145 crores earned from Taj Mahal tickets

ਆਗਰਾ : ਤਾਜ ਮਹਿਲ ਦੀਆਂ ਟਿੱਕਟਾਂ ਦੀ ਵਿਕਰੀ ਨਾਲ ਭਾਰਤੀ ਪੁਰਾਤਤਵ ਸਰਵੇਖਣ (ਏਡੀਏ) ਅਤੇ ਆਗਰਾ ਵਿਕਾਸ ਅਥਾਰਟੀ ਦੇ ਖਜਾਨੇ ਵਿਚ 145 ਕਰੋੜ ਰੁਪਏ ਤੋਂ ਜ਼ਿਆਦਾ ਆਏ ਹਨ। ਸਾਲ 2018 ਵਿਚ ਤਾਜ ਮਹਿਲ ਦੇ ਟਿਕਟਾਂ ਦੀ ਵਿਕਰੀ ਦੇ ਕਾਰਨ ਸਭ ਤੋਂ ਜ਼ਿਆਦਾ ਖਜ਼ਾਨਾ ਏਐਸਆਈ ਦਾ ਭਰਿਆ ਹੈ। ਇਹ ਹਾਲ ਤਾਂ ਤਾਜ ਮਹਿਲ ਦੇ ਪੂਰਬੀ ਅਤੇ ਪੱਛਮੀ ਗੇਟ ਕਾਉਂਟਰਾਂ ਤੋਂ ਹੋਈ ਟਿਕਟਾਂ ਦੀ ਵਿਕਰੀ ਦਾ ਹੈ। ਆਨਲਾਈਨ ਟਿਕਟਾਂ ਦੀ ਵਿਕਰੀ ਦੇ ਅੰਕੜੇ ਜਨਤਕ ਕੀਤੇ ਜਾਣਗੇ ਤਾਂ 50 ਤੋਂ 60 ਕਰੋੜ ਰੁਪਏ ਦੀ ਕਮਾਈ ਹੋਰ ਵੱਧ ਜਾਵੇਗੀ।

ਤਾਜ ਮਹਿਲ 'ਤੇ ਭਾਰਤੀ ਸੈਲਾਨੀਆਂ ਲਈ ਟਿਕਟ ਦਰ 50 ਅਤੇ ਵਿਦੇਸ਼ੀਆਂ ਲਈ 1100 ਰੁਪਏ ਹੈ। ਸਾਰਕ ਅਤੇ ਬਿਮਸਟੈਕ ਦੇਸ਼ਾਂ ਦੇ ਸੈਲਾਨੀਆਂ ਲਈ 540 ਰੁਪਏ ਦਾ ਟਿਕਟ ਹੈ। ਇਸ ਤੋਂ ਇਲਾਵਾ 10 ਦਸੰਬਰ ਤੋਂ ਮੁੱਖ ਗੁੰਬਦ ਤੱਕ ਜਾਣ ਲਈ 200 ਰੁਪਏ ਦੀ ਵੱਧ ਫ਼ੀਸ ਲਗਾਈ ਗਈ ਹੈ। ਸਾਲ 2018 ਵਿਚ ਤਾਜ ਮਹਿਲ ਦੇ ਟਿਕਟ ਕਾਉਂਟਰਾਂ ਤੋਂ 61 ਲੱਖ ਭਾਰਤੀ ਅਤੇ 9 ਲੱਖ ਵਿਦੇਸ਼ੀ ਸੈਲਾਨੀਆਂ ਦੀਆਂ ਟਿਕਟਾਂ ਵਿਕੀਆਂ ਹਨ। 2018 ਵਿਚ ਇਸ ਤਰ੍ਹਾਂ ਲਗਭੱਗ 145 ਕਰੋੜ ਰੁਪਏ ਦੀ ਕਮਾਈ ਸਿਰਫ਼ ਟਿਕਟਾਂ ਦੀ ਵਿਕਰੀ ਤੋਂ ਹੀ ਹੋਈ ਹੈ।

