ਨਵੀਂ ਦਿੱਲੀ: ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੂਜੂਕੀ ਦੇ ਸਾਬਕਾ ਐਮਡੀ ਜਗਦੀਸ਼ ਖੱਟਰ ਉੱਤੇ ਕੇਂਦਰੀ ਜਾਂਚ ਬਿਊਰੋ (ਸੀਬੀਆਈ) ਨੇ ਧੋਖਾਧੜੀ ਦਾ ਮੁਕੱਦਮਾ ਦਰਜ ਕੀਤਾ ਹੈ। ਖੱਟਰ ਅਤੇ ਉਨ੍ਹਾਂ ਦੀ ਕੰਪਨੀ ਕਾਰਨੇਸ਼ਨ ਨੇ ਪੰਜਾਬ ਨੈਸ਼ਨਲ ਬੈਂਕ ਤੋਂ 110 ਕਰੋੜ ਰੁਪਏ ਦਾ ਕਰਜ ਲਿਆ ਸੀ, ਜਿਸਨੂੰ ਮੋੜਿਆ ਨਹੀਂ ਗਿਆ। ਹੁਣ ਬੈਂਕ ਦੀ ਸ਼ਿਕਾਇਤ ‘ਤੇ ਸੀਬੀਆਈ ਨੇ ਖੱਟਰ ਅਤੇ ਉਨ੍ਹਾਂ ਦੀ ਕੰਪਨੀ ਉੱਤੇ ਕੇਸ ਕੀਤਾ ਹੈ। 

2007 ਵਿੱਚ ਛੱਡੀ ਸੀ ਮਾਰੂਤੀ

ਜਗਦੀਸ਼ ਖੱਟਰ ਨੇ 2007 ਵਿੱਚ ਮਾਰੂਤੀ ਦੇ ਐਮਡੀ ਅਹੁਦੇ ਤੋਂ ਅਸਤੀਫਾ ਦਿੱਤਾ ਸੀ। ਉਸ ਤੋਂ ਇੱਕ ਸਾਲ ਬਾਅਦ ਉਨ੍ਹਾਂ ਨੇ ਕਾਰਨੇਸ਼ਨ ਦੀ ਸਥਾਪਨਾ ਕੀਤੀ ਸੀ, ਜੋ ਕਿ ਗੱਡੀਆਂ ਦੀ ਸਰਵਿਸ ਅਤੇ ਪੁਰਾਣੀ ਗੱਡੀਆਂ ਦੇ ਖਰੀਦਣ-ਵੇਚਣ ਦੇ ਕੰਮ-ਕਾਜ ਵਿੱਚ ਹੈ। ਸੀਬੀਆਈ ਨੇ ਜੋ ਮਾਮਲਾ ਦਰਜ ਕੀਤਾ ਹੈ ਉਸ ਵਿੱਚ ਪੀਐਨਬੀ ਨੇ ਕਿਹਾ ਹੈ ਕਿ ਖੱਟਰ ਅਤੇ ਉਨ੍ਹਾਂ ਦੀ ਸਾਥੀ ਕੰਪਨੀਆਂ ਖੱਟਰ ਆਟੋ ਇੰਡੀਆ, ਕਾਰਨੇਸ਼ਨ ਰਿਅਲਿਟੀ ਪ੍ਰਾਈਵੇਟ ਲਿਮਿਟੇਡ ਅਤੇ ਕਾਰਨੇਸ਼ਨ ਇੰਸ਼ੋਰੇਂਸ ਬਰੋਕਿੰਗ ਨੇ 170 ਕਰੋੜ ਰੁਪਏ ਦੇ ਲੋਨ, ਲਈ ਆਵੇਦਨ ਕੀਤਾ ਸੀ, ਜਿਸਨੂੰ ਬੈਂਕ ਨੇ ਆਪਣੀ ਮੰਜ਼ੂਰੀ ਦਿੱਤੀ ਸੀ। ਇਸ ਤੋਂ ਬਾਅਦ ਬੈਂਕ ਨੇ ਇਨ੍ਹਾਂ ਤਿੰਨੋਂ ਕੰਪਨੀਆਂ ਨੂੰ 10 ਕਰੋੜ ਰੁਪਏ ਦਾ ਇੱਕ ਹੋਰ ਲੋਨ ਦਿੱਤਾ ਸੀ। ਹਾਲਾਂਕਿ ਇਸਦਾ ਭੁਗਤਾਨ ਖੱਟਰ ਅਤੇ ਉਨ੍ਹਾਂ ਦੀ ਕੰਪਨੀਆਂ ਨੇ ਬੈਂਕ ਨੂੰ ਨਹੀਂ ਕੀਤਾ।

ਇਸ ਤੋਂ ਇਲਾਵਾ ਬੈਂਕ ਵੱਲੋਂ ਖਰੀਦੇ ਗਏ ਸਾਮਾਨ ਨੂੰ ਵੀ ਖੱਟਰ ਨੇ ਬੈਂਕ ਦੀ ਮੰਜ਼ੂਰੀ ਤੋਂ ਬਿਨਾਂ ਵੇਚ ਦਿੱਤਾ, ਜੋ ਇੱਕ ਤਰ੍ਹਾਂ ਦੀ ਧੋਖਾਧੜੀ ਹੈ। ਇਸ ਨਾਲ ਬੈਂਕ ਨੂੰ ਕਾਫ਼ੀ ਨੁਕਸਾਨ ਹੋਇਆ ਹੈ। ਬੈਂਕ ਵੱਲੋਂ ਕੀਤੇ ਗਏ ਫਾਰੇਂਸਿਕ ਆਡਿਟ ਵਿੱਚ ਪਤਾ ਲੱਗਿਆ ਹੈ ਕਿ ਇਨ੍ਹਾਂ ਲੋਕਾਂ ਨੇ 6692.48 ਲੱਖ ਦੀ ਸਥਿਰ ਸੰਪਤੀ ਸਿਰਫ 455.89 ਲੱਖ ਰੁਪਏ ਵਿੱਚ ਵੇਚ ਦਿੱਤੀ ਸੀ। ਇਸ ਜਾਇਦਾਦ ਨੂੰ ਬੈਂਕ ਕੋਲ ਕੰਪਨੀ ਨੇ ਗਿਰਵੀ ਰੱਖਿਆ ਸੀ। 

ਬੈਂਕ ਕਰਮਚਾਰੀਆਂ ਦੀ ਮਿਲੀਭੁਗਤ

ਇਸ ਧੋਖਾਧੜੀ ਵਿੱਚ ਬੈਂਕ ਕਰਮਚਾਰੀਆਂ ਦੀ ਮਿਲੀਭਗਤ ਵੀ ਸਾਹਮਣੇ ਆਈ ਹੈ। ਅਜਿਹੇ ਕਰਮਚਾਰੀਆਂ ਦੇ ਖਿਲਾਫ ਵੀ ਬੈਂਕ ਕਾਰਵਾਈ ਕਰਨ ਜਾ ਰਿਹਾ ਹੈ। ਪੀਐਨਬੀ ਨੇ 17 ਅਕਤੂਬਰ ਨੂੰ ਸੀਬੀਆਈ ਦੇ ਕੋਲ ਮਾਮਲਾ ਦਰਜ ਕੀਤਾ ਸੀ।