Alcohol

ਨਵੀਂ ਦਿੱਲੀ- ਕੋਰੋਨਾ ਸੰਕਟ ਦੇ ਵਿਚਕਾਰ ਬਹੁਤੇ ਲੋਕ ਬਿਨਾਂ ਜ਼ਰੂਰਤ ਤੋਂ ਘਰ ਤੋਂ ਬਾਹਰ ਨਿਕਲਣ ਤੋਂ ਪਰਹੇਜ਼ ਕਰ ਰਹੇ ਹਨ। ਦੇਸ਼ ਦੇ ਬਹੁਤ ਸਾਰੇ ਪਰਿਵਾਰ ਰੋਜ਼ ਦੀਆਂ ਚੀਜ਼ਾਂ ਅਤੇ ਰਾਸ਼ਨ ਦੀ ਖਰੀਦਾਰੀ ਲਈ ਈ-ਕਾਮਰਸ ਪਲੇਟਫਾਰਮ ਦੀ ਸਹਾਇਤਾ ਲੈ ਰਹੇ ਹਨ। ਤਾਂ ਜੋ ਉਹ ਲਾਗ ਦੀ ਪਕੜ ਤੋਂ ਬਚ ਸਕਣ। ਇਸ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਆਨਲਾਈਨ ਸ਼ਾਪਿੰਗ ਪਲੇਟਫਾਰਮ ਫਲਿੱਪਕਾਰਟ ਘਰ ਵਿਚ ਸ਼ਰਾਬ ਦੀ ਸਪੁਰਦਗੀ ਸ਼ੁਰੂ ਕਰਨ ਜਾ ਰਿਹਾ ਹੈ।

ਫਲਿੱਪਕਾਰਟ ਸਟਾਰਟਅਪ ਡਾਇਜਿਓ ਦੇ ਨਾਲ ਮਿਲ ਕੇ ਤੁਹਾਡੇ ਘਰ ਤੱਕ ਸ਼ਰਾਬ ਪਹੁੰਚਾਏਗੀ। ਹਾਲਾਂਕਿ ਸ਼ੁਰੂ ਵਿਚ ਫਲਿੱਪਕਾਰਟ ਸਿਰਫ ਦੋ ਰਾਜਾਂ ਵਿਚ ਇਸ ਸੇਵਾ ਦੀ ਸ਼ੁਰੂਆਤ ਕਰ ਰਹੀ ਹੈ। ਫਲਿੱਪਕਾਰਟ ਪੱਛਮੀ ਬੰਗਾਲਅਤੇ ਓਡੀਸ਼ਾ ਵਿਚ ਸ਼ਰਾਬ ਦੀ ਹੋਮ ਡਿਲਵਰੀ ਦੀ ਸੇਵਾ ਸ਼ੁਰੂ ਕਰ ਰਹੀ ਹੈ। ਫਲਿੱਪਕਾਰਟ ਅਤੇ ਸਟਾਰਟਅਪ ਡਿਏਜੀਓ ਵਿਚਾਲੇ ਹੋਏ ਸਮਝੌਤੇ ਵਿਚ ਕਿਹਾ ਗਿਆ ਹੈ ਕਿ ਫਲਿੱਪਕਾਰਟ ਦੇ ਗਾਹਕ ਆਪਣੀ ਮਨਪਸੰਦ ਸ਼ਰਾਬ ਦਾ ਆਡਰ ਦੇ ਸਕਣਗੇ।

ਇਸ ਤੋਂ ਬਾਅਦ ਹਿਪ ਬਾਰ ਇਸ ਨੂੰ ਰਿਟੇਲ ਦੁਕਾਨਾਂ ਤੋਂ ਲੈ ਕੇ ਹੋਮ ਡਿਲਿਵਰੀ ਕਰੇਗਾ। ਹਿਪ ਬਾਰ ਵਿਚ ਡਾਇਜਿਓ ਦੀ 26 ਪ੍ਰਤੀਸ਼ਤ ਹਿੱਸੇਦਾਰੀ ਹੈ। ਆਈਡਬਲਯੂਐਸਆਰ ਡਰਿੰਕਸ ਮਾਰਕੀਟ ਵਿਸ਼ਲੇਸ਼ਣ ਦੀ ਇੱਕ ਰਿਪੋਰਟ ਦੇ ਅਨੁਸਾਰ ਭਾਰਤ ਵਿਚ ਸ਼ਰਾਬ ਪੀਣ ਵਾਲੇ ਪਦਾਰਥਾਂ ਦੀ ਮਾਰਕੀਟ ਲਗਭਗ 27.2 ਅਰਬ ਡਾਲਰ ਹੈ। ਅਜਿਹੀ ਸਥਿਤੀ ਵਿਚ ਐਮਾਜ਼ਾਨ ਤੋਂ ਬਾਅਦ ਹੁਣ ਫਲਿੱਪਕਾਰਟ ਵੀ ਇਸ ਮਾਰਕੀਟ ਵਿਚ ਆਪਣੇ ਪ੍ਰਵੇਸ਼ ਦੀ ਯੋਜਨਾ ਬਣਾ ਰਹੀ ਹੈ।

