Kiran Kher

ਚੰਡੀਗੜ: ਭਾਜਪਾ ਵਲੋਂ ਰਾਜਬਾਲਾ ਮਲਿਕ ਦੇ ਮੇਅਰ ਉਮੀਦਵਾਰ ਬਨਣ ਤੋਂ ਤੁਰੰਤ ਬਾਅਦ ਸੰਸਦ ਕਿਰਨ ਖੇਰ ਨੂੰ ਆਪਣੀ ਹੀ ਕਰੀਬੀ ਕਾਉਂਸਲਰ ਹੀਰਾ ਨੇਗੀ ਦੀ ਨਰਾਜਗੀ ਸਹਿਣੀ ਪਈ। ਰਾਜਬਾਲਾ ਮਲਿਕ ਦੇ ਮੇਅਰ ਉਮੀਦਵਾਰ ਬਨਣ ‘ਤੇ ਸੰਸਦ ਦਾ ਵੀ ਰੋਲ ਰਿਹਾ। ਆਖਰੀ ਮੌਕੇ ‘ਤੇ ਕਾਉਂਸਲਰਸ ਦੀ ਰਾਏ ਲੈਣ ਤੋਂ ਬਾਅਦ ਰਾਜਬਾਲਾ ਨੂੰ ਮੇਅਰ ਬਣਾਉਣ ਲਈ ਖੇਰ ਨੇ ਵੀ ਕਹਿ ਦਿੱਤਾ,  ਜੋ ਖੇਰ ਦੇ ਵਿਰੋਧੀ ਧਿਰ ਨੇ ਹੀਰਾ ਨੇਗੀ ਦੇ ਕੰਨਾਂ ਤੱਕ ਵੀ ਪਹੁੰਚਾ ਦਿੱਤਾ।

ਰਾਜਬਾਲਾ ਦੇ ਉਮੀਦਵਾਰ ਬਨਣ ਤੋਂ ਬਾਅਦ ਹੀਰਾ ਨੇਗੀ ਚੁਪਚਾਪ ਕਮਰੇ ਤੋਂ ਬਾਹਰ ਜਾਣ ਲੱਗੀ। ਕਿਰਨ ਖੇਰ ਨੇ ਵੇਖਿਆ ਅਤੇ ਤਿੰਨ ਵਾਰ ਹੀਰਾ ਨੇਗੀ ਨੂੰ ਅਵਾਜ ਮਾਰ ਕੇ ਕਿਹਾ ਕਿ ਉਹ ਕਮਰੇ ਤੋਂ ਬਾਹਰ ਨਾ ਜਾਵੇ ਲੇਕਿਨ ਨੇਗੀ ਨੇ ਸੁਣਨਾ ਤਾਂ ਦੂਰ, ਉਨ੍ਹਾਂ ਵੱਲ ਵੇਖਿਆ ਤੱਕ ਨਹੀਂ। 10 ਮਿੰਟ ਬਾਅਦ ਹੀਰਾ ਨੇਗੀ ਵਾਪਸ ਮੇਅਰ ਰੂਮ ਵਿੱਚ ਆਈ। ਖੇਰ ਦੇ ਕੋਲ ਗਈ। ਬੋਲੀ-ਮੈਂ ਇੱਥੋਂ ਨਹੀਂ ਜਾ ਰਹੀ ਸੀ।

