Sbi bank branch new timings 2020 banks cut branch timings

ਨਵੀਂ ਦਿੱਲੀ: ਕੋਰੋਨਾ ਵਾਇਰਸ (Coronavirus) ਦੇ ਮੱਦੇਨਜ਼ਰ ਦੇਸ਼ ਦੀਆਂ ਕਈ ਬੈਕਾਂ (Banks) ਨੇ ਅਪਣੀ ਬ੍ਰਾਂਚ ਖੋਲ੍ਹਣ ਅਤੇ ਬੰਦ ਕਰਨ ਦੇ ਸਮੇਂ ਵਿਚ ਬਦਲਾਅ ਕੀਤਾ ਹੈ। ਮੀਡੀਆ ਰਿਪੋਰਟ ਮੁਤਾਬਕ ਸਰਕਾਰੀ ਨਿਯਮਾਂ ਦਾ ਪਾਲਣ ਕਰਨ ਲਈ ਅਜਿਹਾ ਕੀਤਾ ਗਿਆ ਹੈ। ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ ਐਸਬੀਆਈ-ਸਟੇਟ ਬੈਂਕ ਆਫ ਇੰਡੀਆ (SBI-State Bank Of India) ਨੇ ਵੀ ਸਮੇਂ ਵਿਚ ਬਦਲਾਅ ਕੀਤਾ ਹੈ।

ਇਸ ਤੋਂ ਇਲਾਵਾ ਬ੍ਰਾਂਚ ਵਿਚ ਆਉਣ ਵਾਲੇ ਸਟਾਫ ਨੂੰ ਵੀ ਘਟਾਇਆ ਹੈ। ਨਾਲ ਹੀ ਬੈਂਕ ਬ੍ਰਾਂਚ ਵਿਚ ਆਉਣ ਦੀ ਬਜਾਏ ਲੋਕਾਂ ਨੂੰ ਡਿਜਿਟਲ ਚੈਨਲਾਂ ਦਾ ਇਸਤੇਮਾਲ ਕਰਨ ਦੀ ਅਪੀਲ ਕੀਤੀ ਹੈ। ਇਕ ਅੰਗਰੇਜ਼ੀ ਅਖ਼ਬਾਰ ਮੁਤਾਬਕ ਵੱਖ-ਵੱਖ ਰਾਜਾਂ ਵਿਚ ਐਸਬੀਆਈ ਅਪਣੀਆਂ ਸ਼ਾਖਾਵਾਂ ਅਲੱਗ-ਅਲੱਗ ਸਮੇਂ ਤੇ ਖੋਲ੍ਹ ਰਿਹਾ ਹੈ।

ਐਸਬੀਆਈ ਦੇ ਮੈਨੇਜਿੰਗ ਡਾਇਰੈਕਟਰ ਪੀਕੇ ਗੁਪਤਾ ਨੇ ਦਸਿਆ ਕਿ ਕਈ ਰਾਜਾਂ ਵਿਚ ਉਹਨਾਂ ਨੇ ਅਪਣੀਆਂ ਸ਼ਾਖਾਵਾਂ ਨੂੰ ਖੋਲ੍ਹਣ ਅਤੇ ਬੰਦ ਕਰਨ ਦੇ ਸਮੇਂ ਤੇ ਰੋਕ ਲਗਾਈ ਹੈ। ਜਿਵੇਂ ਕੁੱਝ ਰਾਜਾਂ ਵਿਚ ਇਹ ਸਮਾਂ ਸਵੇਰੇ 7-10 ਵਜੇ ਹੈ। ਕੁੱਝ ਵਿਚ ਇਹ 8-11 ਵਜੇ ਹੈ ਤੇ ਕਿਤੇ ਇਹ 10-12 ਵਜੇ ਤਕ ਹੈ। ਲੋਕਾਂ ਨੂੰ ਕਿਹਾ ਜਾ ਰਿਹਾ ਹੈ ਕਿ ਉਹ ਅਪਣੇ ਘਰਾਂ ਵਿਚ ਸੁਰੱਖਿਅਤ ਰਹਿੰਦੇ ਹੋਏ ਤਮਾਮ ਟ੍ਰਾਂਜੇਕਸ਼ਨ ਕਰ ਸਕਦੇ ਹਨ।

