Pooja Shakun Pandey

ਅਲੀਗੜ੍ਹ : ਰਾਸ਼ਟਰਪਿਤਾ ਮਹਾਤਮਾ ਗਾਂਧੀ ਦੀ 71ਵੀਂ ਬਰਸੀ ਮੌਕੇ ਜਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਸਾਰਾ ਮੁਲਕ ਉਹਨਾਂ ਨੂੰ ਸ਼ਰਧਾਂਜਲੀ ਦਿੰਦਾ ਹੈ। ਇਸ ਮੌਕੇ ਇਕ ਹਿੰਦੂ ਨੇਤਾ ਨੇ ਝੂਠੀ ਸ਼ੋਹਰਤ ਬਟੋਰਨ ਲਈ ਮਹਾਤਮਾ ਗਾਂਧੀ ਦੇ ਪੁਤਲੇ ਨੂੰ ਗੋਲੀ ਮਾਰ ਦਿਤੀ। ਕੇਸਰੀ ਰੰਗ ਦੇ ਕਪੜੇ ਪਾਉਣ ਵਾਲੀ ਇਸ ਨੇਤਾ ਪੂਜਾ ਸ਼ਕੂਨ ਪਾਂਡੇ ਦਾ ਵਿਵਾਦਾਂ ਨਾਲ ਡੂੰਘਾ ਰਿਸ਼ਤਾ ਹੈ। ਉਹ ਆਲ ਇੰਡੀਆ ਹਿੰਦੂ ਮਹਾਂਸਭਾ ਦੀ ਕੌਮੀ ਸਕੱਤਰ ਹੈ।

ਉਸ ਦਾ ਕਹਿਣਾ ਹੈ ਕਿ ਜਿਸ ਤਰ੍ਹਾਂ ਅਸੀਂ ਹਰ ਸਾਲ ਦੁਸ਼ਹਿਰਾ ਮਨਾਉਂਦੇ ਹਾਂ ਅਤੇ ਰਾਵਣ ਦੇ ਪੁਤਲੇ ਨੂੰ ਸਾੜਦੇ ਹਾਂ ਠੀਕ ਉਸੇ ਤਰ੍ਹਾਂ ਉਹ ਇਹ ਰੀਤ ਕਾਇਮ ਕਰੇਗੀ ਕਿ ਗਾਂਧੀ ਦੇ ਪੁਤਲੇ ਨੂੰ ਹਰ ਸਾਲ 30 ਜਨਵਰੀ ਨੂੰ ਗੋਲੀ ਮਾਰਿਆ ਕਰੇਗੀ, ਉਸ ਦਿਨ ਜਿਸ ਦਿਨ ਉਹਨਾਂ ਨੂੰ ਨੱਥੂ ਰਾਮ ਗੋਡਸੇ ਨੇ ਗੋਲੀ ਮਾਰੀ ਸੀ। ਪਾਂਡੇ ਅਤੇ ਉਸ ਦੇ ਪਤੀ ਅਸ਼ੋਕ ਵਿਰੁੱਧ ਇਸ 'ਤੇ ਕਾਨੂੰਨੀ ਕਾਰਵਾਈ ਕਰਦੇ ਹੋਏ ਐਫਆਈਆਰ ਦਰਜ ਕੀਤੀ ਗਈ ਹੈ।

ਕੁਝ ਦਾ ਇਹ ਵੀ ਕਹਿਣਾ ਹੈ ਕਿ ਐਫਆਈਆਰ ਤੋਂ ਬਾਅਦ ਪਾਂਡੇ ਗਾਇਬ ਹੋ ਗਈ ਹੈ ਜਦਕਿ ਉਸ ਦੇ ਪਤੀ ਅਸ਼ੋਕ ਦਾ ਕਹਿਣਾ ਹੈ ਕਿ ਉਹ ਪ੍ਰਯਾਗਰਾਜ ਵਿਖੇ ਕੁੰਭ ਮੇਲਾ ਦੇਖਣ ਗਈ ਹੈ। ਅਸ਼ੋਕ ਮੁਤਾਬਕ ਪੂਜਾ ਪਾਂਡੇ ਅਤੇ ਉਸ ਨੇ ਅਪਣੇ ਬੱਚਿਆਂ ਨੂੰ ਕਤਲ ਕਰਨ ਦਾ ਹੌਂਸਲਾ ਦਿਤਾ ਹੈ। ਅਸ਼ੋਕ ਦਾ ਕਹਿਣਾ ਹੈ ਕਿ ਅਸੀਂ ਅਪਣੇ ਬੱਚਿਆਂ ਨੂੰ ਸਿਖਾਇਆ ਹੈ ਕਿ ਹਰ ਉਸ ਵਿਅਕਤੀ ਨੂੰ ਮਾਰ ਦਿਓ ਜੋ ਕਿ ਸਾਡੀ ਮਾਤਭੂਮੀ ਦੀ ਇਕਜੁਟਤਾ ਨੂੰ ਚੁਣੌਤੀ ਦਿੰਦਾ ਹੈ।

