ਹੇਮਾ ਨੇ ਜੈ ਸ਼੍ਰੀ ਰਾਮ ਦੇ ਨਾਅਰਿਆਂ ਸਬੰਧੀ ਮਮਤਾ ਬੈਨਰਜੀ ਤੋਂ ਪੁੱਛੇ ਸਵਾਲ
ਮਮਤਾ ਬੈਨਰਜੀ ਆਖਰ ਕਿਉਂ ਕਰਦੇ ਹਨ ਜੈ ਸ਼੍ਰੀ ਰਾਮ ਦੇ ਨਾਅਰਿਆਂ ਦਾ ਵਿਰੋਧ
ਨਵੀਂ ਦਿੱਲੀ: ਫਿਲਮ ਅਦਾਕਾਰ ਅਤੇ ਮਥੂਰਾ ਤੋਂ ਭਾਰਤੀ ਜਨਤਾ ਪਾਰਟੀ ਸਾਂਸਦ ਹੇਮਾ ਮਾਲਿਨੀ ਨੇ ਪੱਛਮ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੂੰ ਸਵਾਲ ਕੀਤਾ ਕਿ ਉਹ ਰਾਮ ਦੇ ਨਾਮ ਤੋਂ ਇੰਨਾ ਭੜਕ ਕਿਉਂ ਜਾਂਦੀ ਹੈ। ਹੇਮਾ ਮਾਲਿਨੀ ਲੋਕ ਸਭਾ ਚੋਣਾਂ 'ਤੇ ਸਰਕਾਰ ਦੇ ਗਠਨ ਤੋਂ ਬਾਅਦ ਪਹਿਲੀ ਵਾਰ ਅਪਣੇ ਚੋਣ ਖੇਤਰ ਵਿਚ ਵਾਪਸ ਆਈ ਹੈ। ਉਹ ਵੀਰਵਾਰ ਨੂੰ ਸਥਾਨਕ ਅਧਿਕਾਰੀਆਂ ਨੂੰ ਕੁਝ ਅਧੂਰੇ ਕੰਮਾਂ ਵਿਚ ਤੇਜ਼ੀ ਲਾਉਣ ਦਾ ਨਿਰਦੇਸ਼ ਦੇਣ ਤੋਂ ਬਾਅਦ ਵਾਪਸ ਮੁੰਬਈ ਚਲੀ ਗਈ।
ਹੇਮਾ ਮਾਲਿਨੀ ਨੇ ਕਿਹਾ ਕਿ ਭਗਵਾਨ ਰਾਮ ਦਾ ਨਾਮ ਲੈਣ ਨਾਲ ਲੋਕਾਂ ਦੇ ਬੇੜੇ ਪਾਰ ਲੱਗ ਜਾਂਦੇ ਹਨ ਪਰ ਪਤਾ ਨਹੀਂ ਪੱਛਮ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਉਹਨਾਂ ਦੇ ਨਾਮ ਤੋਂ ਕਿਉਂ ਭੜਕ ਜਾਂਦੀ ਹੈ। ਭਗਵਾਨ ਉਹਨਾਂ ਨੂੰ ਬੁੱਧੀ ਦੇਵੇ। ਉਹਨਾਂ ਨੇ ਕਿਹਾ ਕਿ ਸਾਰੀ ਦੁਨੀਆ ਭਗਵਾਨ ਦੇ ਨਾਮ ਨਾਲ ਚਲ ਰਹੀ ਹੈ। ਉਹ ਅਜਿਹਾ ਕਰਕੇ ਪਤਾ ਨਹੀਂ ਕੀ ਸਾਬਤ ਕਰਨਾ ਚਾਹੁੰਦੀ ਹੈ।
ਦਸਣਯੋਗ ਹੈ ਕਿ ਕੁਝ ਦਿਨਾਂ ਪਹਿਲਾਂ ਬੈਨਰਜੀ ਨਾਰਾਜ਼ ਹੋ ਗਈ ਸੀ ਜਦੋਂ ਵਿਅਕਤੀਆਂ ਨੇ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਾਏ ਸਨ। ਇਹਨਾਂ ਲੋਕਾਂ ਨੇ ਜੈ ਸ਼੍ਰੀ ਰਾਮ ਦਾ ਨਾਅਰਾ ਉਦੋਂ ਲਗਾਇਆ ਸੀ ਜਦੋਂ ਉਹਨਾਂ ਦਾ ਕਾਫ਼ਲਾ ਬੈਰਕਪੁਰ ਲੋਕ ਸਭਾ ਖੇਤਰ ਦੇ ਭਾਟਾਪਾਰਾ ਖੇਤਰ ਵਿਚੋਂ ਗੁਜ਼ਰ ਰਿਹਾ ਸੀ। ਪਿਛਲੇ ਮਹੀਨੇ ਦੇ ਸ਼ੁਰੂ ਵਿਚ ਇਕ ਵੀਡੀਉ ਵਿਚ ਦਿਖਾਇਆ ਗਿਆ ਸੀ..
..ਕਿ ਬੈਨਰਜੀ ਪੱਛਮ ਬੰਗਲ ਦੇ ਪੱਛਮੀ ਮਿਦਨਾਪੁਰ ਜ਼ਿਲ੍ਹੇ ਵਿਚ ਉਦੋਂ ਨਾਰਾਜ਼ ਹੋ ਗਈ ਸੀ ਜਦੋਂ ਕਾਫ਼ਲੇ ਨੇ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਾਏ ਸਨ। ਸਾਂਸਦ ਹੇਮਾ ਮਾਲਿਨੀ ਵ੍ਰਿੰਦਾਵਨ ਵਿਚ ਇਸ ਸਬੰਧ ਵਿਚ ਪੁਛੇ ਗਏ ਸਵਾਲ 'ਤੇ ਅਪਣੀ ਪ੍ਰਤੀਕਿਰਿਆ ਦੇ ਰਹੀ ਸੀ।