Trifolium alexandrinum

ਪੱਠੇ ਵਢਦਾ ਵਢਦਾ ਰੁਲਦੂ ਗੱਲਾਂ ਕਰ ਰਿਹਾ ਸੀ ਤੇ ਘੁੱਕ ਬੱਚਿਆਂ ਵਾਂਗ ਦੋ ਦੋ, ਤਿੰਨ ਤਿੰਨ ਨਾਲੀਆਂ ਦੀਆਂ ਪੀਪਣੀਆਂ ਬਣਾ ਬਣਾ ਕੇ ਉਨ੍ਹਾਂ ਦੀਆਂ ਆਵਾਜ਼ਾਂ ਦੇ ਸੁਰ ਮਿਲਾ ਰਿਹਾ ਸੀ । ''ਚਾਚਾ... ਅੱਜ ਮੈਂ ਬੜਾ ਖ਼ੁਸ਼ ਹਾਂ। ਪਤੈ ਅੱਜ ਮੇਰੇ ਕਿੰਨੇ ਨੰਬਰ ਆਏ ਨੇ...? ਹਿਸਾਬ 'ਚੋਂ, ਸਾਰੀ ਜਮਾਤ 'ਚੋਂ ਮੇਰੇ 100 'ਚੋਂ 100 ਨੰਬਰ ਆਏ ਨੇ...। ਲੰਬੜਦਾਰਾਂ ਦੇ ਧੀਰੇ ਦੇ 50 ਤੇ ਕੰਬੋਆਂ ਦੇ ਦਲਜੀਤ ਦੇ 80 ਨੰਬਰ ਨੇ।” ਮਾਘ ਮਹੀਨੇ ਦੀਆਂ ਤਰਕਾਲਾਂ ਵੇਲੇ, ਆਲੇ-ਦੁਆਲੇ ਹਰਿਆਵਲ ਹੀ ਹਰਿਆਵਲ ਨਜ਼ਰ ਆ ਰਹੀ ਸੀ। ਪਿਛਲੀਆਂ ਪੈਲੀਆਂ ਵਿਚ ਸਰ੍ਹੋਂ ਦੀ ਫ਼ਸਲ, ਪੀਲੇ ਫੁੱਲਾਂ ਨਾਲ ਲੱਦੀ ਹੋਈ ਸੀ।