World's first underwater villa

ਮਾਲਦੀਵ ਛੁੱਟੀਆਂ ਗੁਜ਼ਾਰਨ ਲਈ ਲੋਕਾਂ ਦੀ ਪਸੰਦੀਦਾ ਥਾਵਾਂ ਵਿਚੋਂ ਇਕ ਹੈ। ਇਹ ਅਪਣੇ ਲਗਜ਼ਰੀ ਹੋਟਲਸ ਅਤੇ ਮਹਿੰਗੇ ਰਿਜ਼ਾਰਟਸ ਲਈ ਵੀ ਜਾਣਿਆ ਜਾਂਦਾ ਹੈ। ਜੇਕਰ ਤੁਹਾਨੂੰ ਵੀ ਅਜਿਹੇ ਲਗਜ਼ਰੀ ਰਿਜ਼ਾਰਟਸ ਪਸੰਦ ਹਨ ਤਾਂ ਛੇਤੀ ਹੀ ਮਾਲਦੀਵ ਤੁਹਾਨੂੰ ਇਕ ਚੰਗਾ ਤੋਹਫਾ ਦੇਣ ਵਾਲਾ ਹੈ। ਮਾਲਦੀਵ ਵਿਚ ਦੁਨੀਆਂ ਦਾ ਪਹਿਲਾ ਅੰਡਰਵਾਟਰ ਵਿਲਾ ਸ਼ੁਰੂ ਹੋਣ ਵਾਲਾ ਹੈ। ਇਹ ਵਿਲਾ ਇਸ ਸਾਲ ਨਵੰਬਰ ਤੋਂ ਸ਼ੁਰੂ ਹੋ ਜਾਵੇਗਾ।

ਇਸ ਹੋਟਲ ਦੇ ਸ਼ੁਰੂ ਹੋਣ ਦੀ ਖਬਰ ਨੇ ਪੂਰੇ ਸੈਰ ਜਗਤ ਵਿਚ ਖਲਬਲੀ ਮਚਾ ਦਿਤੀ ਹੈ। ਖਾਸਕਰ, ਜਿਨ੍ਹਾਂ ਲੋਕਾਂ ਨੂੰ ਪਾਣੀ ਅਤੇ ਅੰਡਰਵਾਟਰ ਐਡਵੈਂਚਰਸ ਪਸੰਦ ਹਨ, ਉਹ ਇਸ ਦੇ ਲਈ ਕਾਫ਼ੀ ਉਤਸ਼ਾਹਿਤ ਹੈ। ਇਹ ਵਿਲਾ ਦੋ ਮੰਜ਼ਿਲ ਦਾ ਹੈ। ਇਸ ਦੀ ਇਕ ਮੰਜ਼ਿਲ ਪਾਣੀ ਦੇ ਉਤੇ ਹੈ ਅਤੇ ਦੂਜੀ ਮੰਜ਼ਿਲ ਪਾਣੀ ਦੇ ਅੰਦਰ ਹੈ। ਪਾਣੀ ਦੇ ਅੰਦਰ ਇਕ ਵੱਡਾ ਜਿਹਾ ਬੈਡਰੂਮ, ਵਾਸ਼ਰੂਮ ਅਤੇ ਲਿਵਿੰਗ ਰੂਮ ਹੈ। 

ਇਸ ਦੀ ਊਪਰੀ ਮੰਜ਼ਿਲ ਵੀ ਕਾਫ਼ੀ ਲਗਜ਼ੂਰਿਅਸ ਹੋਵੇਗੀ। ਇਥੇ ਰਸੋਈ, ਬਾਰ, ਜਿਮ ਤੋਂ ਇਲਾਵਾ ਕਈ ਸੁਵਿਧਾਵਾਂ ਹੋਣਗੀਆਂ। ਇਥੇ ਮਾਲਦੀਵ ਦੇ ਖੂਬਸੂਰਤ ਸਨਸੈਟ ਦੇਖਣ ਲਈ ਡੈਕ ਵੀ ਹੈ। ਤੁਹਾਡੀ ਕਿਸੇ ਵੀ ਤਰ੍ਹਾਂ ਦੀ ਮਦਦ ਲਈ ਇੱਥੇ 24 ਘੰਟੇ ਸਟਾਫ ਮੌਜੂਦ ਰਹੇਗਾ। ਇਸ ਦੀ ਇਕ ਰਾਤ ਦਾ ਕਿਰਾਇਆ 50 ਹਜ਼ਾਰ ਡਾਲਰ ਯਾਨੀ ਲਗਭੱਗ 37 ਲੱਖ 13 ਹਜ਼ਾਰ ਰੁਪਏ ਹੋਵੇਗਾ।