Royal Enfield pulled out new bullet

ਨਵੀਂ ਦਿੱਲੀ- 26 ਮਾਰਚ ਨੂੰ Royal Enfield ਆਪਣੀ ਨਵੀਂ ਬਾਈਕ Bullet Trials ਲਾਂਚ ਕਰੇਗੀ। Royal Enfield Bullet Trials ਨੂੰ ਦਸੰਬਰ, 2018 ਵਿਚ ਇਸ ਦੀ ਟੈਸਟਿੰਗ ਦੌਰਾਨ ਵੇਖਿਆ ਗਿਆ ਸੀ। ਇਸ ਦੇ ਬਾਅਦ ਬਾਈਕ ਦੀਆਂ ਆਨਲਾਈਨ ਤਸਵੀਰਾਂ ਵੀ ਸਾਹਮਣੇ ਆਈਆਂ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਬਾਈਕ ਦੋ ਵਰਸ਼ਨਾਂ Bullet Trials 350 ਤੇ Bullet Trials 500 ਨਾਂ ਨਾਲ ਲਾਂਚ ਕੀਤੀ ਜਾਏਗੀ।

ਨਵੇਂ ਮੋਟਰਸਾਈਕਲਾਂ ਵਿਚ Bullet ਰੇਂਜ ਵਾਲੇ ਇੰਜਣ ਤੇ ਗੀਅਰਬਾਕਸ ਦਿੱਤੇ ਜਾਣ ਦੀ ਸੰਭਾਵਨਾ ਹੈ। Bullet Trials 350 ਵਿਚ 346cc ਦਾ ਇੰਜਣ ਹੈ, ਜੋ 19.8hp ਦੀ ਪਾਵਰ ਤੇ 28Nm ਟਾਰਕ ਜਨਰੇਟ ਕਰਦਾ ਹੈ। Bullet Trials 500 ਵਿਚ 499cc ਦੀ ਮੋਟਰ ਹੈ ਜੋ 27.2hp ਦੀ ਪਾਵਰ ਤੇ 41.3Nm ਟਾਰਕ ਜਨਰੇਟ ਕਰਦੀ ਹੈ। ਦੋਵੇਂ ਇੰਜਣ 5-ਸਪੀਡ ਗੀਅਰਬਾਕਸ ਨਾਲ ਲੈਸ ਹਨ। ਇੰਜਣ ਦੇ ਇਲਾਵਾ ਨਵੀਂ ਬਾਈਕਸ ਦੇ ਟੈਂਕ ਤੇ ਸਾਈਡ ਪੈਨਲ ਵੀ ਬੁਲਿਟ ਵਾਂਗ ਹੀ ਦਿੱਸ ਰਹੇ ਹਨ। ਹਾਲਾਂਕਿ ਨਵੇਂ ਬੁਲਿਟ ਟ੍ਰਾਇਲਜ਼ ਦੇ ਫੈਂਡਰਸ ਛੋਟੇ ਹਨ। ਇਹ ਇਸ ਦੀ ਲੁਕ ਨੂੰ ਹੋਰ ਵੀ ਸ਼ਾਨਦਾਰ ਬਣਾਉਂਦੇ ਹਨ।