Tirupati balaji from yes bank jagannaths

ਮੁੰਬਈ: ਵਿੱਤੀ ਸੰਕਟ ਵਿਚ ਫਸੇ ਯੈੱਸ ਬੈਂਕ ਦੇ ਗਾਹਕ ਘਬਰਾਏ ਹੋਏ ਹਨ। ਯੈੱਸ ਬੈਂਕ ਦੀਆਂ ਸ਼ਾਖਾਵਾਂ ਅਤੇ ਏਟੀਐਮ ਤੇ ਸ਼ੁੱਕਰਵਾਰ ਨੂੰ ਗਾਹਕਾਂ ਦੀਆਂ ਲੰਬੀਆਂ ਕਤਾਰਾਂ ਦਿਖਾਈ ਦਿੱਤੀਆਂ। ਉਸ ਦੇ ਏਟੀਐਮ ਖਾਲੀ ਹੋ ਗਏ। ਲੋਕਾਂ ਵਿਚ ਗੁੱਸਾ ਦੇਖਦੇ ਹੋਏ ਬੈਂਕ ਦੀਆਂ ਸ਼ਾਖਾਵਾਂ ਤੇ ਪੁਲਿਸ ਤੈਨਾਤ ਕਰਨੀ ਪਈ ਹੈ। ਦਰਅਸਲ ਆਰਬੀਆਈ ਨੇ ਵੀਰਵਾਰ ਤੋਂ 3 ਅਪ੍ਰੈਲ ਤਕ ਬੈਂਕ ਚੋਂ 50 ਹਜ਼ਾਰ ਤੋਂ ਜ਼ਿਆਦਾ ਪੈਸੇ ਕਢਵਾਉਣ ਤੇ ਰੋਕ ਲਗਾ ਦਿੱਤੀ ਹੈ।

ਬੈਂਕ ਸੰਕਟ ਤੋਂ ਤਿਰੁਪਤੀ ਬਾਲਾਜੀ ਤਾਂ ਬਚ ਗਏ ਕਿਉਂ ਕਿ ਉਹਨਾਂ ਦੇ ਟ੍ਰਸਟ ਨੇ ਪਿਛਲੇ ਮਹੀਨੇ ਹੀ ਅਪਣੇ 1300 ਕਰੋੜ ਰੁਪਏ ਕਢਵਾ ਲਏ ਸਨ। ਪਰ ਭਗਵਾਨ ਜਗਨਨਾਥ ਦੇ 592 ਕਰੋੜ ਫਸ ਗਏ ਹਨ। ਉਧਰ ਈਡੀ ਨੇ ਸ਼ੁੱਕਰਵਾਰ ਦੇਰ ਰਾਤ ਯੈੱਸ ਬੈਂਕ ਦੇ ਸੰਸਥਾਪਕ ਰਾਣਾ ਕਪੂਰ ਦੇ ਮੁੰਬਈ ਸਥਿਤ ਘਰ ਤੇ ਛਾਪਾ ਮਾਰਿਆ ਹੈ। ਉਹਨਾਂ ਦੇ ਬਿਆਨ ਦਰਜ ਕੀਤੇ ਗਏ ਹਨ ਅਤੇ ਉਹਨਾਂ ਤੋਂ ਦੇਰ ਰਾਤ ਤਕ ਪੁੱਛਗਿੱਛ ਕੀਤੀ ਗਈ।

