300 ਫੁੱਟ ਡੂੰਘੇ ਬੋਰਵੈੱਲ 'ਚ ਡਿੱਗੀ ਬੱਚੀ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਲਗਾਤਾਰ ਜਾਰੀ

ਸੀਹੋਰ: ਮੱਧ ਪ੍ਰਦੇਸ਼ ਦੇ ਸੀਹੋਰ 'ਚ 300 ਫੁੱਟ ਡੂੰਘੇ ਬੋਰਵੈੱਲ 'ਚ ਡਿੱਗੀ ਤਿੰਨ ਸਾਲਾ ਬੱਚੀ ਨੂੰ ਬਚਾਉਣ ਦਾ ਕੰਮ ਜਾਰੀ ਹੈ। ਇਹ ਹਾਦਸਾ ਮੰਗਲਵਾਰ ਦੁਪਹਿਰ ਕਰੀਬ 1 ਵਜੇ ਮੁੰਗੌਲੀ 'ਚ ਵਾਪਰਿਆ। ਬੱਚੀ 29 ਫੁੱਟ ਹੇਠਾਂ ਫਸੀ ਹੋਈ ਹੈ। ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਕਿਹਾ ਕਿ ਬੱਚੀ ਨੂੰ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਪਰ ਖੁਦਾਈ ਦੌਰਾਨ ਬੱਚੀ ਹੇਠਾਂ ਖਿਸਕ ਰਹੀ ਹੈ। ਅਸੀਂ ਫੌਜ ਨੂੰ ਬੁਲਾ ਕੇ ਮੌਕੇ 'ਤੇ ਭੇਜ ਦਿਤਾ ਹੈ। NDRF ਅਤੇ SDRF ਪਹਿਲਾਂ ਹੀ ਕੰਮ ਕਰ ਰਹੇ ਹਨ। ਸਾਡੀ ਪੂਰੀ ਕੋਸ਼ਿਸ਼ ਬੱਚੀ ਨੂੰ ਸੁਰੱਖਿਅਤ ਬਾਹਰ ਕੱਢਣ ਦੀ ਹੈ।

ਇਹ ਵੀ ਪੜ੍ਹੋ: ਹੁਣ ਮੱਧ ਪ੍ਰਦੇਸ਼ 'ਚ LPG ਲੈ ਕੇ ਜਾ ਰਹੀ ਮਾਲ ਗੱਡੀ ਦੇ ਪਟੜੀ ਤੋਂ ਉਤਰੇ ਡੱਬੇ, ਮਚ ਗਿਆ ਹੜਕੰਪ

ਦੁਪਹਿਰ ਦੋ ਵਜੇ ਸਥਾਨਕ ਪੁਲਿਸ ਪ੍ਰਸ਼ਾਸਨ ਦੇ ਨਾਲ ਐਨਡੀਆਰਐਫ ਅਤੇ ਐਸਡੀਆਰਐਫ ਦੀ ਟੀਮ ਬਚਾਅ ਵਿਚ ਜੁੱਟ ਗਈ। ਬੱਚੀ ਨੂੰ ਕੱਢਣ ਲਈ 10 ਤੋਂ ਵੱਧ ਜੇਸੀਬੀ ਅਤੇ ਪੋਕਲੇਨ ਮਸ਼ੀਨਾਂ ਦੀ ਮਦਦ ਨਾਲ 5 ਫੁੱਟ ਦੀ ਦੂਰੀ 'ਤੇ ਸਮਾਨਾਂਤਰ ਟੋਆ ਪੁਟਿਆ ਜਾ ਰਿਹਾ ਹੈ। ਟੀਮ ਬੁੱਧਵਾਰ ਸਵੇਰੇ 11.30 ਵਜੇ ਤੱਕ ਬੋਰ ਦੇ ਸਮਾਨਾਂਤਰ ਸਿਰਫ 32 ਫੁੱਟ ਪੁੱਟ ਸਕੀ ਅਤੇ ਲੜਕੀ 50 ਫੁੱਟ ਤੱਕ ਪਹੁੰਚ ਗਈ।

ਇਹ ਵੀ ਪੜ੍ਹੋ: ਪੰਜਾਬ ਦਾ ਜੋੜਾ ਚਿੱਟੇ ਸਮੇਤ ਗ੍ਰਿਫ਼ਤਾਰ, 8 ਜੂਨ ਤੱਕ ਪੁਲਿਸ ਰਿਮਾਂਡ 'ਤੇ ਭੇਜਿਆ

ਐਸਡੀਐਮ ਅਮਨ ਮਿਸ਼ਰਾ ਨੇ ਦਸਿਆ ਕਿ ਬੋਰ ਵਿਚ ਹੁੱਕ ਲਗਾ ਕੇ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ ਗਈ, ਜੋ ਸਫਲ ਨਹੀਂ ਹੋ ਸਕੀ। ਬੋਰ ਵਿਚ ਹਲਕਾ ਪਾਣੀ ਵੜ ਰਿਹਾ ਹੈ। ਜ਼ਿਲ੍ਹਾ ਪੰਚਾਇਤ ਦੇ ਸੀਈਓ ਆਸ਼ੀਸ਼ ਤਿਵਾੜੀ ਨੇ ਦਸਿਆ ਕਿ ਬੱਚੀਆਂ ਦੀਆਂ ਹਰਕਤਾਂ ਨਹੀਂ ਆ ਰਹੀਆਂ। ਖੁਦਾਈ ਦੌਰਾਨ ਹੇਠਾਂ ਮਿਲੇ ਪੱਥਰ ਬਹੁਤ ਸਖ਼ਤ ਹਨ। ਪੱਥਰਾਂ ਕਾਰਨ ਪੁੱਟਣ ਵਿਚ ਦਿੱਕਤ ਆ ਰਹੀ ਹੈ।
ਇਨ੍ਹਾਂ ਨੂੰ ਤੋੜਨ ਲਈ ਪੋਕਲੇਨ ਮਸ਼ੀਨ ਦੇ ਪੰਜੇ ਨਾਲ ਇਕ ਵੱਡੀ ਡਰਿੱਲ ਮਸ਼ੀਨ ਲਗਾਈ ਜਾਂਦੀ ਹੈ। ਉਸ ਦੀ ਮਦਦ ਨਾਲ ਪੱਥਰ ਨੂੰ ਤੋੜਿਆ ਜਾ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਬਚਾਅ ਕਾਰਜ ਤੇਜ਼ੀ ਨਾਲ ਨਹੀਂ ਹੋ ਰਿਹਾ ਹੈ।