ਐਸਬੀਆਈ ਨੇ ਦੇਸ਼ਭਰ ਵਿਚ ਮੋਬਾਇਲ ਏਟੀਐਮ ਵੀ ਕੰਮ ਤੇ ਲਗਾ ਦਿੱਤੇ ਹਨ। ਇਹਨਾਂ ਰਾਹੀਂ ਘਰ ਬੈਠੇ ਪੈਸਾ ਕੱਢਿਆ ਜਾ ਸਕਦਾ ਹੈ। ਬੈਂਕ ਸਮੇਂ-ਸਮੇਂ ਤੇ ਅਪਣੇ ਗਾਹਕਾਂ ਨੂੰ ਇਹ ਵੀ ਦਸ ਰਹੇ ਹਨ ਕਿ ਉਹ ਕਿਵੇਂ ਸੁਰੱਖਿਅਤ ਤਰੀਕੇ ਨਾਲ ਆਨਲਾਈਨ ਟ੍ਰਾਂਜੇਕਸ਼ਨ ਕਰ ਸਕਦੇ ਹਨ।

ਗਾਹਕਾਂ ਨੂੰ ਸਾਈਬਰ ਅਪਰਾਧਾਂ ਬਾਰੇ ਵੀ ਸੂਚਨਾ ਦਿੱਤੀ ਜਾ ਰਹੀ ਹੈ। ਭਾਰਤੀ ਸਟੇਟ ਬੈਂਕ (SBI) ਨੇ ਅਪਣੇ ਗਾਹਕਾਂ ਨੂੰ ਇਕ ਸੁਨੇਹਾ ਭੇਜਿਆ ਹੈ। ਐਸਬੀਆਈ ਨੇ ਕਿਹਾ ਕਿ ਇਹ ਉਹਨਾਂ ਦਾ ਫਰਜ਼ ਹੈ ਕਿ ਉਹ ਆਨਲਾਈਨ ਧੋਖਾਧੜੀ ਦਾ ਸ਼ਿਕਾਰ ਹੋਣ ਤੋਂ ਬਚਾਉਣ। ਇਸ ਲਈ ਬੈਂਕਿੰਗ ਨਾਲ ਜੁੜੀਆਂ ਕੁੱਝ ਸਾਵਧਾਨੀਆਂ ਦਸ ਰਹੇ ਹਨ ਜਿਹਨਾਂ ਦਾ ਸਖ਼ਤੀ ਨਾਲ ਪਾਲਣ ਕਰਨਾ ਚਾਹੀਦਾ ਹੈ।

ਅਜਿਹਾ ਨਾ ਕਰਨ ਤੇ ਤੁਸੀਂ ਧੋਖਾਧੜੀ ਦਾ ਸ਼ਿਕਾਰ ਹੋ ਸਕਦੇ ਹੋ ਅਤੇ ਤੁਹਾਡਾ ਬੈਂਕ ਖਾਤਾ ਖਾਲ੍ਹੀ ਹੋ ਸਕਦਾ ਹੈ। ਗਾਹਕਾਂ ਦਾ ਕਦੇ ਨੁਕਸਾਨ ਨਾ ਹੋਵੇ ਅਤੇ ਗਾਹਕਾਂ ਨਾਲ ਕੋਈ ਘੁਟਾਲਾ ਨਾ ਹੋਵੇ ਇਸ ਨੂੰ ਧਿਆਨ ਵਿਚ ਰੱਖਦੇ ਹੋਏ ਐਸਬੀਆਈ ਨੇ ਜਾਣਕਾਰੀ ਸਾਂਝੀ ਕੀਤੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ  ਲਾਈਕ Twitter  ਤੇ follow  ਕਰੋ।