Amitabh Bachchan twitter reaction about heat wave temperature raise

ਨਵੀਂ ਦਿੱਲੀ: ਅੱਜ ਕਲ੍ਹ ਵਧ ਰਹੀ ਗਰਮੀ ਨੇ ਸਾਰੇ ਲੋਕਾਂ ਦਾ ਹਾਲ ਬੇਹਾਲ ਕੀਤਾ ਹੋਇਆ ਹੈ। ਆਮ ਜਨਤਾ ਸਮੇਤ ਬਾਲੀਵੁੱਡ ਅਦਾਕਾਰ ਵੀ ਗਰਮੀ ਕਾਰਨ ਬੇਹੱਦ ਪਰੇਸ਼ਾਨ ਹਨ। ਇਸ ਵਧਦੀ ਗਰਮੀ ਤੋਂ ਪਰੇਸ਼ਾਨ ਬਾਲੀਵੁੱਡ ਅਦਾਕਾਰ ਅਮਿਤਾਭ ਬਚਨ ਨੇ ਇਕ ਟਵੀਟ ਕੀਤਾ ਹੈ ਜੋ ਕਿ ਸੋਸ਼ਲ ਮੀਡੀਆ ’ਤੇ ਬਹੁਤ ਜਨਤਕ ਹੋਇਆ ਹੈ।

ਅਸਲ ਵਿਚ ਸਥਿਤੀ ਨੂੰ ਦਸਦੇ ਹੋਏ ਮਜਾਕੀਆ ਲਹਿਜੇ ਵਿਚ ਅਮਿਤਾਭ ਨੇ ਲਿਖਿਆ ਕਿ ਗਰਮੀ ਦੀ ਵਜ੍ਹਾ ਨਾਲ ਹਾਲਾਤ ਅਜਿਹੇ ਹੋ ਗਏ ਹਨ ਕਿ ਅੱਜ ਕਲ੍ਹ ਤਜੁਰਬਾ ਲਿਖਿਆ ਹੋਇਆ ਵੀ ਤਰਬੂਜ਼ਾ ਨਜ਼ਰ ਆਉਂਦਾ ਹੈ। ਉਹਨਾਂ ਨੇ ਅਪਣੇ ਟਵੀਟ ਵਿਚ ਤਰਬੂਜ਼ੇ ਦੇ ਇਮੋਜੀ ਵੀ ਲਗਾਏ ਹਨ ਅਤੇ ਨਾਲ ਹੀ ਅਪਣੀ ਪੁਰਾਣੀ ਰੰਗਾਂ ਵਾਲੀ ਤਸਵੀਰ ਵੀ ਸ਼ੇਅਰ ਕੀਤੀ ਹੈ।

ਜੂਨ ਦੇ ਇਸ ਮਹੀਨੇ ਵਿਚ ਗਰਮੀ ਇੰਨੀ ਵਧ ਗਈ ਹੈ ਕਿ ਰਾਜਸਥਾਨ ਦੇ ਚੁਰੂ ਵਿਚ ਤਾਪਮਾਨ 50 ਡਿਗਰੀ ਤਕ ਪਹੁੰਚ ਚੁੱਕਿਆ ਹੈ। ਗਰਮੀ ਕਾਰਨ ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਚ ਵੀ ਰੈਡ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ ਅਤੇ ਮੌਸਮ ਵਿਭਾਗ ਨੇ ਸਾਰਿਆਂ ਨੂੰ ਦੁਪਿਹਰ ਨੂੰ ਘਰੋਂ ਨਾ ਨਿਕਲਣ ਦੀ ਸਲਾਹ ਦਿੱਤੀ ਹੈ।