ਮੇਹੁਲ ਚੋਕਸੀ ਨੂੰ ਡੋਮੀਨਿਕਾ ਲੈਣ ਗਈ ਭਾਰਤੀ ਟੀਮ ਪਰਤੀ ਖਾਲ੍ਹੀ ਹੱਥ
ਡੋਮੀਨਿਕਾ ਕੋਰਟ ਨੇ ਕਿਹਾ ਕਿ ਮੇਹੁਲ ਚੋਕਸੀ ਜੁਲਾਈ ਤੱਕ ਉਥੇ ਹੀ ਰਹੇਗਾ
ਨਵੀਂ ਦਿੱਲੀ-ਹੀਰਾ ਕਾਰੋਬਾਰੀ ਮੇਹੁਲ ਚੋਕਸੀ ਨੂੰ ਦਿੱਲੀ ਲੈਣ ਲਈ ਕਈ ਦਿਨਾਂ ਤੋਂ ਡੋਮੀਨਿਕਾ 'ਚ ਰਹਿ ਰਹੀ ਭਾਰਤੀ ਟੀਮ ਨੂੰ ਖਾਲੀ ਹੱਥ ਹੀ ਸਵਦੇਸ਼ ਪਰਤਨਾ ਪਿਆ। ਅਧਿਕਾਰੀਆਂ ਦੀ ਟੀਮ 13,500 ਕਰੋੜ ਰੁਪਏ ਦੇ ਪੰਜਾਬ ਨੈਸ਼ਨਲ ਘੋਟਾਲੇ ਮਾਮਲੇ 'ਚ ਚੋਕਸੀ ਨੂੰ ਭਾਰਤ ਵਾਪਸ ਲਿਆਉਣ ਲਈ ਕਰੀਬ ਸੱਤ ਦਿਨ ਤੱਕ ਡੋਮੀਨਿਕਾ 'ਚ ਰਹੀ।
ਡੋਮੀਨਿਕਾ ਕੋਰਟ ਨੇ ਕਿਹਾ ਕਿ ਮੇਹੁਲ ਚੋਕਸੀ ਜੁਲਾਈ ਤੱਕ ਉਥੇ ਹੀ ਰਹੇਗਾ। ਇਸ ਤੋਂ ਪਹਿਲਾਂ ਕੋਰਟ ਨੇ ਉਸ ਦੀ ਜ਼ਮਾਨਤ ਪਟੀਸ਼ਨ ਰੱਦ ਕਰ ਦਿੱਤੀ ਸੀ। ਕਾਂਗਰਸ ਨੇ ਇਸ ਦਰਮਿਆਨ ਦੋਸ਼ ਲਾਇਆ ਸੀ ਕਿ ਇਹ ਸਰਕਾਰ ਦਰਅਸਲ ਚਾਹੁੰਦੀ ਹੀ ਨਹੀਂ ਕਿ ਮੇਹੁਲ ਪਰਤੇ।'
ਵੀਰਵਾਰ ਨੂੰ ਸੁਣਵਾਈ ਵੀਡੀਓ ਕਾਨਫਰੰਸ ਰਾਹੀਂ ਕੀਤੀ ਗਈ। ਰੋਸੀਯੂ 'ਚ ਹਾਈ ਕੋਰਟ ਕੰਪਲੈਕਸ ਦੇ ਬਾਹਰ ਖੜ੍ਹੇ ਕੁਝ ਪ੍ਰਦਰਸ਼ਨਕਾਰੀਆਂ ਨੇ ਹੱਥ 'ਚ ਤਖਤੀਆਂ ਫੜੀਆਂ ਹੋਈਆਂ ਸਨ ਜਿਨ੍ਹਾਂ 'ਚੋਂ ਇਕ 'ਤੇ ਲਿਖਿਆ ਸੀ ਕਿ ''ਚੋਕਸੀ ਨੂੰ ਡੋਮੀਨਿਕਾ ਕੌਣ ਲਿਆਇਆ?ਜਹਾਜ਼ 'ਚ ਸਵਾਰ ਟੀਮ ਦੀ ਅਗਵਾਈ ਕੇਂਦਰੀ ਜਾਂਚ ਬਿਊਰੋ (ਸੀ.ਬੀ.ਆਈ.) ਦੇ ਡਿਪਟੀ ਇੰਸਪੈਕਟਰ ਸ਼ਾਰਦਾ ਰਾਊਤ ਵੱਲੋਂ ਕੀਤੀ ਜਾ ਰਹੀ ਸੀ।
ਇਹ ਵੀ ਪੜ੍ਹੋ-'PM ਕੇਅਰਸ ਫੰਡ ਤੋਂ ਖਰੀਦੇ ਗਏ ਇਸ ਕੰਪਨੀ ਦੇ ਵੈਂਟੀਲੇਟਰਾਂ 'ਚ ਆਈ ਦਿੱਕਤ