆਨੰਦ ਮਹਿੰਦਰਾ, ਗਿਫਟ ਕਰਨਗੇ ਨਵੀਂ ਗੱਡੀ
ਦੇਸ਼ ਦੀ ਪ੍ਰਸਿੱਧ ਆਟੋਮੋਬਾਈਲ ਕੰਪਨੀ ਮਹਿੰਦਰਾ ਐਂਡ ਮਹਿੰਦਰਾ ਗਰੁੱਪ ਦੇ ਚੇਅਰਮੈਨ ਅਨੰਦ ਮਹਿੰਦਰਾ ਅਪਣੀ ਦਰਿਆਦਿਲੀ ਲਈ ਜਾਣੇ ਜਾਂਦੇ ਹਨ।
ਨਵੀਂ ਦਿੱਲੀ: ਦੇਸ਼ ਦੀ ਪ੍ਰਸਿੱਧ ਆਟੋਮੋਬਾਈਲ ਕੰਪਨੀ ਮਹਿੰਦਰਾ ਐਂਡ ਮਹਿੰਦਰਾ ਗਰੁੱਪ ਦੇ ਚੇਅਰਮੈਨ ਅਨੰਦ ਮਹਿੰਦਰਾ ਅਪਣੀ ਦਰਿਆਦਿਲੀ ਲਈ ਜਾਣੇ ਜਾਂਦੇ ਹਨ। ਇਸ ਦੇ ਨਾਲ ਹੀ ਉਹ ਸੋਸ਼ਲ ਮੀਡੀਆ ‘ਤੇ ਵੀ ਹਮੇਸ਼ਾਂ ਐਕਟਿਵ ਰਹਿੰਦੇ ਹਨ। ਉਹਨਾਂ ਦੇ ਟਵੀਟਸ ਨੂੰ ਖੂਬ ਪਸੰਦ ਕੀਤਾ ਜਾਂਦਾ ਹੈ। ਇਸ ਵਾਰ ਉਹ ਇਕ ਰਿਕਸ਼ੇਵਾਲੇ ਦੇ ਜੁਗਾੜ ‘ਤੇ ਫਿਦਾ ਹੋ ਗਏ ਹਨ।
ਰਿਕਸ਼ੇਵਾਲੇ ਨੇ ਰਿਕਸ਼ੇ ਪਿੱਛੇ ਮਹਿੰਦਰਾ ਗਰੁੱਪ ਦਾ ਲੋਗੋ ਲਗਾਇਆ ਸੀ, ਜਿਸ ਨੂੰ ਦੇਖ ਕੇ ਆਨੰਦ ਮਹਿੰਦਰਾ ਦੇ ਚੇਹਰੇ ‘ਤੇ ਮੁਸਕਾਨ ਆ ਗਈ। ਉਹਨਾਂ ਨੇ ਰਿਕਸ਼ੇਵਾਲੇ ਨੂੰ ਅਪਗ੍ਰੇਡੇਡ ਵਾਹਨ ਦੇਣ ਦਾ ਫੈਸਲਾ ਕੀਤਾ ਹੈ। ਟਵਿਟਰ ਯੂਜ਼ਰ ਨੀਰਜ ਪ੍ਰਤਾਪ ਸਿੰਘ ਨੇ ਆਨੰਦ ਮਹਿੰਦਰਾ ਨੂੰ ਟੈਗ ਕਰਦੇ ਹੋਏ ਰਿਕਸ਼ੇ ਦੀ ਤਸਵੀਰ ਸ਼ੇਅਰ ਕੀਤੀ, ਜਿਸ ਵਿਚ ਰਿਕਸ਼ੇ ‘ਤੇ ਮਹਿੰਦਰਾ ਦਾ ਲੋਗੋ ਲੱਗਿਆ ਸੀ।
ਨੀਰਜ ਨੇ ਆਨੰਦ ਮਹਿੰਦਰਾ ਤੋਂ ਇਸ ਫੋਟੋ ‘ਤੇ ਪ੍ਰਤੀਕਿਰਿਆ ਮੰਗੀ ਸੀ, ਜਿਸ ‘ਤੇ ਆਨੰਦ ਮਹਿੰਦਰਾ ਨੇ ਸ਼ਾਨਦਾਰ ਪ੍ਰਤੀਕਿਰਿਆ ਦਿੱਤੀ ਹੈ। ਆਨੰਦ ਮਹਿੰਦਰਾ ਨੇ ਲਿਖਿਆ, ‘ਨੀਰਜ ਸ਼ਾਇਦ ਤੁਹਾਨੂੰ ਮਜ਼ਾਕ ਲੱਗ ਰਿਹਾ ਹੋਵੇਗਾ ਤੇ ਇਹ ਹੈ ਵੀ। ਖ਼ਾਸਤੌਰ ‘ਤੇ ਜਦੋਂ ਲੋਗੋ ਹੇਠਾਂ ਵਾਲੇ ਪਾਸੇ ਲਗਾਇਆ ਗਿਆ ਹੈ ਪਰ ਮੈਂ ਇਸ ਤੋਂ ਬਹੁਤ ਪ੍ਰਭਾਵਿਤ ਹਾਂ ਅਤੇ ਅਸੀਂ ਉਸ ਨੂੰ ਚਲਾਉਣ ਲਈ ਇਕ ਨਵਾਂ ਅਪਗ੍ਰੇਡਡ ਵਾਹਨ ਦੇਵਾਂਗੇ ਤਾਂ ਜੋ ਉਹ ਜ਼ਿੰਦਗੀ ਵਿਚ ਅੱਗੇ ਵਧ ਸਕੇ।
ਹਾਲੇ ਤੱਕ ਇਹ ਪਤਾ ਨਹੀਂ ਚੱਲ ਸਕਿਆ ਕਿ ਆਨੰਦ ਮਹਿੰਦਰਾ ਰਿਕਸ਼ਾ ਚਾਲਕ ਨੂੰ ਕਿਹੜੀ ਗੱਡੀ ਦੇਣਗੇ। ਉਹਨਾਂ ਨੇ ਟਵੀਟ ਵਿਚ Rise ਸ਼ਬਦ ਦੀ ਵਰਤੋਂ ਕੀਤੀ ਹੈ। ਮਹਿੰਦਰਾ ਰਾਈਜ਼ ਦੇ ਨਾਂਅ ਨਾਲ ਉਹਨਾਂ ਦੀ ਇਕ ਕੰਪਨੀ ਵੀ ਹੈ। ਇਹ ਕੰਪਨੀ ਇਲੈਕਟ੍ਰਿਕ ਵਾਹਨ ਬਣਾਉਣ ਲਈ ਜਾਣੀ ਜਾਂਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।