ਭਾਜਪਾ ਆਗੂ ਨਾਲ ਹੋਈ ਕੁੱਟਮਾਰ ਦਾ ਇਹ ਪੁਰਾਣਾ ਵੀਡੀਓ ਮਣੀਪੁਰ ਦਾ ਨਹੀਂ ਬੰਗਾਲ ਦਾ ਹੈ, Fact Check ਰਿਪੋਰਟ

Fact Check Old Video Of BJP Leader Dilip Gosh Assaulted In Bengal Revived In The Name Of Manipur

Claim

ਲੋਕਸਭਾ ਚੋਣਾਂ 2024 ਦੀ ਸਰਗਰਮੀਆਂ ਵਿਚਕਾਰ ਸੋਸ਼ਲ ਮੀਡੀਆ 'ਤੇ ਇੱਕ ਆਗੂ ਨਾਲ ਹੋ ਰਹੀ ਕੁੱਟਮਾਰ ਦਾ ਵੀਡੀਓ ਵਾਇਰਲ ਕਰਦਿਆਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਮਾਮਲਾ ਮਣੀਪੁਰ ਤੋਂ ਸਾਹਮਣੇ ਆਇਆ ਹੈ ਜਿਥੇ ਭਾਜਪਾ ਦੇ ਆਗੂ ਨਾਲ ਕੁੱਟਮਾਰ ਕੀਤੀ ਗਈ।

X ਅਕਾਊਂਟ Ajay Yadav ਨੇ 4 ਅਪ੍ਰੈਲ 2024 ਨੂੰ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "ये वीडियो मणिपुर का है । बताया जा रहा है कि बीजेपी के नेता वहां पर अपने विकास पर लम्बी -लम्बी फेक रहे थे। फिर जनता उन सबकी अच्छे से कुटाई की बेचारे भाग भी नहीं पा रहे हैं।"

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਕਿ 2017 ਦਾ ਹੈ ਅਤੇ ਮਣੀਪੁਰ ਦਾ ਨਹੀਂ ਬਲਕਿ ਬੰਗਾਲ ਦਾ ਹੈ ਜਿਥੇ ਭਾਜਪਾ ਆਗੂ ਦਿਲੀਪ ਘੋਸ਼ ਨਾਲ ਕੁੱਟਮਾਰ ਕੀਤੀ ਗਈ ਸੀ। 

Investigation 

ਸਪੋਕਸਮੈਨ ਨੇ ਆਪਣੀ ਪੜਤਾਲ ਸ਼ੁਰੂ ਕਰਦੇ ਹੋਏ ਕੀਵਰਡ ਸਰਚ ਦਾ ਸਹਾਰਾ ਲਿਆ। ਅਸੀਂ ਯੂਟਿਊਬ 'ਤੇ ਹਿੰਦੀ ਕੀਵਰਡ ''भाजपा प्रतिनिधि पर हमला'' ਸਰਚ ਕੀਤਾ ਤਾਂ ਸਾਨੂੰ ਭਾਜਪਾ ਨੇਤਾਵਾਂ 'ਤੇ ਹੋਏ ਹਮਲੇ ਦੀਆਂ ਕਈ ਵੀਡੀਓਜ਼ ਮਿਲੀਆਂ।

ਸਾਨੂੰ ਵਾਇਰਲ ਵੀਡੀਓ ਨਾਲ ਮੇਲ ਖਾਂਦੀ ਹੂਬਹੂ ਇੱਕ ਵੀਡੀਓ ਮਿਲੀ ਜੋ ਕਿ ABP News ਦੇ ਯੂਟਿਊਬ ਪੇਜ਼ 'ਤੇ 6 ਅਕਤੂਬਰ 2017 ਨੂੰ ਅਪਲੋਡ ਕੀਤੀ ਗਈ ਸੀ। ਇਸ ਵੀਡੀਓ ਨਾਲ ਸਿਰਲੇਖ ਲਿਖਿਆ ਸੀ, "Attack on BJP President Dilip Ghosh in Darjeeling"