ਨਵੀਂ ਦਿੱਲੀ: ਵਿਸ਼ਵ ਪੱਧਰ 'ਤੇ ਹਫ਼ਤੇ ਦੇ ਅਖੀਰ ਵਿਚ ਪੀਲੀਆਂ ਧਾਤਾਂ ਦੇ ਕਮਜ਼ੋਰ ਰਹਿਣ ਅਤੇ ਸਥਾਨਕ ਗਹਿਣਿਆਂ ਦੀ ਮੰਗ ਵਿਚ ਗਿਰਾਵਟ ਨਾਲ ਦਿੱਲੀ ਸਰਾਫਾ ਬਾਜ਼ਾਰ ਵਿਚ ਸੋਨਾ ਸ਼ਨੀਵਾਰ ਨੂੰ 80 ਰੁਪਏ ਤੋਂ ਟੁੱਟ ਕੇ 35,870 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਆ ਗਿਆ। ਚਾਂਦੀ ਵੀ 335 ਰੁਪਏ ਤੋਂ ਘਟ ਕੇ 41,700 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਭਾਅ ਵਿਕੀ।
ਲੰਡਨ ਅਤੇ ਨਿਊਯਾਰਕ ਤੋਂ ਪ੍ਰਾਪਤ ਜਾਣਕਾਰੀ ਮੁਤਾਬਕ ਸ਼ੁੱਕਰਵਾਰ ਨੂੰ ਉੱਥੇ ਸੋਨੇ ਵਿਚ ਇਕ ਫ਼ੀਸਦੀ ਤੋਂ ਜ਼ਿਆਦਾ ਦੀ ਗਿਰਾਵਟ ਰਹੀ। ਹਾਲਾਂਕਿ ਕੁਝ ਦੇਰ ਲਈ ਸੋਨਾ 1450 ਡਾਲਰ ਪ੍ਰਤੀ ਔਂਸ ਦਾ ਅੰਕੜਾਂ ਪਾਰ ਕਰਨ ਵਿਚ ਵੀ ਸਫ਼ਲ ਰਹੀ ਜੋ ਛੇ ਸਾਲ ਦਾ ਇਸ ਦਾ ਸਿਖਰਲਾ ਪੱਧਰ ਹੈ। ਪਰ ਬਾਅਦ ਵਿਚ ਮੁਨਾਫ਼ਾ ਵਸੂਲੀ ਅਤੇ ਮਜ਼ਬੂਤੀ ਡਾਲਰ ਦੇ ਦਬਾਅ ਵਿਚ ਸੋਨਾ ਇਕ ਫ਼ੀਸਦੀ ਟੁੱਟ ਗਿਆ।
ਹਫਤੇ ਦੇ ਅਖੀਰ ਵਿਚ ਅਮਰੀਕੀ ਸੋਨਾ ਵੀ ਅਗਸਤ ਵਿਚ 1.60 ਡਾਲਰ ਘਟ ਕੇ 1,425 ਡਾਲਰ ਪ੍ਰਤੀ ਔਂਸ ਰਿਹਾ। ਚਾਂਦੀ 0.18 ਡਾਲਰ ਘਟ ਕੇ 16.18 ਡਾਲਰ ਪ੍ਰਤੀ ਔਂਸੀ ਹੋ ਗਈ। ਸਿੱਕੇ ਦੀ ਖਰੀਦਦਾਰੀ ਅਤੇ ਵਿਕਰੀ ਲੜੀਵਾਰ 84 ਹਜ਼ਾਰ ਅਤੇ 85 ਹਜ਼ਾਰ ਰੁਪਏ ਪ੍ਰਤੀ ਸੈਕੜਾਂ 'ਤੇ ਸਥਿਰ ਰਹੀ।