Sugar

ਇੰਦੌਰ (ਭਾਸ਼ਾ) :- ਚੀਨੀ ਉਦਯੋਗ ਇਹਨੀਂ ਦਿਨੀਂ ਦਿਲਚਸਪ ਮੋੜ 'ਤੇ ਹੈ। 95 ਲੱਖ ਟਨ ਦੇ ਪਿਛਲੇ ਸਟਾਕ ਦੇ ਨਾਲ ਹੀ ਨਵੇਂ ਸੀਜ਼ਨ ਵਿਚ ਹੁਣ ਤੱਕ ਉਤਪਾਦਨ ਵਧਿਆ, ਬਾਵਜੂਦ ਇਸ ਦੇ ਪਿਛਲੇ ਸਾਲ ਦੇ ਮੁਕਾਬਲੇ ਘੱਟ ਮਿੱਲਾਂ ਵਿਚ ਪਿੜਾਈ ਸ਼ੁਰੂ ਹੋਈ ਹੈ। ਦੇਰੀ ਨਾਲ ਸ਼ੁਰੂ ਹੋਏ ਚੀਨੀ ਸੀਜ਼ਨ ਦੇ ਪਹਿਲੇ ਮਹੀਨੇ ਵਿਚ ਹੀ ਉਤਪਾਦਨ ਵਧਣ ਨਾਲ ਭਾਅ ਵਿਚ ਇਕ ਵਾਰ ਫਿਰ ਗਿਰਾਵਟ ਸ਼ੁਰੂ ਹੋ ਗਈ ਹੈ। ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਭਾਅ ਡਿੱਗਣ ਦੇ ਕਾਰਨ ਸਰਕਾਰ ਦੀ ਨਿਰਿਯਾਤ ਸਬੰਧੀ ਸਾਰੀਆਂ ਕੋਸ਼ਿਸ਼ਾ ਹੁਣ ਤੱਕ ਕਾਰਗਰ ਸਾਬਤ ਨਹੀਂ ਹੋ ਸਕੀਆਂ ਹਨ।

ਇੰਡੀਅਨ ਸ਼ੂਗਰ ਮਿਲਜ਼ ਐਸੋਸੀਏਸ਼ਨ (ਇਸਮਾ) ਦੇ ਮੁਤਾਬਕ ਚਾਲੂ  ਪਿੜਾਈ ਸੀਜ਼ਨ ਵਿਚ ਦੇਸ਼ਭਰ ਦੀ 415 ਚੀਨੀ ਮਿੱਲਾਂ ਨੇ ਗੰਨੇ ਦੀ ਪਿੜਾਈ ਸ਼ੁਰੂ ਕੀਤੀ ਹੈ, ਜਦੋਂ ਕਿ ਪਿਛਲੇ ਸਾਲ ਇਸ ਸਮੇਂ ਤੱਕ 450 ਚੀਨੀ ਮਿੱਲਾਂ ਵਿਚ ਪਿੜਾਈ ਸ਼ੁਰੂ ਹੋ ਗਈ ਸੀ। ਉੱਤਰ ਪ੍ਰਦੇਸ਼ ਵਿਚ ਹੁਣ ਤੱਕ ਕੇਵਲ 109 ਚੀਨੀ ਮਿੱਲਾਂ ਵਿਚ ਪਿੜਾਈ ਸ਼ੁਰੂ ਹੋਈ ਹੈ, ਜਦੋਂ ਕਿ 121 ਚੀਨੀ ਮਿੱਲਾਂ ਵਿਚ ਹੁਣ ਵੀ ਪਿੜਾਈ ਸ਼ੁਰੂ ਨਹੀਂ ਹੋ ਪਾਈ ਹੈ। ਫਿਰ ਵੀ ਉਤਪਾਦਨ ਪਿਛਲੇ ਸਾਲ ਦੇ ਮੁਕਾਬਲੇ ਜ਼ਿਆਦਾ ਰਿਹਾ ਹੈ।