ਇਸ ਵਿਚ 55 ਕਰੋਡ਼ ਰੁਪਏ ਤੋਂ ਜ਼ਿਆਦਾ ਆਗਰਾ ਵਿਕਾਸ ਅਥਾਰਟੀ ਦੇ ਖਜ਼ਾਨੇ ਵਿਚ ਖਜਾਨਚੀ ਦੇ ਤੌਰ 'ਤੇ ਜਾਣਗੇ। ਅਥਾਰਟੀ ਵਿਦੇਸ਼ੀਆਂ ਤੋਂ 500 ਰੁਪਏ ਅਤੇ ਭਾਰਤੀ ਸੈਲਾਨੀਆਂ ਤੋਂ 10 ਰੁਪਏ ਖਜਾਨਚੀ ਦੇ ਤੌਰ 'ਤੇ ਲੈਂਦਾ ਹੈ। ਕਾਊਂਟਰ ਦੇ ਮੁਕਾਬਲੇ ਆਨਲਾਈਨ ਟਿੱਕਟਾਂ ਦੀ ਵਿਕਰੀ ਇਨੀਂ ਦਿਨੀਂ ਲਗਭੱਗ ਅੱਧੀ ਹੈ। ਏਐਸਆਈ ਕੋਲ ਆਨਲਾਈਨ ਟਿਕਟਾਂ ਦੀ ਵਿਕਰੀ ਦੀ ਗਿਣਤੀ ਨਹੀਂ ਹੈ। ਅਜਿਹੇ 'ਚ 50 ਫ਼ੀ ਸਦੀ ਵੀ ਸੈਲਾਨੀ ਮੰਨ ਗਏ ਤਾਂ ਖਜ਼ਾਨੇ ਵਿਚ 50 ਤੋਂ 60 ਕਰੋੜ ਰੁਪਏ ਹੋਰ ਵੱਧ ਸਕਦੇ ਹਨ। ਤਾਜਮਹਿਲ ਤੇ ਏਐਸਆਈ ਨੇ ਭੀੜ ਪ੍ਰਬੰਧਨ ਦੇ ਨਾਮ 'ਤੇ 200 ਰੁਪਏ ਤੋਂ ਇਲਾਵਾ ਟਿਕਟ ਮੁੱਖ ਗੁੰਬਦ ਲਈ ਲਗਾ ਦਿਤਾ।  

ਚਮੇਲੀ ਫਰਸ਼ ਤੋਂ ਉਤੇ ਉਹੀ ਸੈਲਾਨੀ ਜਾ ਸਕਦੇ ਹਨ, ਜਿਨ੍ਹਾਂ ਨੇ 200 ਰੁਪਏ ਦਾ ਟਿਕਟ ਲਿਆ ਹੋਵੇ। ਸ਼ੁਰੂਆਤ ਵਿਚ ਤਾਂ 35 ਫ਼ੀ ਸਦੀ ਸੈਲਾਨੀ ਹੀ ਤਾਜ ਦਾ ਟਿਕਟ ਲੈ ਰਹੇ ਸਨ ਪਰ ਬਾਅਦ ਵਿਚ 50 ਫ਼ੀਸਦੀ ਭਾਰਤੀ ਅਤੇ 99 ਫ਼ੀਸਦੀ ਵਿਦੇਸ਼ੀ ਸੈਲਾਨੀ 200 ਰੁਪਏ ਤੋਂ ਇਲਾਵਾ ਟਿਕਟ ਨੂੰ ਖਰੀਦਣ ਲੱਗੇ। ਇਸ ਤਰ੍ਹਾਂ ਵਿਦੇਸ਼ੀ ਸੈਲਾਨੀ 1100 ਦੀ ਜਗ੍ਹਾ 1300 ਅਤੇ ਭਾਰਤੀ ਸੈਲਾਨੀ 50 ਦੀ ਥਾਂ 250 ਰੁਪਏ ਦਾ ਟਿਕਟ ਖਰੀਦਣ ਲੱਗੇ ਹਨ। ਹਰ ਸੈਲਾਨੀ ਲਈ 200 ਰੁਪਏ ਦੀ ਫ਼ੀਸ਼ ਹੋਣ ਦੇ ਕਾਰਨ ਏਐਸਆਈ ਦੇ ਖਜ਼ਾਨੇ ਵਿਚ ਸਿਰਫ਼ ਦਸੰਬਰ ਦੇ ਮਹੀਨੇ ਵਿਚ ਹੀ 8 ਕਰੋਡ਼ ਰੁਪਏ ਜ਼ਿਆਦਾ ਆਏ ਹਨ। ਮੁੱਖ ਗੁੰਬਦ ਦੇ ਟਿਕਟ ਤੋਂ ਏਐਸਆਈ ਦਾ ਖਜ਼ਾਨਾ ਚਾਰ ਗੁਣਾ ਤੱਕ ਜ਼ਿਆਦਾ ਭਰ ਜਾਵੇਗਾ।