ਨਵੀਂ ਦਿੱਲੀ : ਬਹੁਜਨ ਸਮਾਜ ਪਾਰਟੀ (ਬਸਪਾ) ਦੀ ਮੁੱਖੀ ਮਾਇਆਵਤੀ ਨੇ ਮੂਰਤੀਆਂ ਉਤੇ ਪੈਸੇ ਖਰਚ ਕਰਨ ਦੇ ਮਾਮਲੇ ਵਿਚ ਸੁਪ੍ਰੀਮ ਕੋਰਟ ਦੇ ਫੈਸਲੇ ਦੇ ਜਵਾਬ ਵਿਚ ਅੱਜ ਹਲਫਨਾਮਾ ਦਾਖਲ ਕੀਤਾ ਹੈ। ਉਨ੍ਹਾਂ ਨੇ ਅਪਣੇ ਹਲਫਨਾਮੇ ਵਿਚ ਕਿਹਾ ਹੈ ਕਿ ਮੇਰੀਆਂ ਮੂਰਤੀਆਂ ਜਨਤਾ ਦੀ ਇੱਛਾ ਦਾ ਤਰਜਮਾਨੀ ਕਰਦੀਆਂ ਹਨ।

ਮਾਇਆਵਤੀ ਨੇ ਹਲਫਨਾਮੇ ਵਿਚ ਕਿਹਾ ਹੈ ਕਿ ਮੂਰਤੀਆਂ ਦੀ ਉਸਾਰੀ ਰਾਜ ਵਿਧਾਨਸਭਾ ਵਿਚ ਸਮਰਥ ਚਰਚੇ ਤੋਂ ਬਾਅਦ ਬਜਟ ਨਿਰਧਾਰਤ ਕਰਕੇ ਕੀਤਾ ਗਿਆ ਸੀ। ਕੋਰਟ ਵਿਧਾਇਕਾਂ ਦੁਆਰਾ ਬਜਟ ਦੇ ਸੰਬੰਧ ਵਿਚ ਲਏ ਗਏ ਨਿਰਣਿਆਂ ਉਤੇ ਸਵਾਲ ਨਹੀਂ ਕਰ ਸਕਦਾ। ਮਾਇਆਵਤੀ ਨੇ ਇਹ ਵੀ ਕਿਹਾ ਕਿ ਮੂਰਤੀਆਂ ਜਨਤਾ ਦੀ ਇੱਛਾ ਨੂੰ ਦਰਸਾਉਦੀਆਂ ਹਨ।  ਵਿਧਾਨਸਭਾ ਦੇ ਵਿਧਾਇਕ ਚਾਹੁੰਦੇ ਸਨ ਕਿ ਕਾਂਸ਼ੀ ਰਾਮ ਅਤੇ ਦਲਿਤ ਔਰਤ ਦੇ ਰੂਪ ਵਿਚ  ਮਾਇਆਵਤੀ ਦੇ ਸੰਘਰਸ਼ਾਂ ਨੂੰ ਦਰਸਾਉਣ ਲਈ ਮੂਰਤੀਆਂ ਸਥਾਪਤ ਕੀਤੀਆਂ ਜਾਣ।

ਮਾਇਆਵਤੀ ਨੇ ਹਲਫਨਾਮੇ ਵਿਚ ਕਿਹਾ ਹੈ ਕਿ ਹੋਰ ਰਾਜਨੀਤਕ ਪਾਰਟੀਆਂ ਵੀ ਰਾਜਨੇਤਾਵਾਂ ਦੀਆਂ ਮੂਰਤੀਆਂ ਬਣਵਾਉਦੀਆਂ ਹਨ। ਇਹ ਉਨ੍ਹਾਂ ਰਾਜਨੇਤਾਵਾਂ ਦੇ ਪ੍ਰਤੀ ਚਾਅ ਅਤੇ ਸਮਰਥਨ ਨੂੰ ਦਰਸਾਉਦਾ ਹੈ। ਹਾਥੀਆਂ ਦੀਆਂ ਮੂਰਤੀਆਂ ਉਤੇ ਬਸਪਾ ਸੁਪ੍ਰੀਮੋ ਮਾਇਆਵਤੀ ਨੇ ਸਫਾਈ ਦਿਤੀ ਕਿ ਹਾਥੀ ਕੇਵਲ ਬਸਪਾ ਦਾ ਤਰਜਮਾਨੀ ਨਹੀਂ ਕਰਦੇ। ਉਹ ਭਾਰਤੀ ਪਾਰੰਪਰਕ ਕਲਾਕ੍ਰਿਤੀਆਂ ਦੇ ਚਿੰਨ੍ਹ ਹਨ।

ਸੁਪ੍ਰੀਮ ਕੋਰਟ ਨੇ ਇਕ ਮੰਗ ਦੀ ਸੁਣਵਾਈ ਦੇ ਦੌਰਾਨ ਟਿਪਣੀ ਕਰਦੇ ਹੋਏ ਕਿਹਾ ਸੀ ਕਿ BSP ਸੁਪ੍ਰੀਮੋ ਮਾਇਆਵਤੀ ਨੇ ਅਪਣੀਆਂ ਅਤੇ ਹਾਥੀਆਂ ਦੀਆਂ ਮੂਰਤੀਆਂ ਬਣਾਉਣ ਵਿਚ ਜਿਨ੍ਹਾਂ ਜਨਤਾ ਦਾ ਪੈਸਾ ਖਰਚ ਕੀਤਾ ਹੈ, ਉਸ ਨੂੰ ਵਾਪਸ ਕਰਨਾ ਚਾਹੀਦਾ ਹੈ। ਮਾਮਲੇ ਦੀ ਸੁਣਵਾਈ ਚੀਫ ਜਸਟਿਸ ਰੰਜਨ ਗਗੋਈ ਕਰ ਰਹੇ ਸਨ। ਸੁਪ੍ਰੀਮ ਕੋਰਟ ਨੇ 2009 ਵਿਚ ਦਰਜ ਰਵੀਕਾਂਤ ਅਤੇ ਹੋਰ ਲੋਕਾਂ ਦੁਆਰਾ ਦਰਜ ਮੰਗ ਉਤੇ ਸੁਣਵਾਈ ਕਰਦੇ ਹੋਏ ਕਿਹਾ ਸੀ ਕਿ ਮਾਇਆਵਤੀ ਨੂੰ ਮੂਰਤੀਆਂ ਉਤੇ ਖਰਚ ਸਾਰੇ ਪੈਸਿਆਂ ਨੂੰ ਸਰਕਾਰੀ ਖਜਾਨੇ ਵਿਚ ਜਮਾਂ ਕਰਾਉਣਾ ਚਾਹੀਦਾ ਹੈ।