ਕੋਰੋਨਾ ਸੰਕਟ ਦੇ ਵਿਚਕਾਰ ਕੰਪਨੀਆਂ ਦੇਸ਼ ਵਿਚ ਆਨਲਾਈਨ ਸ਼ਰਾਬ ਸਪੁਰਦਗੀ ਵਿਕਲਪ 'ਤੇ ਕੰਮ ਕਰ ਰਹੀਆਂ ਹਨ। ਹਾਲਾਂਕਿ ਬਹੁਤ ਸਾਰੇ ਰਾਜਾਂ ਨੇ ਘਰੇਲੂ ਸ਼ਰਾਬ ਦੀ ਸਪੁਰਦਗੀ ਵੀ ਸ਼ੁਰੂ ਕਰ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਐਮਾਜ਼ਾਨ ਨੂੰ ਪੱਛਮੀ ਬੰਗਾਲ ਵਿਚ ਆਨਲਾਈਨ ਸ਼ਰਾਬ ਸਪੁਰਦਗੀ ਦੀ ਮਨਜ਼ੂਰੀ ਮਿਲ ਗਈ ਹੈ। ਪੱਛਮੀ ਬੰਗਾਲ ਅਤੇ ਓਡੀਸ਼ਾ ਦੀਆਂ ਸਰਕਾਰਾਂ ਨੇ ਕਿਹਾ ਹੈ ਕਿ ਫਲਿੱਪਕਾਰਟ ਇੱਕ ਤਕਨੀਕੀ ਸੇਵਾ ਪ੍ਰਦਾਤਾ ਦੇ ਰੂਪ ਵਿਚ ਇੰਡੀਅਨ ਅਲਕੋਹਲ ਹੋਮ ਡਿਲਿਵਰੀ ਮੋਬਾਈਲ ਐਪਲੀਕੇਸ਼ਨ ਡਿਆਜੀਓ ਬੈਕਡ ਹਿੱਪ ਬਾਰ ਵਿਚ ਸ਼ਾਮਲ ਹੋ ਸਕਦੀ ਹੈ।

ਦੱਸ ਦਈਏ ਕਿ ਸਵਿਗੀ ਅਤੇ ਜ਼ੋਮੈਟੋ ਵਰਗੀਆਂ ਕੰਪਨੀਆਂ, ਜੋ ਕਿ ਆਨਲਾਈਨ ਫੂਡ ਡਿਲਿਵਰੀ ਕਰਦੀਆਂ ਹਨ, ਪਹਿਲਾਂ ਹੀ ਝਾਰਖੰਡ ਅਤੇ ਓਡੀਸ਼ਾ ਵਿਚ ਸ਼ਰਾਬ ਦੀ ਘਰੇਲੂ ਸਪੁਰਦਗੀ ਕਰ ਰਹੀਆਂ ਹਨ। ਪੱਛਮੀ ਬੰਗਾਲ ਦੀ ਕੁੱਲ ਆਬਾਦੀ 9 ਕਰੋੜ ਹੈ। ਜਦੋਂ ਕਿ ਓਡੀਸ਼ਾ ਦੀ ਆਬਾਦੀ 4.1 ਕਰੋੜ ਤੋਂ ਵੱਧ ਹੈ। ਅਜਿਹੀ ਸਥਿਤੀ ਵਿਚ, ਇਨ੍ਹਾਂ ਕੰਪਨੀਆਂ ਦੇ ਲਈ ਮੰਗ ਨੂੰ ਪੂਰਾ ਕਰਨਾ ਇੱਕ ਵੱਡੀ ਚੁਣੌਤੀ ਸਾਬਤ ਹੋ ਸਕਦਾ ਹੈ।

ਗੁਜਰਾਤ ਅਤੇ ਬਿਹਾਰ ਵਿਚ ਸ਼ਰਾਬ ਦੀ ਪ੍ਰਚੂਨ ਵਿਕਰੀ 'ਤੇ ਪਾਬੰਦੀ ਹੈ। ਕੇਂਦਰ ਸਰਕਾਰ ਨੇ ਮਾਰਚ ਵਿਚ ਕੋਰੋਨਾ ਵਾਇਰਸ ਦੇ ਫੈਲਣ ਤੋਂ ਰੋਕਣ ਲਈ ਤਾਲਾਬੰਦੀ ਦੌਰਾਨ ਸ਼ਰਾਬ ਦੀ ਵਿਕਰੀ ‘ਤੇ ਰੋਕ ਲਗਾ ਦਿੱਤੀ ਸੀ। ਲਾਕਡਾਊਨ ਵਿਚ ਢਿੱਲ ਦੇ ਨਾਲ ਹੀ ਸ਼ਰਾਬ ਦੀ ਪ੍ਰਚੂਨ ਵਿਕਰੀ 'ਤੇ ਪਾਬੰਦੀ ਹਟਾ ਦਿੱਤੀ ਗਈ। ਪਾਬੰਦੀ ਹਟਾਏ ਜਾਣ ਨਾਲ ਝਾਰਖੰਡ ਅਤੇ ਮਹਾਰਾਸ਼ਟਰ ਵਰਗੇ ਰਾਜਾਂ ਵਿਚ ਸ਼ਰਾਬ ਦੀ ਆਨਲਾਈਨ ਸਪੁਰਦਗੀ ਨੂੰ ਪ੍ਰਵਾਨਗੀ ਦਿੱਤੀ ਗਈ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।