ਲੁਕ ਆਉਟ ਨੋਟਿਸ ਵੀ ਜਾਰੀ ਕੀਤਾ ਗਿਆ ਹੈ ਤਾਂ ਕਿ ਉਹ ਦੇਸ਼ ਨਾ ਛੱਡ ਸਕਣ। ਆਰਬੀਆਈ ਨੇ ਯੈੱਸ ਬੈਂਕ ਦਾ ਰੇਸਕਿਊ ਪਲਾਨ ਪੇਸ਼ ਕਰ ਲਿਆ ਹੈ। ਆਰਬੀਆਈ ਦੇ ਪਲਾਨ ਵਿਚ ਐਸਬੀਆਈ ਵਿਚ ਅਹਿਮ ਭੂਮਿਕਾ ਹੈ। ਐਸਬੀਆਈ 2450 ਕਰੋੜ ਰੁਪਏ ਦੇ ਨਿਵੇਸ਼ ਨਾਲ ਯੇਸ ਬੈਂਕ ਵਿਚ 49% ਹਿੱਸੇਦਾਰੀ ਖਰੀਦੇਗੀ। ਯੈਸ ਬੈਂਕ ਦੀ ਅਧਿਕਾਰਤ ਪੂੰਜੀ 50 ਹਜ਼ਾਰ ਕਰੋੜ ਹੈ। ਨਿਰਧਾਰਤ ਕੀਤਾ ਗਿਆ ਹੈ ਹਰ ਸ਼ੇਅਰ ਦੀ ਕੀਮਤ 2 ਰੁਪਏ ਹੋਵੇਗੀ।

ਇਕ ਨਵਾਂ ਬੋਰਡ ਬਣਾਇਆ ਜਾਵੇਗਾ। ਨਿਵੇਸ਼ਕ ਬੈਂਕ, ਭਾਵ ਐਸਬੀਆਈ, ਬੋਰਡ 'ਤੇ ਦੋ ਨਿਰਦੇਸ਼ਕਾਂ ਦੀ ਨਿਯੁਕਤੀ ਕਰ ਸਕਦੇ ਹਨ। ਜੇ ਕੋਈ ਪੁਨਰ ਨਿਰਮਾਣ ਯੋਜਨਾ ਤੋਂ ਖਾਤਾ ਧਾਰਕ ਦੀਆਂ ਪ੍ਰਾਪਤੀਆਂ ਵਿੱਚ ਕੋਈ ਤਬਦੀਲੀ ਕੀਤੀ ਜਾਂਦੀ ਹੈ ਤਾਂ ਕੋਈ ਮੁਆਵਜ਼ਾ ਨਹੀਂ ਮਿਲੇਗਾ। ਯੈਸ ਬੈਂਕ ਵਿਚ ਕੰਮ ਕਰਨ ਵਾਲੇ ਸਾਰੇ ਕਰਮਚਾਰੀਆਂ ਦੀਆਂ ਸੇਵਾਵਾਂ ਪਹਿਲਾਂ ਦੀ ਤਰ੍ਹਾਂ ਜਾਰੀ ਰਹਿਣਗੀਆਂ। 1400 ਰੁਪਏ ਵਾਲਾ ਸ਼ੇਅਰ ਹੁਣ ਸਿਰਫ 16 ਰੁਪਏ ਹੈ।

ਯੈੱਸ ਬੈਂਕ ਦਾ ਪੈਸਾ ਡੀਐਚਐਫਐਲ-3700, ਰਿਲਾਇੰਸ ਏ ਡੀ ਏ 3,300, ਆਈਐਲਐਂਡਐਫਐਸ 2,442, ਕੋਕਸ ਅਤੇ ਕਿੰਗਜ਼ 2,127, ਕੈਫੇ ਕਾਫੀ ਡੇ 1,500, ਜੈੱਟ ਏਅਰਵੇਜ਼  552 ਕੰਪਨੀਆਂ ਨੇ ਡੁਬੋਇਆ ਹੈ। 25 ਹਜ਼ਾਰ ਕਰੋੜ ਰੁਪਏ ਕੁਲ ਐਨਪੀਏ ਹੈ ਯਾਨੀ ਕਿ ਬੈਂਕ ਦਾ ਪੈਸਾ ਕੰਪਨੀਆਂ ਵਿਚ ਡੁੱਬ ਗਿਆ। ਬੈਂਕ ਦੀ ਮਾਰਕੀਟ ਕੈਪ 4,131 ਕਰੋੜ ਰੁਪਏ ਹੈ। ਸਤੰਬਰ 2018 ਵਿਚ 80 ਹਜ਼ਾਰ ਕਰੋੜ ਰੁਪਏ ਸੀ, ਯਾਨੀ 76 ਹਜ਼ਾਰ ਕਰੋੜ ਰੁਪਏ ਘਟਿਆ ਹੈ।

