ਲਖਨਊ ਸ਼ੂਟਆਉਟ 'ਤੇ ਟਵੀਟ ਕਰ ਫਸੇ ਕੇਜਰੀਵਾਲ, ਦਿੱਲੀ 'ਚ ਮਾਮਲਾ ਦਰਜ
ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਲਖਨਊ ਸ਼ੂਟਆਉਟ ਨੂੰ ਸਿਆਸੀ ਰੰਗ ਦੇਣ ਨੂੰ ਲੈ ਕੇ ਇਸ ਉਤੇ ਟਵੀਟ ਕਰਨਾ ਭਾਰੀ ਪੈ ਗਿਆ। ਉਨ੍ਹਾਂ ਦੇ ਇਸ ਟਵੀਟ ਨੂੰ ਸਮਾਜ ਵਿਚ ...
ਨਵੀਂ ਦਿੱਲੀ : ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਲਖਨਊ ਸ਼ੂਟਆਉਟ ਨੂੰ ਸਿਆਸੀ ਰੰਗ ਦੇਣ ਨੂੰ ਲੈ ਕੇ ਇਸ ਉਤੇ ਟਵੀਟ ਕਰਨਾ ਭਾਰੀ ਪੈ ਗਿਆ। ਉਨ੍ਹਾਂ ਦੇ ਇਸ ਟਵੀਟ ਨੂੰ ਸਮਾਜ ਵਿਚ ਸੰਪ੍ਰਦਾਇਕਤਾ ਵਧਾਉਣ ਵਾਲਾ ਦਸਦੇ ਹੋਏ ਉਨ੍ਹਾਂ ਦੇ ਖਿਲਾਫ ਕੇਸ ਦਰਜ ਕਰਾਇਆ ਗਿਆ ਹੈ।
ਵਕੀਲ ਅਸ਼ਵਿਨੀ ਉਪਾਧਿਆਏ ਨੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੇ ਵਿਰੁਧ ਜਾਤੀ ਅਤੇ ਧਰਮ ਦੇ ਆਧਾਰ 'ਤੇ ਦੁਸ਼ਮਨੀ ਨੂੰ ਬੜਾਵਾ ਦੇਣ ਅਤੇ ਭਾਜਪਾ ਨੇਤਾਵਾਂ ਨੂੰ ਬਦਨਾਮ ਕਰਨ ਲਈ ਆਈਪੀਸੀ ਦੀ ਧਾਰਾ 153ਏ, 295ਏ, 504 ਅਤੇ 505 ਅਤੇ ਆਈਟੀ ਐਕਟ ਦੀ ਧਾਰਾ 67 ਦੇ ਤਹਿਤ ਦਿੱਲੀ ਦੇ ਤਿਲਕ ਮਾਰਗ ਪੁਲਿਸ ਸਟੇਸ਼ਨ ਵਿਚ ਸ਼ਿਕਾਇਤ ਦਰਜ ਕਰਾਈ ਹੈ।
ਧਿਆਨ ਯੋਗ ਹੈ ਕਿ ਕਿ ਲਖਨਊ ਸ਼ੂਟਆਉਟ ਵਿਚ ਮਾਰੇ ਗਏ ਐਪਲ ਕੰਪਨੀ ਦੇ ਮੈਨੇਜਰ ਵਿਵੇਕ ਤੀਵਾਰੀ ਦੀ ਮੌਤ 'ਤੇ ਦੁੱਖ ਜਤਾਉਣ ਦੇ ਕ੍ਰਮ ਵਿਚ ਕੇਜਰੀਵਾਲ ਨੇ ਐਤਵਾਰ ਨੂੰ ਇਕ ਟਵੀਟ ਕਰ ਦਿਤਾ ਸੀ ਜਿਸ ਦੀ ਬਹੁਤ ਆਲੋਚਨਾ ਹੋ ਰਹੀ ਹੈ। ਕੇਜਰੀਵਾਲ ਨੇ ਅਪਣੇ ਟਵੀਟ ਵਿਚ ਲਿਖਿਆ ਸੀ, ਵਿਵੇਕ ਤੀਵਾਰੀ ਤਾਂ ਹਿੰਦੂ ਸੀ ? ਫਿਰ ਉਸ ਨੂੰ ਇਨ੍ਹਾਂ ਨੇ ਕਿਉਂ ਮਾਰਿਆ ? ਭਾਜਪਾ ਦੇ ਨੇਤਾ ਪੂਰੇ ਦੇਸ਼ ਵਿਚ ਹਿੰਦੂ ਲਡ਼ਕੀਆਂ ਦਾ ਬਲਾਤਕਾਰ ਕਰਦੇ ਘੁੰਮਦੇ ਹਨ ?
ਅਪਣੀ ਅੱਖਾਂ ਤੋਂ ਪਰਦਾ ਹਟਾਓ। ਭਾਜਪਾ ਹਿੰਦੂਆਂ ਦੀ ਹਿਤੈਸ਼ੀ ਨਹੀਂ ਹਨ। ਸੱਤਾ ਪਾਉਣ ਲਈ ਜੇਕਰ ਇਨ੍ਹਾਂ ਨੂੰ ਸਾਰੇ ਹਿੰਦੂਆਂ ਦਾ ਕਤਲ ਕਰਨਾ ਪਏ ਤਾਂ ਇਹ ਦੋ ਮਿੰਟ ਨਹੀਂ ਸੋਚੋਗੇ।