ਮੁੰਬਈ : ਕੌਣ ਬਣੇਗਾ ਕਰੋੜਪਤੀ-10 ‘ਚ ਸ਼ੁਕਰਵਾਰ ਨੂੰ ਮੰਚ ਤੇ ਉਹ ਮਹਾਨ ਵਿਅਕਤੀ ਆ ਰਿਹਾ ਹੈ ਜਿਸ ਨੇ 26/11 ਨੂੰ ਹੋਏ ਮੁੰਬਈ ‘ਤੇ ਅਤਿਵਾਦੀ ਹਮਲੇ ‘ਚ ਅਪਣੀ ਵੀਰਤਾ ਅਤੇ ਸਾਹਸ ਨਾਲ 150 ਲੋਕਾਂ ਦੀ ਜਾਨ ਬਚਾਈ। ਉਨ੍ਹਾਂ ਦੇ ਇਸ ਸਾਹਸ ਦੇ ਲਈ 26 ਜਨਵਰੀ 2009 ‘ਚ ਮੌਜੂਦਾ ਰਾਸ਼ਟਰਪਤੀ ਪ੍ਰਤਿਭਾ ਪਾਟਿਲ ਨੇ ਉਨ੍ਹਾਂ ਨੂੰ ਸ਼ੂਰਵੀਰਤਾ ਚੱਕਰ ਨਾਲ ਨਵਾਜਿਆ ਸੀ। ਬੁਲੰਦਸ਼ਹਿਰ ਜ਼ਿਲ੍ਹੇ ‘ਚ ਭਟੌਨਾ ਪਿੰਡ ਦੇ ਰਹਿਣ ਵਾਲੇ ਮਰੀਨ ਕਮਾਂਡੋ ਪ੍ਰਵੀਨ ਨੇ 26 ਨਵੰਬਰ 2008 ਨੂੰ ਮੁੰਬਈ ਦੇ ਤਾਜ ਹੋਟਲ ‘ਤੇ ਹੋਏ ਅਤਿਵਾਦੀ ਹਮਲੇ ‘ਚ ਅਤਿਵਾਦੀਆਂ ਦਾ ਬੜੀ ਬਹਾਦਰੀ ਨਾਲ ਸਾਹਮਣਾ ਕੀਤਾ।