Yes bank scam daughter and wife of rana kapoor questioned by ed

ਨਵੀਂ ਦਿੱਲੀ: ਯੈਸ ਬੈਂਕ ਦੇ ਸੰਸਥਾਪਕ ਰਾਣਾ ਕਪੂਰ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਬੀਤੀ ਰਾਤ ਐਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਬੀਤੀ ਰਾਤ ਉਸਦੀ ਪਤਨੀ ਅਤੇ ਇੱਕ ਬੇਟੀ ਤੋਂ ਤਕਰੀਬਨ 2 ਘੰਟੇ ਪੁੱਛਗਿੱਛ ਕੀਤੀ। ਇਸ ਜਾਂਚ ਤੋਂ ਬਾਅਦ ਉਸ ਨੂੰ ਘਰ ਜਾਣ ਦੀ ਇਜਾਜ਼ਤ ਦਿੱਤੀ ਗਈ।

ਯੈਸ ਬੈਂਕ ਦੇ ਸੰਸਥਾਪਕ ਅਤੇ ਸਾਬਕਾ ਸੀਈਓ ਰਹਿ ਚੁੱਕੇ ਰਾਣਾ ਕਪੂਰ ਨੂੰ ਲੰਬੀ ਪੁੱਛਗਿੱਛ ਤੋਂ ਬਾਅਦ ਐਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਐਤਵਾਰ ਤੜਕੇ ਗ੍ਰਿਫ਼ਤਾਰ ਕਰ ਕੋਰਟ ਵਿਚ ਪੇਸ਼ ਕੀਤਾ ਗਿਆ ਜਿੱਥੇ ਉਹਨਾਂ ਨੂੰ 11 ਮਾਰਚ ਤਕ ਐਨਫੋਰਸਮੈਂਟ ਡਾਇਰੈਕਟੋਰੇਟ ਦੀ ਹਿਰਾਸਤ ਵਿਚ ਭੇਜ ਦਿੱਤਾ ਗਿਆ। ਸੂਤਰਾਂ ਮੁਤਾਬਕ ਇਸ ਮਾਮਲੇ ਵਿਚ ਬੀਤੀ ਰਾਤ ਐਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਰਾਣਾ ਕਪੂਰ ਦੀ ਬੇਟੀ ਅਤੇ ਪਤਨੀ ਨੂੰ ਵੀ ਪੁੱਛਗਿੱਛ ਲਈ ਬੁਲਾਇਆ।

ਐਤਵਾਰ ਦੀ ਰਾਤ ਕਰੀਬ 10 ਵਜੇ ਆਰੋਪੀ ਰਾਣਾ ਦੀ ਬੇਟੀ ਅਤੇ ਪਤਨੀ ਈਡੀ ਦੇ ਦਫ਼ਤਰ ਪਹੁੰਚੀ ਜਿੱਥੇ ਕਰੀਬ 2 ਘੰਟੇ ਤਕ ਦੋਵਾਂ ਤੋਂ ਪੁੱਛਗਿੱਛ ਕੀਤੀ ਗਈ। ਉਸ ਤੋਂ ਬਾਅਦ ਦੇਰ ਰਾਤ ਉਹਨਾਂ ਨੂੰ ਘਰ ਜਾਣ ਦਿੱਤਾ। ਦਸ ਦਈਏ ਕਿ ਰਾਣਾ ਕਪੂਰ ਦੇ ਪਰਿਵਾਰ ਤੇ ਜਾਂਚ ਏਜੰਸੀਆਂ ਲਗਾਤਾਰ ਸ਼ਿਕੰਜਾ ਕਸਦੀ ਨਜ਼ਰ ਆ ਰਹੀ ਹੈ। ਰਾਣਾ ਕਪੂਰ ਦੀ ਬੇਟੀ ਰੋਸ਼ਨੀ ਕਪੂਰ ਨੂੰ ਐਤਵਾਰ ਨੂੰ ਮੁੰਬਈ ਏਅਰਪੋਰਟ ਤੇ ਵਿਦੇਸ਼ ਜਾਣ ਤੋਂ ਰੋਕ ਦਿੱਤਾ ਗਿਆ ਸੀ।

ਉਸ ਨੇ ਬ੍ਰਿਟਿਸ਼ ਏਅਰਵੇਜ਼ ਰਾਹੀਂ ਲੰਡਨ ਜਾਣਾ ਸੀ। ਇਸ ਤੋਂ ਪਹਿਲਾਂ ਐਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਰਾਣਾ ਕਪੂਰ ਅਤੇ ਉਸ ਦੇ ਪਰਵਾਰ ਜਿਸ ਵਿਚ ਪਤਨੀ ਬਿੰਦੂ ਕਪੂਰ, ਬੇਟੀਆਂ ਰਾਖੀ ਕਪੂਰ ਟੰਡਨ, ਰਾਧਾ ਕਪੂਰ ਅਤੇ ਰੋਸ਼ਨੀ ਕਪੂਰ ਖਿਲਾਫ ਲੁਕ ਆਉਟ ਨੋਟਿਸ ਜਾਰੀ ਕੀਤਾ ਸੀ। ਸੂਤਰਾਂ ਮੁਤਾਬਕ ਰਾਣਾ ਕਪੂਰ ਤੇ ਆਰੋਪ ਹੈ ਕਿ ਉਹਨਾਂ ਨੇ ਕਈ ਸ਼ੈਲ ਕੰਪਨੀਆਂ ਦਾ ਗਠਨ ਕੀਤਾ ਤਾਂ ਕਿ ਕਥਿਤ ਤੌਰ ਤੇ ਰਿਸ਼ਵਤ ਵਿਚ ਮਿਲੀ ਰਕਮ ਖਰਚ ਕਰ ਸਕੇ।

ਈਡੀ ਕੋਲ ਇਸ ਗੱਲ ਦਾ ਸਬੂਤ ਹੈ ਕਿ ਡੀਐਚਐਫਐਲ ਨੂੰ ਰਾਣਾ ਕਪੂਰ ਦੀ ਮਦਦ ਨਾਲ ਕਰਜ਼ ਦਿੱਤਾ ਗਿਆ ਜਦਕਿ ਡੀਐਚਐਫਐਲ ਇਸ ਨੂੰ ਵਾਪਸ ਕਰਨ ਵਿਚ ਨਾਕਾਮ ਰਿਹਾ। ਰਿਪੋਰਟ ਮੁਤਾਬਕ ਬਿੰਦੂ ਕਪੂਰ ਅਤੇ ਉਹਨਾਂ ਦੀਆਂ ਤਿੰਨੋਂ ਬੇਟੀਆਂ ਦੇ ਨਾਮ ਤੇ ਕੰਪਨੀਆਂ ਹਨ। ਇਹਨਾਂ ਨੇ ਕਥਿਤ ਤੌਰ ਤੇ ਕਈ ਕਾਰਪੋਰੇਟ ਘਰਾਣਿਆਂ ਤੋਂ ਰਿਸ਼ਵਤ ਲਈ ਹੈ। ਇਹ ਕਿਕਬੈਕ ਕਥਿਤ ਤੌਰ ਤੇ ਯੈਸ ਬੈਂਕ ਤੋਂ ਕਰਜ਼ ਦਿੱਤੇ ਜਾਣ ਦੇ ਏਵਜ਼ ਵਿਚ ਮਿਲਿਆ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।