ਬੱਚੇ ਦੂਜੇ ਕਮਰੇ ‘ਚ ਬੈਠੇ ਸਨ। ਪੁੱਛ ਰਹੇ ਸੀ ਕਿ ਉਨ੍ਹਾਂ ਨੂੰ ਕਿਉਂ ਨਹੀਂ ਮੇਅਰ ਉਮੀਦਵਾਰ ਬਣਾਇਆ। ਕਿਰਨ ਖੇਰ ਹੁਣ ਕੁੱਝ ਬੋਲਣ ਹੀ ਲੱਗੀ ਸਨ ਕਿ ਗ਼ੁੱਸੇ ਵਿੱਚ ਹੀਰਾ ਨੇਗੀ ਖੇਰ ਦੇ ਸਾਹਮਣੇ ਹੱਥ ਜੋੜਕੇ ਬੋਲੀ, ਮੈਡਮ ਤੁਸੀਂ ਤਾਂ ਚੁਪ ਹੀ ਰਹੋ, ਕੁਝ ਨਾਬੋਲੋ ।  ਮੈਨੂੰ ਸਭ ਪਤਾ ਹੈ। ਸਭ ਇੰਨਾ ਜਲਦੀ ਹੋਇਆ ਕਿ ਕੋਲ ਬੈਠੇ ਬੀਜੇਪੀ ਦੇ ਸੰਗਠਨ ਪ੍ਰਧਾਨ ਮੰਤਰੀ ਦਿਨੇਸ਼ ਕੁਮਾਰ ਹੱਕੇ ਬੱਕੇ ਰਹਿ ਗਏ।

ਇਸਦੇ ਬਾਅਦ ਖੇਰ ਨੇ ਜਦੋਂ ਦਿਨੇਸ਼ ਕੁਮਾਰ ਨੂੰ ਕਿਹਾ, ਤੁਸੀਂ ਕਿਵੇਂ ਬਦਤਮੀਜੀ ਕਰਕੇ ਗਈ ਹੈ ਮੇਰੇ ਨਾਲ। ਇਸ ‘ਤੇ ਦਿਨੇਸ਼ ਕੁਮਾਰ ਬੋਲੇ, ਕੋਈ ਨਾ ਕੀ ਹੋਇਆ। ਕਿਰਨ ਖੇਰ ਬੋਲੀ ਕਿ ਹੀਰਾ ਨੇਗੀ ਨੇ ਮਿਸਬਿਹੇਵ ਕੀਤਾ ਹੈ। ਮੈਂ ਤਾਂ ਜਿਸਦਾ ਨਾਮ ਲੈਂਦੀ ਹਾਂ,  ਓਹੀ ਮੇਰੇ ਸਿਰ ਤੇ ਜੁੱਤੀਆਂ ਮਾਰ ਜਾਂਦਾ ਹੈ। ਮੈਂ ਤਾ ਇਸਦਾ ਨਾਮ ਵੀ ਲਿਆ ਸੀ।

ਰੱਬ ਨੇ ਚਾਹਿਆ ਤਾਂ ਅਗਲੀ ਵਾਰ ਮੈਂ ਐਮਪੀ ਚੋਣ ਲੜਾਂਗੀ, ਇੱਕ ਹੀ ਔਰਤ ਨੂੰ ਕਿਉਂ ਮੌਕਾ ਮਿਲਦਾ ਆ ਰਿਹਾ: ਨੇਗੀ

ਮੇਅਰ ਉਮੀਦਵਾਰ ਨਾ ਬਨਣ ‘ਤੇ ਜਦੋਂ ਹੀਰਾ ਨੇਗੀ ਨੂੰ ਪੁੱਛਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਕੀ ਪਤਾ ਰੱਬ ਨੂੰ ਇਹੀ ਮੰਜ਼ੂਰ ਹੋਵੇ। ਮੈਂ ਤਾਂ ਹਰ ਮੋਰਚੇ ਉੱਤੇ ਡਟੀ ਰਹੀ। ਜਦੋਂ ਪੋਲਿੰਗ ਏਜੰਟ ਨਹੀਂ ਹੁੰਦੇ ਸਨ, ਉਦੋਂ ਤੋਂ ਪੋਲਿੰਗ ਏਜੰਟ ਤੱਕ ਦੀ ਡਿਊਟੀ ਦਿੰਦੀ ਰਹੀ। ਹੁਣ ਕੋਈ ਨਹੀਂ। ਅਗਲੀ ਵਾਰ ਭਗਵਾਨ ਨੇ ਚਾਹਿਆ ਤਾਂ ਸਿੱਧਾ ਐਮਪੀ ਦੀ ਸੀਟ ‘ਤੇ ਹੀ ਲੜਾਂਗੀ।