5 ਲੱਖ ਰੁਪਏ ਤਕ ਨਾ ਡੁੱਬਣ ਵਾਲਾ ਬਜਟੀ ਐਲਾਨ ਯੈਸ ਬੈਂਕ ਤੇ ਲਾਗੂ ਨਹੀਂ ਹੋਵੇਗਾ। ਇਹ ਵਿਵਸਥਾ ਦੀਵਾਲੀਆ ਦੀ ਸਥਿਤੀ ਲਈ ਹੈ। ਇਹ ਸ਼ਰਤ ਉਦੋਂ ਹੀ ਲਾਗੂ ਹੋ ਸਕਦੀ ਹੈ ਜਦੋਂ ਆਰਬੀਆਈ ਬੈਂਕ ਨੂੰ ਫੇਲ੍ਹ ਐਲਾਨ ਕਰੇ। ਪੈਸੇ ਕਢਵਾਉਣ ਤੇ ਰੋਕ ਲਗਾਉਣਾ ਬੈਂਕ ਨੂੰ ਬਚਾਉਣ ਦਾ ਯਤਨ ਹੈ। ਜਿਹਨਾਂ ਲੋਕਾਂ ਦਾ ਇਸ ਬੈਂਕ ਵਿਚ ਖਾਤਾ ਚਲਦਾ ਹੈ ਉਹ 50 ਹਜ਼ਾਰ ਰੁਪਏ ਤਕ ਕਢਵਾ ਸਕਦੇ ਹਨ।

ਇਸ ਪ੍ਰਕਾਰ ਇਸ ਬੈਂਕ ਵਿਚੋਂ ਏਟੀਐਮ ਰਾਹੀਂ ਵੀ ਪੈਸਾ ਨਹੀਂ ਕਢਵਾਇਆ ਜਾ ਸਕਦਾ ਕਿਉਂ ਕਿ ਇਸ ਦੇ ਏਟੀਐਮ ਵੀ ਬੰਦ ਕਰ ਦਿੱਤੇ ਗਏ ਹਨ। ਜਿਹਨਾਂ ਦਾ ਚੈੱਕ ਕਲੀਅਰਿੰਗ ਵਿਚ ਹਨ ਉਹਨਾਂ ਦਾ ਚੈੱਕ ਬਾਊਂਸ ਹੋ ਜਾਵੇਗਾ। ਪੀਐਮਸੀ ਬੈਂਕ ਦਾ ਸੰਕਟ ਇਸ ਤੋਂ ਵੱਖਰਾ ਸੀ. ਉਥੇ ਨਿਵੇਸ਼ਕਾਂ ਦੇ ਨਾਮ ‘ਤੇ ਧੋਖਾਧੜੀ ਹੋ ਰਹੀ ਸੀ। ਪੈਸੇ ਲੈ ਕੇ ਲੋਕ ਛੁਪ ਗਏ।

ਦੂਜਾ, ਯੈੱਸ ਬੈਂਕ ਲਈ ਕਢਵਾਉਣ ਦੀ ਸੀਮਾ 50 ਹਜ਼ਾਰ ਰੁਪਏ ਹੈ, ਜਦਕਿ ਪੀਐਮਸੀ ਲਈ ਇਹ ਸੀਮਾ 1000 ਰੁਪਏ ਤੋਂ ਸ਼ੁਰੂ ਹੋਇਆ ਸੀ। ਯੈੱਸ ਬੈਂਕ ਲਈ ਮੁਅੱਤਲੀ ਦੀ ਮਿਆਦ 30 ਦਿਨ ਹੈ, ਜਦੋਂਕਿ ਪੀਐਮਸੀ ਲਈ ਇਹ 6 ਮਹੀਨੇ ਸੀ।  ਹੁਣ ਦੋ ਹੀ ਰਾਸਤੇ ਹਨ ਜਾਂ ਤਾਂ ਇਹ ਬੈਂਕ ਉਭਰ ਜਾਵੇ ਜਾਂ ਇਸ ਬੈਂਕ ਦਾ ਕਿਸੇ ਦੂਜੇ ਬੈਂਕ ਵਿਚ ਰਲੇਵਾਂ ਕਰ ਦਿੱਤਾ ਜਾਵੇ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।