Punjab's Pearl Kapur emerges as India's youngest billionaire

Punjab News: ਪੰਜਾਬ ਦੇ ਜ਼ਿਲ੍ਹਾ ਹੁਸ਼ਿਆਰਪੁਰ ਨਾਲ ਸਬੰਧਤ ਨੌਜਵਾਨ ਪਰਲ ਕਪੂਰ 1.1 ਬਿਲੀਅਨ ਡਾਲਰ ਦੀ ਜਾਇਦਾਦ ਨਾਲ ਅਰਬਪਤੀਆਂ ਵਿਚ ਸ਼ੁਮਾਰ ਹੋ ਗਿਆ ਹੈ। ਇਸ ਨੌਜਵਾਨ ਨੇ ਸਾਈਬਰ ਸੁਰੱਖਿਆ ਲਈ ਸਟਾਰਟਅੱਪ ਕੰਪਨੀ ਜਾਇਬਰ 365 ਦੀ ਸਥਾਪਨਾ ਕੀਤੀ ਸੀ। ਡੀ.ਸੀ. ਰੋਡ ਹੁਸ਼ਿਆਰਪੁਰ ਦੇ ਵਸਨੀਕ ਨੌਜਵਾਨ ਦੀ ਕੰਪਨੀ ਨੂੰ ਦੇਸ਼ ਭਰ ਵਿਚ 109ਵਾਂ ਸਥਾਨ ਹਾਸਲ ਹੋਇਆ ਸੀ।

ਇੰਗਲੈਂਡ ਵਿਚ ਪੜ੍ਹਾਈ ਪੂਰੀ ਕਰਨ ਮਗਰੋਂ ਪਰਲ ਕਪੂਰ ਨੇ ਦੁਨੀਆਂ ਭਰ ਵਿਚ ਵੱਧ ਰਹੇ ਸਾਈਬਰ ਅਪਰਾਧਾਂ ਨੂੰ ਲੈ ਕੇ ਸਾਈਬਰ ਸੁਰੱਖਿਆ ਲਈ ਸਾਫਟਵੇਅਰ ਤਿਆਰ ਕਰਨ ਦਾ ਫ਼ੈਸਲਾ ਕੀਤਾ ਸੀ। ਪਰਲ ਕਪੂਰ ਦੇ ਇਸ ਵਿਚਾਰ ਤੋਂ ਪ੍ਰਭਾਵਤ ਹੋ ਕੇ ਇੰਗਲੈਂਡ ਦੇ ਐੱਸ. ਰਾਮ. ਐਂਡ ਐੱਸ. ਰਾਮ ਗਰੁੱਪ ਵਲੋਂ ਉਸ ਦੀ ਕੰਪਨੀ ਵਿਚ 1.2 ਬਿਲੀਅਨ ਡਾਲਰ ਦੀ ਫੰਡਿੰਗ ਕੀਤੀ ਗਈ।

ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।

ਇਸ ਕੰਪਨੀ ਦੇ ਫਾਊਂਡਰ ਅਤੇ ਸੀ.ਈ.ਓ. ਪਰਲ ਕਪੂਰ ਹਨ। ਕੰਪਨੀ ਵਿਚ ਉਸ ਦੀ 90 ਫ਼ੀ ਸਦੀ ਹਿੱਸੇਦਾਰੀ ਹੈ। ਪਰਲ ਕਪੂਰ ਨੇ ਦਸਿਆ ਕਿ ਉਸ ਦੀ ਕੰਪਨੀ ਦਾ ਮੁੱਖ ਦਫ਼ਤਰ ਇੰਗਲੈਂਡ ਵਿਚ ਹੈ। ਬੇਟੇ ਦੀ ਇਸ ਸਫ਼ਲਤਾ ’ਤੇ ਉਸ ਦੇ ਮਾਪੇ ਵੀ ਮਾਣ ਮਹਿਸੂਸ ਕਰ ਰਹੇ ਹਨ।

(For more Punjabi news apart from Punjab's Pearl Kapur emerges as India's youngest billionaire , stay tuned to Rozana Spokesman)