Coronavirus nasik man arrested after wipes nose rupee notes video viral

ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਨੂੰ ਅੱਲਾਹ ਦਾ ਅਜਾਬ ਦਸ ਕੇ ਨੋਟਾਂ ਨਾਲ ਨੱਕ ਸਾਫ਼ ਕਰਨ ਦਾ ਵੀਡੀਉ ਬਣਾਉਣਾ ਇਕ ਵਿਅਕਤੀ ਨੂੰ ਮਹਿੰਗਾ ਪੈ ਗਿਆ ਹੈ। ਨਾਸਿਕ ਪੁਲਿਸ ਨੇ ਉਸ ਵਿਅਕਤੀ ਦੀ ਪਹਿਚਾਣ ਕਰ ਕੇ ਵੀਰਵਾਰ ਨੂੰ ਉਸ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਨਾਸਿਕ ਪੁਲਿਸ ਨੇ ਖੁਦ ਟਵੀਟ ਕਰ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਹੈ।

ਦਰਅਸਲ ਮਹਾਰਾਸ਼ਟਰ ਦੇ ਨਾਸਿਕ ਦੇ ਇਕ 38 ਸਾਲਾ ਵਿਅਕਤੀ ਨੂੰ ਇਕ ਵੀਡੀਉ ਅਪਲੋਡ ਕਰਨ ਦੇ ਆਰੋਪ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਜਿਸ ਵਿਚ ਉਹ ਨੋਟਾਂ ਨੂੰ ਚੱਟਦਾ ਹੋਇਆ ਅਤੇ ਉਸ ਨਾਲ ਨੱਕ ਸਾਫ਼ ਕਰਦਾ ਹੋਇਆ ਦਿਖਾਈ ਦੇ ਰਿਹਾ ਹੈ। ਨਾਸਿਕ ਪੁਲਿਸ ਨੇ ਅਪਣੇ ਟਵੀਟ ਵਿਚ ਦਸਿਆ ਕਿ ਨਾਸਿਕ ਗ੍ਰਾਮੀਣ ਪੁਲਿਸ ਵੱਲੋਂ ਇਸ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਗਈ ਹੈ ਅਤੇ ਉਹ ਪੁਲਿਸ ਦੀ ਹਿਰਾਸਤ ਵਿਚ ਹੈ।

ਇਕ ਅਧਿਕਾਰੀ ਨੇ ਦਸਿਆ ਕਿ ਸੈੱਯਦ ਜਮੀਲ ਸਯਦ ਬਾਬੂ ਨੂੰ ਮਾਲੇਗਾਂਓ ਵਿਚ ਰਮਜ਼ਾਨਪੁਰ ਪੁਲਿਸ ਨੇ ਵੀਰਵਾਰ ਦੇਰ ਰਾਤ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਅਧਿਕਾਰੀ ਨੇ ਦਸਿਆ ਕਿ ਵਿਅਕਤੀ ਨੇ ਵੀਡੀਉ ਵਿਚ ਇਹ ਵੀ ਕਿਹਾ ਕਿ ਮਹਾਮਾਰੀ ਹੋਰ ਤੇਜ਼ ਹੋ ਜਾਵੇਗੀ। ਇਸ ਤੋਂ ਬਾਅਦ ਇਹ ਵੀਡੀਉ ਸੋਸ਼ਲ ਮੀਡੀਆ ਤੇ ਵਾਇਰਲ ਕਰ ਦਿੱਤੀ ਗਈ। ਵੀਡੀਉ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।

