Sculptor Arun Yogiraj: ਕੌਣ ਹੈ ਅਰੁਣ ਯੋਗੀਰਾਜ, ਜਿਸ ਦੀ ਬਣਾਈ ਮੂਰਤੀ ਦੀ ਅਯੁੱਧਿਆ ਦੇ ਰਾਮ ਮੰਦਰ ਲਈ ਹੋਈ ਚੋਣ
ਕੇਂਦਰੀ ਮੰਤਰੀ ਪ੍ਰਹਿਲਾਦ ਜੋਸ਼ੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਇਹ ਜਾਣਕਾਰੀ ਦਿਤੀ ਹੈ।
Sculptor Arun Yogiraj: ਸੋਮਵਾਰ ਨੂੰ ਅਯੁੱਧਿਆ ਦੇ ਰਾਮ ਮੰਦਰ ਲਈ ਭਗਵਾਨ ਰਾਮ ਦੀ ਮੂਰਤੀ ਦੀ ਚੋਣ ਕੀਤੀ ਗਈ। ਇਸ ਦੇ ਨਾਲ ਹੀ ਮੈਸੂਰ (ਕਰਨਾਟਕ) ਦੇ ਪ੍ਰਸਿੱਧ ਮੂਰਤੀਕਾਰ ਅਰੁਣ ਯੋਗੀਰਾਜ ਦੁਆਰਾ ਬਣਾਈ ਗਈ ਰਾਮਲਲਾ ਦੀ ਮੂਰਤੀ 'ਤੇ ਮਨਜ਼ੂਰੀ ਦੀ ਮੋਹਰ ਲਗਾ ਦਿਤੀ ਗਈ ਹੈ।
ਕੇਂਦਰੀ ਮੰਤਰੀ ਪ੍ਰਹਿਲਾਦ ਜੋਸ਼ੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਇਹ ਜਾਣਕਾਰੀ ਦਿਤੀ ਹੈ। ਕੇਂਦਰੀ ਮੰਤਰੀ ਨੇ ਲਿਖਿਆ, 'ਅਯੁੱਧਿਆ 'ਚ ਰਾਮ ਦੀ ਮੂਰਤੀ ਸਥਾਪਤ ਕੀਤੀ ਜਾਵੇਗੀ। ਇਹ ਰਾਮ ਹਨੂੰਮਾਨ ਦੇ ਅਟੁੱਟ ਰਿਸ਼ਤੇ ਦੀ ਇਕ ਹੋਰ ਮਿਸਾਲ ਹੈ। ਇਸ 'ਚ ਕੋਈ ਸ਼ੱਕ ਨਹੀਂ ਹੈ ਕਿ ਇਹ ਹਨੂੰਮਾਨ ਦੀ ਧਰਤੀ ਕਰਨਾਟਕ ਤੋਂ ਰਾਮਲਲਾ ਲਈ ਮਹੱਤਵਪੂਰਨ ਸੇਵਾ ਹੈ।"
ਪ੍ਰਸਿੱਧ ਮੂਰਤੀਕਾਰ ਯੋਗੀਰਾਜ ਸ਼ਿਲਪੀ ਦੇ ਪੁੱਤਰ ਹਨ ਅਰੁਣ ਯੋਗੀਰਾਜ
37 ਸਾਲਾ ਅਰੁਣ ਯੋਗੀਰਾਜ ਕਰਨਾਟਕ ਦੇ ਮਸ਼ਹੂਰ ਮੂਰਤੀਕਾਰ ਯੋਗੀਰਾਜ ਸ਼ਿਲਪੀ ਦਾ ਪੁੱਤਰ ਹੈ। ਇੰਨਾ ਹੀ ਨਹੀਂ ਅਰੁਣ ਯੋਗੀਰਾਜ ਦੇ ਪਿਤਾ ਵਾਡਿਆਰ ਪ੍ਰਵਾਰ ਦੇ ਮਹਿਲਾਂ ਨੂੰ ਸੁੰਦਰਤਾ ਦੇਣ ਲਈ ਵੀ ਜਾਣੇ ਜਾਂਦੇ ਹਨ। ਦਸਿਆ ਜਾਂਦਾ ਹੈ ਕਿ ਅਰੁਣ ਯੋਗੀਰਾਜ ਨੇ 2008 ਵਿਚ ਮੈਸੂਰ ਯੂਨੀਵਰਸਿਟੀ ਤੋਂ ਐਮਬੀਏ ਦੀ ਪੜ੍ਹਾਈ ਕੀਤੀ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਪੀਐਮ ਮੋਦੀ ਨੇ ਵੀ ਕੀਤੀ ਸੀ ਤਾਰੀਫ
ਅਰੁਣ ਯੋਗੀਰਾਜ ਨੇ ਸੁਭਾਸ਼ ਚੰਦਰ ਬੋਸ ਦੀ 30 ਫੁੱਟ ਉੱਚੀ ਮੂਰਤੀ ਬਣਾਈ ਸੀ। ਜਿਸ ਨੂੰ ਪੀਐਮ ਮੋਦੀ ਨੇ ਇੰਡੀਆ ਗੇਟ 'ਤੇ ਅਮਰ ਜਵਾਨ ਜੋਤੀ ਸਥਲ ਦੇ ਪਿੱਛੇ ਵਿਸ਼ਾਲ ਛਤਰੀ ਹੇਠ ਸਥਾਪਤ ਕੀਤਾ ਸੀ। ਪ੍ਰਧਾਨ ਮੰਤਰੀ ਮੋਦੀ ਨੇ ਜਦੋਂ ਸੁਭਾਸ਼ ਚੰਦਰ ਬੋਸ ਦੀ ਮੂਰਤੀ ਸਥਾਪਤ ਕੀਤੀ ਤਾਂ ਉਨ੍ਹਾਂ ਨੇ ਮੂਰਤੀਕਾਰ ਅਰੁਣ ਯੋਗੀਰਾਜ ਦੀ ਵੀ ਤਾਰੀਫ ਕੀਤੀ। ਇੰਨਾ ਹੀ ਨਹੀਂ ਅਰੁਣ ਯੋਗੀਰਾਜ ਪ੍ਰਧਾਨ ਮੰਤਰੀ ਮੋਦੀ ਨੂੰ ਵੀ ਮਿਲ ਚੁੱਕੇ ਹਨ। ਇਸ ਤੋਂ ਇਲਾਵਾ ਅਰੁਣ ਯੋਗੀਰਾਜ ਨੇ ਕੇਦਾਰਨਾਥ 'ਚ ਆਦਿ ਸ਼ੰਕਰਾਚਾਰੀਆ ਦੀ 12 ਫੁੱਟ ਉੱਚੀ ਮੂਰਤੀ ਬਣਾਈ ਸੀ, ਜਿਸ ਤੋਂ ਬਾਅਦ ਅਰੁਣ ਯੋਗੀਰਾਜ ਸੁਰਖੀਆਂ 'ਚ ਆ ਗਏ ਸਨ।