ਨਵੀਂ ਦਿੱਲੀ : ਦੋ ਦਿਨਾਂ ਤੱਕ ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਕੋਈ ਬਦਲਾਅ ਨਾ ਹੋਣ ਤੋਂ ਬਾਅਦ ਵੀਰਵਾਰ ਨੂੰ ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਗਈਆਂ ਹਨ। ਵੀਰਵਾਰ ਭਾਵ 27 ਜੂਨ 2019 ਨੂੰ ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਵਾਧਾ ਹੋਇਆ ਹੈ। ਅੱਜ ਰਾਜਧਾਨੀ ਦਿੱਲੀ 'ਚ ਸੱਤ ਪੈਸੇ ਦੇ ਵਾਧੇ ਨਾਲ ਪਟਰੌਲ 70.12 ਰੁਪਏ ਪ੍ਰਤੀ ਲੀਟਰ ਵਿਕ ਰਿਹਾ ਹੈ। ਉੱਧਰ ਡੀਜ਼ਲ ਦੀ ਕੀਮਤ ਪੰਜ ਪੈਸੇ ਦੇ ਵਾਧੇ ਨਾਲ 63.95 ਰੁਪਏ ਪ੍ਰਤੀ ਲੀਟਰ ਹੈ।

ਐਤਵਾਰ ਅਤੇ ਸੋਮਵਾਰ ਨੂੰ ਤੇਲ ਦੀਆਂ ਕੀਮਤਾਂ 'ਚ ਤੇਜ਼ੀ ਆਉਣ ਦੇ ਬਾਅਦ ਮੰਗਲਵਾਰ ਨੂੰ ਬੁੱਧਵਾਰ ਨੂੰ ਆਇਲ ਕੰਪਨੀਆਂ ਨੇ ਤੇਲ ਦੀਆਂ ਕੀਮਤਾਂ 'ਚ ਕੋਈ ਬਦਲਾਅ ਨਹੀਂ ਕੀਤਾ ਸੀ। ਮੁੰਬਈ 'ਚ ਸੱਤ ਪੈਸੇ ਦੇ ਵਾਧੇ ਨਾਲ ਪਟਰੌਲ 75.82 ਰੁਪਏ ਪ੍ਰਤੀ ਲੀਟਰ ਮਿਲ ਰਿਹਾ ਹੈ। ਉੱਧਰ ਡੀਜ਼ਲ ਛੇ ਪੈਸੇ ਦੇ ਵਾਧੇ ਨਾਲ 67.05 ਰੁਪਏ ਪ੍ਰਤੀ ਲੀਟਰ ਵਿਕ ਰਿਹਾ ਹੈ।

ਚੇਨਈ 'ਚ ਪਟਰੌਲ ਦੀ ਕੀਮਤ ਸੱਤ ਪੈਸੇ ਦੇ ਵਾਧੇ ਨਾਲ 72.85 ਰੁਪਏ ਅਤੇ ਡੀਜ਼ਲ ਪੰਜ ਪੈਸੇ ਦੇ ਵਾਧੇ ਨਾਲ 67.65 ਰੁਪਏ ਪ੍ਰਤੀ ਲੀਟਰ ਵਿਕ ਰਿਹਾ ਹੈ। ਕੋਲਕਾਤਾ 'ਚ ਪਟਰੌਲ ਸੱਤ ਪੈਸੇ ਦੇ ਵਾਧੇ ਨਾਲ 72.38 ਰੁਪਏ ਅਤੇ ਡੀਜ਼ਲ ਪੰਜ ਪੈਸੇ ਦੇ ਵਾਧੇ ਨਾਲ 65.87 ਰੁਪਏ ਪ੍ਰਤੀ ਲੀਟਰ ਵਿਕ ਰਿਹਾ ਹੈ। ਪਿਛਲੇ ਮਹੀਨਿਆਂ 'ਚ ਕੌਮਾਂਤਰੀ ਬਾਜ਼ਾਰ 'ਚ ਕਰੂਡ ਦੀ ਕੀਮਤ ਵਧੀ ਹੈ।