ਸਾਡੇ ਬੱਚੇ ਸਾਡੇ ਵਾਂਗ ਨਹੀਂ ਹਨ, ਇਸ ਤੋਂ ਪਹਿਲਾਂ ਕੋਈ ਉਹਨਾਂ ਨੂੰ ਮਾਰੇ ਉਹ ਬਹੁਤ ਸਾਰੇ ਲੋਕਾਂ ਨੂੰ ਮਾਰ ਦੇਣਗੇ। ਗਣਿਤ ਦੇ ਇਕ ਪ੍ਰੋਫੈਸਰ ਮੁਤਾਬਕ ਪੂਜਾ ਇਕ ਗਰਮਖਿਆਲੀ ਨੇਤਾ ਹੈ ਜੋ ਕਿ ਮੀਡੀਆ ਵਿਚ ਬਣੇ ਰਹਿਣ ਲਈ ਅਜਿਹੀਆਂ ਹਰਕਤਾਂ ਕਰਦੀ ਹੈ। ਅਸ਼ੋਕ ਮੁਤਾਬਕ ਪੂਜਾ ਬਹੁਤ ਹੀ ਬਹਾਦਰ ਔਰਤ ਹੈ ਜਿਸ ਨੇ ਹਿੰਦੂਤਵ ਲਈ ਸਾਧਾਰਨ ਜਿੰਦਗੀ ਤੋਂ ਸਨਿਆਸ ਲੈ ਲਿਆ।  

ਉਸ ਨੇ ਕਿਹਾ ਕਿ ਇਹ ਸਾਡੇ ਮੁਲਕ ਲਈ ਇਕ ਤ੍ਰਾਸਦੀ ਵਾਂਗ ਹੈ ਕਿ ਇਕ ਅਜਿਹੇ ਵਿਅਕਤੀ ਵਿਰੁਧ ਐਫਆਈਆਰ ਰਜਿਸਟਰਡ ਕੀਤੀ ਜਾਂਦੀ ਹੈ ਜਿਸ ਨੇ ਗਾਂਧੀ ਵਰਗੇ ਵਿਅਕਤੀ ਦੇ ਗੋਲੀ ਮਾਰੀ ਜੋ ਕਿ ਅਪਣੀ ਭਤੀਜੀ ਨਾਲ ਬਿਨਾਂ ਕਪੜਿਆਂ ਤੋਂ ਸੁੱਤਾ ਅਤੇ ਸਾਡੇ ਮੁਲਕ ਦੇ ਕਈ ਹਿੰਦੂਆਂ ਦੀ ਮੌਤ ਦਾ ਜਿੰਮੇਵਾਰ ਹੈ। ਅਸ਼ੋਕ ਨੇ ਮੀਡੀਆ ਨੂੰ ਧਮਕੀ ਦਿੰਦੇ ਹੋਏ ਕਿਹਾ ਕਿ ਦੇਸ਼ ਦਾ ਨੌਜਵਾਨ  ਗੌਡਸੇ ਦੇ ਤਿਆਗ ਨੂੰ ਕਿਵੇਂ ਯਾਦ ਰੱਖੇਗਾ?

ਉਹ ਇਹ ਕਿਵੇਂ ਸਮਝੇਗਾ ਕਿ ਉਹ ਅਸਲ ਵਿਚ ਮਹਾਤਮਾ ਹਨ। ਇਕ ਸਾਲ ਪਹਿਲਾਂ ਪਾਂਡੇ ਨੇ ਕਿਹਾ ਸੀ ਕਿ ਜੇਕਰ ਉਹ ਨੱਥੂਰਾਮ ਗੌਡਸੇ ਤੋਂ ਪਹਿਲਾਂ ਪੈਦਾ ਹੋਈ ਹੁੰਦੀ ਤਾਂ ਉਹ ਮਹਾਤਮਾ ਗਾਂਧੀ ਨੂੰ ਮਾਰ ਦਿੰਦੀ।  ਦੱਸ ਦਈਏ ਕਿ ਕੁਝ ਹਿੰਦੂ ਸਮੂਹ ਜਿਵੇਂ ਹਿੰਦੂ ਮਹਾਂਸਭਾ ਅਤੇ ਹਿੰਦੂ ਸੈਨਾ ਗਾਂਧੀ ਜੀ ਦੀ ਬਰਸੀ ਨੂੰ ਨੱਥੂਰਾਮ ਗੌਡਸੇ ਦੀ ਬਹਾਦਰੀ ਦਿਵਸ ਦੇ ਤੌਰ 'ਤੇ ਮਨਾਉਂਦੀਆਂ ਹਨ