ਚੰਡੀਗੜ੍ਹ ਦੇ ਸੈਕਟਰ-25 ਦੀ ਕੱਚੀ ਕਲੋਨੀ ਦੇ ਲੋਕ ਆਪਣਾ ਘਰ ਆਪ ਢਾਹੁਣ ਲਈ ਹੋਏ ਮਜ਼ਬੂਰ

People of Kachhi Colony in Sector 25, Chandigarh were forced to demolish their houses themselves

ਚੰਡੀਗੜ੍ਹ ’ਚ ਪ੍ਰਸ਼ਾਸਨ ਨੇ ਪਹਿਲਾਂ ਵੀ ਕਈ-ਕਈ ਸਾਲ ਪੁਰਾਣੀਆਂ ਕਲੋਨੀਆਂ ਹਟਾਈਆਂ ਹਨ। ਬੀਤੇ ਕੁੱਝ ਸਮੇਂ ’ਚ ਫੇਜ-1 ਇੰਡਸਟਰੀਅਲ ਏਰੀਆ ਵਿਚ ਵੀ ਇਕ ਕਲੋਨੀ ਚੁੱਕੀ ਗਈ ਸੀ ਤੇ ਹੁਣ ਚੰਡੀਗੜ੍ਹ ਦੇ ਸੈਕਟਰ 25 ’ਚ ਝੁੱਗੀਆਂ ਝੌਂਪੜੀਆਂ ਹਟਾਉਣ ਦੇ ਪ੍ਰਸ਼ਾਸਨ ਨੇ ਹੁਕਮ ਦਿਤੇ ਹੈ। ਹੁਣ ਸੈਕਟਰ 25 ’ਚ ਝੁੱਗੀਆਂ ਝੌਂਪੜੀਆਂ ਵਿਚ ਰਹਿਣ ਵਾਲੇ ਲੋਕ ਆਪ ਹੀ ਆਣੀਆਂ ਝੁੱਗੀਆਂ, ਮਕਾਨ ਤੋੜ ਰਹੇ ਹਨ। ਲੋਕ ਕਹਿ ਰਹੇ ਹਨ ਕਿ ਸਰਕਾਰ ਉਨ੍ਹਾਂ ਨੂੰ ਕਿਤੇ ਹੋ ਰਹਿਣ ਲਈ ਜਗ੍ਹਾਂ ਵੀ ਨਹੀਂ ਦੇ ਰਹੀ ਅਸੀਂ ਜਾਈਏ ਤਾਂ ਜਾਈਏ ਕਿੱਥੇ। ਰੋਜ਼ਨਾ ਸਪੋਕਸਮੈਨ ਦੀ ਟੀਮ ਨੇ ਸੈਕਟਰ 25 ਵਿਚ ਜਾ ਕੇ ਉਥੋਂ ਦੇ ਲੋਕਾਂ ਦਾ ਹਾਲ ਜਾਨਣ ਦੀ ਕੋਸ਼ਿਸ਼ ਕੀਤੀ।

ਇਸ ਦੌਰਾਨ ਇਕ ਵਿਅਕਤੀ ਨੇ ਕਿਹਾ ਕਿ ਅਸੀਂ ਇਥੇ 25 ਸਾਲ ਤੋਂ ਰਹਿ ਰਹੇ ਹਾਂ। ਵੋਟਾਂ ਵੇਲੇ ਤਾਂ ਰਾਜਨੀਤਿਕ ਲੋਕ ਵੱਡੇ ਵੱਡੇ ਵਾਅਦੇ ਕਰਦੇ ਹਨ ਪਰ ਬਾਅਦ ਵਿਚ ਸਾਡੇ ਘਰ ਵੀ ਖੋਹ ਲੈਂਦੇ ਹਨ। ਸਾਡੇ ਇਥੋਂ ਸਾਰੇ ਪਰੁਫ਼ ਬਣੇ ਹੋਏ ਹਨ, ਜਿਵੇਂ ਅਧਾਰ ਕਾਰਡ, ਵੋਟਰ ਕਾਰਡ ਆਦਿ। ਪ੍ਰਧਾਨ ਮੰਤਰੀ ਦੀ ਜੋ ਆਵਸ ਯੋਜਨਾ ਸੀ ਉਸ ਮੁਤਾਬਕ ਕਈ ਅਲਾਟੀਆਂ ਨੂੰ ਮਕਾਨ ਮਿਲ ਚੁੱਕੇ ਹਨ, ਪਰ ਬਹੁਤ ਸਾਰੇ ਲੋਕਾਂ ਦੇ ਕੇਸ ਪੈਡਿੰਗ ਰੱਖੇ ਗਏ ਹਨ। ਅਸੀਂ ਹਾਈ ਕੋਰਟ ਵਿਚ ਅਰਜ਼ੀ ਲਗਾਈ ਸੀ ਪਰ ਉਸ ਨੂੰ ਨਾ ਮਨਜੂਰ ਕਰ ਦਿਤਾ ਗਿਆ ਹੈ। ਹੁਣ ਗ਼ਰੀਬ ਲੋਕ ਕਿਥੇ ਜਾਣਗੇ, ਇੱਥੇ 4000 ਤੋਂ ਜ਼ਿਆਦਾ ਲੋਕ ਰਹਿੰਦੇ ਹਨ।