Viral video old womans rendition of lata mangeshkars iconic song

ਨਵੀਂ ਦਿੱਲੀ :  ਉਂਜ ਤਾਂ ਲਤਾ ਮੰਗੇਸ਼ਕਰ ਦਾ ਹਰ ਗੀਤ ਯਾਦਗਾਰ ਹੈ ਪਰ ਹੁਣ ਉਨ੍ਹਾਂ ਦਾ 'ਏਕ ਪਿਆਰ ਕਾ ਨਗਮਾ' ਨੂੰ ਇੱਕ ਬਜ਼ੁਰਗ ਮਹਿਲਾ ਨੇ ਇਸ ਤਰ੍ਹਾਂ ਗਾਇਆ ਹੈ ਕਿ ਲੋਕ ਇਸ ਵੀਡੀਓ ਦੇ ਦੀਵਾਨੇ ਹੋ ਰਹੇ ਹਨ। ਫੇਸਬੁਕ ਹੋਵੇ ਜਾਂ ਵੱਟਸਐਪ ਹਰ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਇਹ ਵੀਡੀਓ ਛਾਇਆ ਹੋਇਆ ਹੈ। ਇਸ ਮਹਿਲਾ ਦੀ ਆਵਾਜ਼ ਤਾਂ ਕਾਫ਼ੀ ਸੁਰੀਲੀ ਹੈ ਹੀ ਨਾਲ ਹੀ ਉਨ੍ਹਾਂ ਦੀ ਭਾਵਨਾਤਮਕ ਗਾਇਕੀ ਦਾ ਵੀਡੀਓ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ ਹੈ। ਮਹਿਲਾ ਨੂੰ ਦੇਖਕੇ ਅਜਿਹਾ ਲੱਗ ਰਿਹਾ ਹੈ ਉਹ ਕਾਫ਼ੀ ਗਰੀਬ ਪਰਿਵਾਰ ਤੋਂ ਹੈ। 

ਵੀਡੀਓ ਦੀ ਖਾਸ ਗੱਲ ਤਾਂ ਇਹ ਹੈ ਕਿ ਗਾਉਣ ਵਾਲੀ ਮਹਿਲਾ ਨੂੰ ਦੇਖਕੇ ਸਾਫ਼ ਹੋ ਰਿਹਾ ਹੈ ਕਿ ਮਹਿਲਾ ਨੇ ਕਿਤੋਂ ਵੀ ਸੰਗੀਤ ਦੀ ਸਿੱਖਿਆ ਨਹੀਂ ਲਈ, ਨਾ ਹੀ ਉਹ ਕੋਈ ਸਿੰਗਰ ਹੈ ਪਰ ਤਾਂ ਵੀ ਉਨ੍ਹਾਂ ਨੇ ਇਸ ਗੀਤ ਦੀ ਖੂਬਸੂਰਤੀ ਨੂੰ ਬਰਕਰਾਰ ਰੱਖਿਆ ਹੈ।  ਦੱਸ ਦਈਏ ਕਿ ਇਹ ਪ੍ਰਸਿੱਧ ਗੀਤ 1972 ਦੀ ਬਾਲੀਵੁੱਡ ਫਿਲਮ 'ਸ਼ੋਰ' ਦਾ ਹੈ। ਜਿਹੜਾ 'ਲਤਾ ਮੰਗੇਸ਼ਕਰ' ਵੱਲੋਂ ਗਾਇਆ ਗਿਆ ਸੀ ਅਤੇ ਜਿਸਨੂੰ ਸੰਗੀਤ ਸੰਗੀਤਕਾਰ ਜੋੜੀ ਲਕਸ਼ਮੀ ਕਾਂਤ ਪਿਆਰੇ ਲਾਲ ਨੇ ਦਿੱਤਾ ਹੈ। ਫਿਲਮ 'ਸ਼ੋਰ' 'ਚ ਮਨੋਜ ਕੁਮਾਰ, ਨੰਦਾ,  ਮਾਸਟਰ ਸੱਤਿਆਜੀਤ ਰੇ ਮੁੱਖ ਭੂਮਿਕਾਵਾਂ 'ਚ ਹਨ।