Gun

ਸੋਨੀਪਤ: ਸੋਨੀਪਤ  ਦੇ ਪਿੰਡ ਸੇਹਰੀ ਵਿੱਚ ਇਕ ਦਰਦਨਾਕ ਘਟਨਾ ਦੀ ਸੂਚਨਾ ਮਿਲੀ ਹੈ।  ਜਿਥੇ ਇਕ ਆਮ ਵਿਅਕਤੀ ਨੂੰ ਮੌਤ ਦੇ ਘਾਟ ਉਤਾਰ ਦਿਤਾ ਗਿਆ।  ਕਿਹਾ ਜਾ ਰਿਹਾ ਹੈ ਕੇ ਪ੍ਰਮੋਦ ਨਾਮ ਇੱਕ ਜਵਾਨ ਦੀ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ ਗਈ। ਤੁਹਾਨੂੰ ਦਸ ਦੇਈਏ ਕੇ ਜਵਾਨ ਦਾ ਕਸੂਰ ਸਿਰਫ ਇੰਨਾ ਸੀ ਕਿ ਉਸ ਨੇ ਪਿੰਡ ਦੇ ਹੀ ਇਕ ਜਵਾਨ ਦੀਵਾ ਨੂੰ ਬੁਲੇਟ ਬਾਇਕ ਨੂੰ ਆਰਾਮ ਨਾਲ ਚਲਾਉਣ ਅਤੇ ਪਟਾਕੇ ਨਾ ਛੱਡਣ ਦੀ ਗੱਲ ਕਹੀ ਸੀ।

ਪਰ ਦੀਵਾ ਨੇ ਇਸ ਗੱਲ ਦੀ ਰੰਜਸ਼ ਰੱਖਦੇ ਹੋਏ ਆਪਣੇ ਤਿੰਨ ਹੋਰ ਸਾਥੀਆਂ  ਦੇ ਨਾਲ ਮਿਲ ਕੇ ਪ੍ਰਮੋਦ ਨੂੰ ਗੋਲੀਆਂ ਨਾਲ ਭੁੰਨ ਦਿਤਾ। ਇਸ ਘਟਨਾ ਦਾ ਪਤਾ ਚਲਦਿਆ ਹੀ ਸਥਾਨਕ ਪੁਲਿਸ ਮੌਕੇ `ਤੇ ਪਹੁੰਚ ਗਈ, `ਤੇ ਘਟਨਾ ਵਾਲੀ ਜਗ੍ਹਾ ਦਾ ਜਾਇਜ਼ਾ ਲਿਆ।  ਦਸਿਆ ਜਾ ਰਿਹਾ ਹੈ ਕੇ ਘਟਨਾ ਉਪਰੰਤ ਮ੍ਰਿਤਕ ਨੂੰ ਨੇੜੇ ਦੇ ਹਸਪਤਾਲ `ਚ ਇਲਾਜ਼ ਲਈ ਭਰਤੀ ਤਾ ਕਰਵਾਇਆ ਗਿਆ।

ਪਰ ਕੁਝ ਸਮਾਂ ਬਾਅਦ ਹੀ ਉਸ ਦੀ ਮੌਤ ਹੋ ਗਈ। ਨਾਲ ਹੀ ਮਿਲੀ ਜਾਣਕਾਰੀ ਮੁਤਾਬਕ ਮ੍ਰਿਤਕ ਪ੍ਰਮੋਦ ਦੇ ਪਰਿਵਾਰ ਵਾਲਿਆਂ ਨੇ ਪਿੰਡ  ਦੇ ਹੀ ਚਾਰ ਲੋਕਾਂ  ਦੇ ਖਿਲਾਫ ਹੱਤਿਆ ਦਾ ਮਾਮਲਾ ਦਰਜ਼ ਕਰਵਾ ਦਿਤਾ।  ਪੁਲਿਸ ਨੇ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ। ਪਿੰਡ  ਦੇ ਹੀ ਦੀਵਾ ਅਤੇ ਉਸ ਦੇ ਸਾਥੀ ਰਾਜਕੁਮਾਰ , ਮੋਨੂ ਅਤੇ ਅਜੇ ਦੇ ਖਿਲਾਫ ਮਾਮਲਾ ਦਰਜ਼ ਕੀਤਾ ਗਿਆ ਹੈ। ਉਥੇ ਹੀ ਪੁਲਿਸ ਜਾਂਚ ਅਧਿਕਾਰੀ ਵਿਜੈ ਪਾਲ ਨੇ ਦੱਸਿਆ ਕਿ ਪਿੰਡ  ਸੇਹਰੀ ਵਿੱਚ ਬਾਇਕ ਨੂੰ ਲੈ ਕੇ ਲੜਾਈ ਹੋਇਆ ਸੀ

ਜਿਸ ਦੇ ਬਾਅਦ ਪ੍ਰਮੋਦ ਨਾਮ  ਦੇ ਸ਼ਖਸ ਦੀ ਗੋਲੀ ਮਾਰ ਕੇ ਹੱਤਿਆ ਕੀਤੀ ਗਈ ਹੈ। ਪਿੰਡ  ਦੇ ਹੀ ਚਾਰ ਲੋਕਾਂ  ਦੇ ਖਿਲਾਫ ਹੱਤਿਆ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ।  ਉਥੇ ਹੀ ਆਰੋਪੀਆਂ ਨੂੰ ਫੜਨ ਲਈ ਪੁਲਿਸ ਨੇ ਚਾਰ ਟੀਮਾਂ ਬਣਾਈਆਂ ਹਨ।   ਪੁਲਿਸ ਦਾ ਇਹ ਵੀ ਕਹਿਣਾ ਹੈ ਕੇ ਇਹਨਾਂ ਆਰੋਪੀਆਂ ਦੇ ਖਿਲਾਫ ਪਰਚਾ ਦਰਜ਼ ਕਰ ਲਿਆ ਹੈ, `ਤੇ ਇਹਨਾਂ ਆਰੋਪੀਆਂ `ਤੇ ਸਾਡੀ ਟੀਮ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ `ਤੇ ਆਰੋਪੀਆਂ ਨੂੰ ਜਲਦੀ ਹੀ ਹਿਰਾਸਤ ਲੈ ਲਿਆ ਜਾਵੇਗਾ।  ਨਾਲ ਹੀ ਉਹਨਾਂ ਨੇ ਇਹ ਵੀ ਕਿਹਾ ਹੈ ਕੇ ਦੋਸ਼ੀਆਂ ਨੂੰ ਸਖਤ ਤੋਂ ਸਖ਼ਤ ਸਜਾ ਦਿੱਤੀ ਜਾਵੇਗੀ।