ਅਧਿਕਾਰੀ ਨੇ ਇਹ ਵੀ ਦਸਿਆ ਕਿ ਵਿਅਕਤੀ ਨੂੰ ਮਾਲੇਗਾਓਂ ਦੀ ਇਕ ਅਦਾਲਤ ਨੇ 7 ਅਪ੍ਰੈਲ ਤਕ ਪੁਲਿਸ ਹਿਰਾਸਤ ਵਿਚ ਭੇਜ ਦਿੱਤਾ ਗਿਆ ਹੈ। ਦਸ ਦਈਏ ਕਿ 15 ਅਪ੍ਰੈਲ ਨੂੰ ਲਾਕਡਾਊਨ ਖਤਮ ਹੋ ਜਾਵੇਗਾ ਅਤੇ ਇਸ ਦੇ ਚਲਦੇ ਭਾਰਤੀ ਰੇਲਵੇ ਨੇ 21 ਦਿਨ ਦੇ ਲਾਕਡਾਊਨ ਤੋਂ ਬਾਅਦ 15 ਅਪ੍ਰੈਲ ਤੋਂ ਯਾਤਰੀ ਟ੍ਰੇਨ ਚਲਾਉਣ ਲਈ ਕਮਰ ਕਸ ਲਈ ਹੈ। ਇਕ ਨਿਊਜ਼ ਏਜੰਸੀ ਮੁਤਾਬਕ ਰੇਲਵੇ ਨੇ ਟ੍ਰੇਨ ਸਰਵਿਸ ਸ਼ੁਰੂ ਕਰਨ ਲਈ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ।

ਆਈਆਰਸੀਟੀਸੀ ਦੀ ਵੈਬਸਾਈਟ ਖੁੱਲ੍ਹੀ ਹੈ ਜਿੱਥੋਂ ਯਾਤਰੀ 21 ਦਿਨ ਦਾ ਲਾਕਡਾਊਨ ਖਤਮ ਹੋਣ ਤੇ 15 ਅਪ੍ਰੈਲ ਜਾਂ ਉਸ ਤੋਂ ਬਾਅਦ ਦਾ ਰੇਲ ਟਿਕਟ ਐਡਵਾਂਸ ਵਿਚ ਬੁਕ ਕਰਵਾ ਸਕਦੇ ਹਨ। ਰਿਪੋਰਟਸ ਮੁਤਾਬਕ ਰੇਲਵੇ ਨੇ ਟ੍ਰੇਨ ਡ੍ਰਾਈਵਰਸ, ਗਾਰਡਸ, ਸਟੇਸ਼ਨ ਮੈਨੇਜਰ ਅਤੇ ਹੋਰ ਕਰਮਚਾਰੀਆਂ ਨੂੰ ਟ੍ਰੇਨ ਦਾ ਟਾਈਮਟੇਬਲ ਵੀ ਭੇਜ ਦਿੱਤਾ ਹੈ। ਰੇਲਵੇ ਬੋਰਡ ਨੇ ਸਾਰੇ 17 ਜੋਨਲ ਰੇਲਵੇ ਤੋਂ ਰੱਦ ਟ੍ਰੇਨ ਨੂੰ ਚਲਾਉਣ ਲਈ ਤਿਆਰ ਰਹਿਣ ਨੂੰ ਕਿਹਾ ਹੈ।

ਦਸ ਦਈਏ ਕਿ ਕੋਰੋਨਾ ਵਾਇਰਸ ਨੂੰ ਰੋਕਣ ਲਈ ਰੇਲਵੇ ਬੋਰਡ ਨੇ ਆਗਾਮੀ 14 ਅਪ੍ਰੈਲ ਤਕ ਸਾਰੀਆਂ ਟ੍ਰੇਨਾਂ ਨੂੰ ਬੰਦ ਕੀਤਾ ਹੋਇਆ ਹੈ। ਰੇਲਵੇ ਸਟੇਸ਼ਨਾਂ ਅਤੇ ਟ੍ਰੇਨ ਵਿਚ ਚੜ੍ਹਦੇ ਸਮੇਂ ਕੋਰੋਨਾ ਵਾਇਰਸ ਤੋਂ ਬਚਣ ਦੇ ਪੂਰੇ ਇੰਤਜ਼ਾਮ ਹੋ ਰਹੇ ਹਨ। ਇਸ ਵਿਚ ਯਾਤਰੀਆਂ ਦੀ ਥਰਮਲ ਸਕ੍ਰੀਨਿੰਗ ਤੋਂ ਲੈ ਕੇ ਹੋਰ ਜ਼ਰੂਰੀ ਉਪਾਅ ਸ਼ਾਮਲ ਹੋਣਗੇ।