ਨਵੀਂ ਦਿੱਲੀ : ਮਜਬੂਤ ਵਿਸ਼ਵ ਰੁਝਾਨ ਅਤੇ ਸਥਾਨਕ ਗਹਿਣਾ ਕਾਰੋਬਾਰੀਆਂ ਦੀ ਤੇਜ ਲਿਵਾਲੀ ਨਾਲ ਦਿੱਲੀ ਸਰਾਫ਼ਾ ਬਾਜ਼ਾਰ ਵਿਚ ਅੱਜ ਸੋਨਾ 250 ਰੁਪਏ ਚੜ੍ਹ ਕੇ 30,900 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਪਹੁੰਚ ਗਿਆ। ਉਦਯੋਗਕ ਇਕਾਈਆਂ ਅਤੇ ਸਿੱਕਾ ਨਿਰਮਾਤਾਵਾਂ ਦਾ ਉਠਾਅ ਵਧਣ ਨਾਲ ਚਾਂਦੀ 400 ਰੁਪਏ ਮਜਬੂਤ ਹੋ ਕੇ 38,250 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਹੋ ਗਈ। ਬਾਜ਼ਾਰ ਸੂਤਰਾਂ ਨੇ ਕਿਹਾ ਕਿ ਡਾਲਰ ਵਿਚ ਦਬਾਅ ਦੇ ਚਲਦੇ ਵਿਸ਼ਵ ਬਾਜ਼ਾਰ ਵਿਚ ਸੋਨੇ ਵਿਚ ਮਜਬੂਤੀ ਰਹੀ। ਨਿਵੇਸ਼ਕਾਂ ਨੇ ਸੁਰੱਖਿਅਤ ਨਿਵੇਸ਼ ਵਿਕਲਪ ਦੇ ਰੂਪ ਵਿਚ ਸੋਨੇ ਨੂੰ ਤਰਜੀਹੀ ਦਿਤੀ।  

ਵਿਸ਼ਵ ਪੱਧਰ 'ਤੇ ਨਿਊਯਾਰਕ ਵਿਚ ਕੱਲ ਸੋਨਾ 1.75 ਫ਼ੀ ਸਦੀ ਵਧ ਕੇ 1,205.30 ਡਾਲਰ ਪ੍ਰਤੀ ਔਂਸਤ ਜਦ ਕਿ ਚਾਂਦੀ 2.14 ਫ਼ੀ ਸਦੀ ਵਧ ਕੇ 14.77 ਡਾਲਰ ਪ੍ਰਤੀ ਔਂਸਤ 'ਤੇ ਰਹੀ। ਇਸ ਤੋਂ ਇਲਾਵਾ, ਰਖੜੀ ਤੋਂ ਪਹਿਲੇ ਸਥਾਨਕ ਗਹਿਣਾ ਕਾਰੋਬਾਰੀਆਂ ਅਤੇ ਛੋਟੇ ਵਿਕਰੇਤਾਵਾਂ ਦੀ ਲਗਾਤਾਰ ਲਿਵਾਲੀ ਨਾਲ ਵੀ ਸੋਨੇ ਦੇ ਭਾਅ ਵਿਚ ਤੇਜੀ ਰਹੀ। ਰਾਸ਼ਟਰੀ ਰਾਜਧਾਨੀ ਵਿਚ, 99.9 ਫ਼ੀ ਸਦੀ ਅਤੇ 99.5 ਫ਼ੀ ਸਦੀ ਸ਼ੁੱਧਤਾ ਵਾਲਾ ਸੋਨਾ ਕ੍ਰਮਵਾਰ 250 - 250 ਰੁਪਏ ਵਧ ਕੇ 30,900 ਰੁਪਏ ਅਤੇ 30,750 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਰਿਹਾ। ਕੱਲ ਦੇ ਕੰਮ-ਕਾਜ ਵਿਚ ਸੋਨਾ 30 ਰੁਪਏ ਚੜ੍ਹਿਆ ਸੀ।

ਹਾਲਾਂਕਿ, ਅੱਠ ਗ੍ਰਾਮ ਵਾਲੀ ਸਿੱਕਾ 24,500 ਰੁਪਏ ਪ੍ਰਤੀ ਇਕਾਈ 'ਤੇ ਹੀ ਟਿਕੀ ਰਹੀ। ਸੋਨੇ ਦੀ ਤਰ੍ਹਾਂ ਹੀ ਚਾਂਦੀ ਵਿਚ ਵੀ ਤੇਜ਼ੀ ਦੇਖੀ ਗਈ। ਚਾਂਦੀ ਹਾਜ਼ਰ 400 ਰੁਪਏ ਚੜ੍ਹ ਕੇ 38,250 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਅਤੇ ਹਫ਼ਤਾਵਾਰ ਡਿਲੀਵਰੀ 380 ਰੁਪਏ ਚੜ੍ਹ ਕੇ 37,000 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਹੋ ਗਈ। ਹਾਲਾਂਕਿ, ਚਾਂਦੀ ਸਿੱਕਾ ਲਿਵਾਲ ਅਤੇ ਬਿਕਵਾਲ ਕ੍ਰਮਵਾਰ 72,000 ਰੁਪਏ ਅਤੇ 73,000 ਰੁਪਏ ਪ੍ਰਤੀ ਸੈਂਕੜਾ ਦੇ ਪਿਛਲੇ ਪੱਧਰ 'ਤੇ ਰਿਹਾ।