India's sixth place in wealth

ਨਵੀਂ ਦਿੱਲੀ, 21 ਮਈ, ਐਫ਼ਰੋ ਏਸ਼ੀਆ ਵਿਸ਼ਵ ਸੰਪਤੀ ਸਮੀਖਿਆ ਰੀਪੋਰਟ ਅਨੁਸਾਰ ਭਾਰਤ ਦਾ ਵਿਸ਼ਵ ਸੰਪਤੀ ਸੂਚੀ ਵਿਚ ਛੇਵਾਂ ਸਥਾਨ ਹੈ। ਇਸ ਦੀ ਸਮੁੱਚੀ ਸੰਪਤੀ ਦੀ ਕੀਮਤ 8230 ਅਰਬ ਡਾਲਰ ਬਣਦੀ ਹੈ। ਭਾਰਤ ਵਿਚ ਦਸ ਸਾਲਾਂ ਦੌਰਾਨ ਸੰਪਤੀ ਦੋ ਸੌ ਗੁਣਾਂ ਵਧੀ ਹੈ। ਇਹ ਅਨੁਮਾਨ ਵੀ ਲਾਇਆ ਗਿਆ ਹੈ ਕਿ 2027 ਤਕ ਬਰਤਾਨੀਆ ਤੇ ਜਰਮਨੀ ਨੂੰ ਪਛਾੜ ਕੇ ਭਾਰਤ ਵਿਸ਼ਵ ਦਾ ਚੌਥਾ ਸੱਭ ਤੋਂ ਅਮੀਰ ਦੇਸ਼ ਬਣ ਜਾਵੇਗਾ।

ਬੈਂਕ ਨੇ ਸਮੀਖਿਆ ਦੌਰਾਨ ਸਬੰਧਿਤ ਦੇਸ਼ ਦੇ ਹਰ ਵਿਅਕਤੀ ਦੀ ਕੁੱਲ ਨਿਜੀ ਸੰਪਤੀ ਨੂੰ ਆਧਾਰ ਮੰÎਨਿਆ ਹੈ।  ਸਿਖਰਲੇ ਦਸ ਦੇਸ਼ਾਂ ਵਿਚ ਬਰਤਾਨੀਆ ਦੀ ਕੁੱਲ ਸੰਪਤੀ 9919 ਅਰਬ ਡਾਲਰ, ਜਰਮਨੀ ਦੀ 9660 ਅਰਬ ਡਾਲਰ, ਆਸਟਰੇਲੀਆ ਦੀ 6142 ਡਾਲਰ, ਕੈਨੇਡਾ ਦੀ 6393, ਫ਼ਰਾਂਸ ਦੀ 6649 ਅਰਬ ਡਾਲਰ ਅਤੇ ਇਟਲੀ ਦੀ ਕੁੱਲ ਸੰਪਤੀ 4276 ਅਰਬ ਡਾਲਰ ਬਣਦੀ ਹੈ।

ਪਿਛਲੇ ਦਸ ਸਾਲਾਂ ਵਿਚ ਭਾਰਤ ਦੀ ਸੰਪਤੀ ਦੋ ਸੌ ਗੁਣਾਂ ਵਧੀ ਹੈ। ਰੀਪੋਰਟ ਵਿਚ ਅਨੁਮਾਨ ਲਾਇਆ ਗਿਆ ਹੈ ਕਿ ਅਗਲੇ ਦਸ ਸਾਲਾਂ ਵਿਚ ਚੀਨ ਦੀ ਸੰਪਤੀ ਵਿਚ ਵਰਨਣਯੋਗ ਵਾਧਾ ਹੋਵੇਗਾ। ਇਹ ਵੀ ਦਸਿਆ ਗਿਆ ਹੈ ਕਿ  ਵਿਸ਼ਵ ਵਿਚ ਇਕ ਕਰੋੜ ਬਵੰਜਾ ਲੱਖ ਅਜਿਹੇ ਵਿਅਕਤੀ ਹਨ ਜਿਨ੍ਹਾਂ ਦੀ ਸੰਪਤੀ ਦਸ ਲੱਖ ਡਾਲਰ ਤੋਂ ਵੱਧ ਹੈ।