ਇਸਮਾ ਦੇ ਮੁਤਾਬਕ 30 ਨਵੰਬਰ ਤੱਕ ਦੇਸ਼ ਵਿਚ 39.73 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋਇਆ, ਜਦੋਂ ਕਿ ਪਿਛਲੇ ਪਿੜਾਈ ਸੀਜ਼ਨ ਦੀ ਸਮਾਨ ਮਿਆਦ ਵਿਚ 39.14 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋਇਆ ਸੀ। ਮਹਾਰਾਸ਼ਟਰ ਵਿਚ ਇਸ ਦੌਰਾਨ 18.05 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋਇਆ, ਜੋ ਪਿਛਲੇ ਸਾਲ ਦੀ ਸਮਾਨ ਮਿਆਦ ਵਿਚ ਹੋਏ ਉਤਪਾਦਨ ਦੇ ਮੁਕਾਬਲੇ 21 ਫ਼ੀ ਸਦੀ ਜ਼ਿਆਦਾ ਹੈ। ਰਾਜ ਵਿਚ 167 ਚੀਨੀ ਮਿੱਲਾਂ ਵਿਚ ਪਿੜਾਈ ਸ਼ੁਰੂ ਹੋ ਚੁੱਕੀ ਹੈ। ਉੱਤਰ ਪ੍ਰਦੇਸ਼ ਵਿਚ 30 ਨਵੰਬਰ ਤੱਕ 9.50 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋਇਆ ਹੈ,

ਜਦੋਂ ਕਿ ਪਿਛਲੇ ਪਿੜਾਈ ਸੀਜ਼ਨ ਦੀ ਸਮਾਨ ਮਿਆਦ ਵਿਚ ਉੱਥੇ 13.11 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋ ਚੁੱਕਿਆ ਹੈ। ਦਰਅਸਲ ਰਾਜ ਵਿਚ ਚੀਨੀ ਮਿੱਲਾਂ ਗੰਨੇ ਦੀ ਪਿੜਾਈ ਹੌਲੀ ਰਫ਼ਤਾਰ ਨਾਲ ਕਰ ਰਹੇ ਹਨ। ਇਹੀ ਵਜ੍ਹਾ ਹੈ ਕਿ ਚੀਨੀ ਉਤਪਾਦਨ ਵਿਚ ਕਮੀ ਆਈ ਹੈ।

ਗੰਨੇ ਦੇ ਖਰੀਦੀ ਮੁੱਲ ਵਿਚ ਵਾਧਾ ਨਾ ਹੋਣ ਨਾਲ ਸ਼ੁਰੂਆਤੀ ਦੌਰ ਵਿਚ ਕਿਸਾਨ ਦੀ ਗੰਨੇ ਦੀ ਘੱਟ ਬਿਕਵਾਲੀ ਕਰ ਰਹੇ ਹਨ। ਕਰਨਾਟਕ ਵਿਚ 30 ਨਵੰਬਰ ਤੱਕ 7.93 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋਇਆ, ਜਦੋਂ ਕਿ ਪਿਛਲੇ ਪਿੜਾਈ ਸੀਜ਼ਨ ਦੀ ਸਮਾਨ ਮਿਆਦ ਵਿਚ ਉੱਥੇ 7.02 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋਇਆ ਸੀ।

ਗੁਜਰਾਤ ਵਿਚ ਵੀ ਚਾਲੂ ਪਿੜਾਈ ਸੀਜ਼ਨ ਵਿਚ ਹੁਣ ਤੱਕ 1.95 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋਇਆ, ਜਦੋਂ ਕਿ ਪਿਛਲੇ ਸਾਲ ਇਸ ਸਮੇਂ ਤੱਕ ਉੱਥੇ 1.78 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋਇਆ ਸੀ। ਹੋਰ ਰਾਜਾਂ ਵਿਚ ਵੀ ਹੁਣ ਤੱਕ ਕੇਵਲ 60 ਚੀਨੀ ਮਿੱਲਾਂ ਨੇ ਪਿੜਾਈ ਸ਼ੁਰੂ ਕੀਤੀ ਹੈ, ਜਦੋਂ ਕਿ ਪਿਛਲੇ ਸਾਲ ਦੀ ਸਮਾਨ ਮਿਆਦ ਵਿਚ 91 ਮਿਲਾਂ ਨੇ ਗੰਨੇ ਦੀ ਪਿੜਾਈ ਸ਼ੁਰੂ ਕਰ ਦਿਤੀ ਸੀ। ਇਸ ਰਾਜਾਂ ਵਿਚ ਚੀਨੀ ਉਤਪਾਦਨ ਹੁਣ ਤੱਕ 2.30 ਲੱਖ ਟਨ ਦਾ ਰਿਹਾ ਹੈ, ਜਦੋਂ ਕਿ ਪਿਛਲੇ ਸਾਲ ਇਸ ਸਮੇਂ ਤੱਕ 2.35 ਲੱਖ ਟਨ ਚੀਨੀ ਦਾ ਉਤਪਾਦਨ ਹੋ ਚੁੱਕਿਆ ਸੀ।