Calcutta HC on Sandeshkhali violence case

Sandeshkhali case: ਕੋਲਕਾਤਾ ਹਾਈ ਕੋਰਟ ਨੇ ਵੀਰਵਾਰ ਨੂੰ ਸੰਦੇਸ਼ਖਲੀ ਮਾਮਲੇ ’ਚ ਬੰਗਾਲ ਸਰਕਾਰ ਨੂੰ ਫਟਕਾਰ ਲਗਾਈ ਹੈ। ਅਦਾਲਤ ਨੇ ਕਿਹਾ, ‘ਜੇਕਰ ਇਸ ਮਾਮਲੇ ਵਿਚ ਇਕ ਫ਼ੀ ਸਦੀ ਵੀ ਸੱਚਾਈ ਹੈ ਤਾਂ ਇਹ ਸ਼ਰਮਨਾਕ ਹੈ। ਇਸ ਲਈ ਸਮੁੱਚਾ ਪ੍ਰਸ਼ਾਸਨ ਅਤੇ ਸੱਤਾਧਾਰੀ ਧਿਰ 100 ਫ਼ੀ ਸਦੀ ਨੈਤਿਕ ਤੌਰ ’ਤੇ ਜ਼ਿੰਮੇਵਾਰ ਹੈ। ਇਹ ਲੋਕਾਂ ਦੀ ਸੁਰੱਖਿਆ ਦਾ ਮਾਮਲਾ ਹੈ।

ਚੀਫ਼ ਜਸਟਿਸ ਟੀਐਸ ਸ਼ਿਵਗਨਮ ਅਤੇ ਜਸਟਿਸ ਹੀਰਨਮੋਏ ਭੱਟਾਚਾਰੀਆ ਦੇ ਬੈਂਚ ਨੇ ਸੰਦੇਸ਼ਖਾਲੀ ਦੇ ਮੁੱਖ ਦੋਸ਼ੀ ਸਾਹਜਹਾਂ ਵਿਰੁਧ 5 ਜਨਹਿਤ ਪਟੀਸ਼ਨਾਂ ’ਤੇ ਸੁਣਵਾਈ ਕੀਤੀ। ਪਛਮੀ ਬੰਗਾਲ ਦੇ ਸੰਦੇਸ਼ਖਲੀ ਵਿਚ ਔਰਤਾਂ ਦਾ ਜਿਨਸੀ ਸ਼ੋਸ਼ਣ ਕਰਨ ਅਤੇ ਜ਼ਮੀਨ ਹੜੱਪਣ ਦੇ ਦੋਸ਼ ਵਿਚ ਕੱਢੇ ਗਏ ਟੀਐਮਸੀ ਆਗੂ ਸ਼ੇਖ ਸ਼ਾਹਜਹਾਂ ਨੂੰ ਬੰਗਾਲ ਪੁਲਿਸ ਨੇ 29 ਫ਼ਰਵਰੀ ਨੂੰ ਗਿ੍ਰਫ਼ਤਾਰ ਕੀਤਾ ਸੀ। ਜਿਸ ਤੋਂ ਬਾਅਦ ਪੁਲਿਸ ਨੇ ਉਸ ਨੂੰ ਸੀਬੀਆਈ ਹਵਾਲੇ ਕਰ ਦਿਤਾ।

ਇਕ ਹੋਰ ਜਨਹਿਤ ਪਟੀਸ਼ਨਕਰਤਾ ਦੇ ਵਕੀਲ ਨੇ ਕਿਹਾ ਕਿ ਇਸ ਮਾਮਲੇ ਵਿਚ ਗਵਾਹਾਂ ਨੂੰ ਸੁਰੱਖਿਆ ਪ੍ਰਦਾਨ ਕੀਤੀ ਜਾਣੀ ਚਾਹੀਦੀ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਸੁਰੱਖਿਆ ਕਾਰਨਾਂ ਕਰ ਕੇ ਕੋਈ ਵੀ ਔਰਤ ਅਦਾਲਤ ਵਿਚ ਗਵਾਹੀ ਦੇਣ ਲਈ ਅੱਗੇ ਨਹੀਂ ਆਈ। ਇਕ ਹੋਰ ਪਟੀਸ਼ਨਰ ਦੀ ਵਕੀਲ ਪਿ੍ਰਅੰਕਾ ਟਿਬਰੇਵਾਲ ਨੇ ਕਿਹਾ, ‘ਜ਼ਿਆਦਾਤਰ ਔਰਤਾਂ ਅਨਪੜ੍ਹ ਹਨ। ਈ-ਮੇਲ ਨੂੰ ਭੁੱਲ ਜਾਓ, ਉਹ ਚਿੱਠੀਆਂ ਵੀ ਨਹੀਂ ਲਿਖ ਸਕਦੀ।

500 ਤੋਂ ਵੱਧ ਔਰਤਾਂ ਨੇ ਸਾਡੇ ਕੋਲ ਜਿਨਸੀ ਸ਼ੋਸ਼ਣ ਦੀ ਸ਼ਿਕਾਇਤ ਕੀਤੀ ਹੈ। ਸਾਡੇ ਕੋਲ ਹਲਫ਼ਨਾਮੇ ਹਨ ਜਿਸ ਵਿਚ ਕਿਹਾ ਗਿਆ ਹੈ ਕਿ ਸਿਰਫ਼ ਇਕ ਸ਼ਾਹਜਹਾਂ ਨੂੰ ਗਿ੍ਰਫ਼ਤਾਰ ਕੀਤਾ ਗਿਆ ਹੈ। ਉਸਦੇ 1000 ਸਾਥੀ ਪਿੰਡ ਵਿਚ ਘੁੰਮ ਰਹੇ ਹਨ ਅਤੇ ਉਸਨੂੰ ਸ਼ਾਹਜਹਾਂ ਵਿਰੁਧ ਬਿਆਨ ਨਾ ਦੇਣ ਦੀ ਧਮਕੀ ਦੇ ਰਹੇ ਹਨ। ਇਹ ਲੋਕ ਕਹਿ ਰਹੇ ਹਨ ਕਿ ਜੇਕਰ ਔਰਤਾਂ ਬਿਆਨ ਦੇਣਗੀਆਂ ਤਾਂ ਉਹ ਅਪਣੇ ਪਤੀ ਅਤੇ ਬੱਚਿਆਂ ਦਾ ਸਿਰ ਕਲਮ ਕਰ ਦੇਣਗੇ ਅਤੇ ਫ਼ੁੱਟਬਾਲ ਖੇਡਣਗੇ।  

(For more Punjabi news apart from Calcutta HC on Sandeshkhali violence case, stay tuned to Rozana Spokesman)