ਅਸ਼ਲੀਲ ਵੀਡੀਓ ਦਾ ਧੰਦਾ: ਸਾਲ ਵਿਚ ਫੜੇ ਗਏ 60 ਤੋਂ ਜ਼ਿਆਦਾ ਆਰੋਪੀ, 13 ਤੋਂ ਵੱਧ ਦੋਸ਼ੀ ਨਾਬਾਲਗ

Alwar Police caught more than 60 gangs engaged in Sextortion

 

ਅਲਵਰ: ਰਾਜਸਥਾਨ ਦੇ ਅਲਵਰ (Alwar) ਜ਼ਿਲ੍ਹੇ ’ਚੋਂ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ 14 ਤੋਂ 16 ਸਾਲ ਦੀ ਉਮਰ ਦੇ ਨਾਬਾਲਗ ਬੱਚੇ ਅਸ਼ਲੀਲ ਵੀਡੀਓ (Objectionable video) ਬਣਾ ਕੇ ਲੋਕਾਂ ਨੂੰ ਬਲੈਕਮੇਲ (Blackmail) ਕਰਕੇ ਠੱਗਣ ਦਾ ਕੰਮ ਕਰਦੇ ਹਨ। ਇਕ ਪੁਲਿਸ ਅਧਿਕਾਰੀ ਅਨੁਸਾਰ ਲੜਕੀ ਹੋਣ ਦਾ ਬਹਾਨਾ ਬਣਾ ਕੇ ਉਹ ਵੱਡੇ-ਵੱਡੇ ਲੋਕਾਂ ਨੂੰ ਫੇਸਬੁੱਕ ਆਈਡੀ ਅਤੇ ਵਟਸਐਪ ਰਾਹੀਂ ਫਰਜ਼ੀ ਨਾਂ ਹੇਠ ਸੁਨੇਹੇ ਭੇਜਦੇ ਹਨ।

ਇਸ ਤੋਂ ਬਾਅਦ, ਦੋਸਤ ਬਣਾਉਂਦੇ ਹਨ ਅਤੇ ਵੀਡੀਓ ਕਾਲ (Video Call) ਕਰਦੇ ਹਨ। ਜੇ ਉਨ੍ਹਾਂ ਵਿਚੋਂ ਕੋਈ ਕਾਲ ਚੁੱਕ ਲੈਂਦਾ ਹੈ ਤਾਂ ਉਹ ਇਤਰਾਜ਼ਯੋਗ ਵੀਡੀਓ ਬਣਾਉਂਦੇ ਹਨ ਅਤੇ ਇਸ ਨੂੰ ਸੈਕਸਟੋਰਸ਼ਨ (Sextortion) ਵਿਚ ਸ਼ਾਮਲ ਕਰਦੇ ਹਨ। ਇਸ ਤੋਂ ਬਾਅਦ ਉਹ ਪੀੜਤ ਨੂੰ ਵੀਡੀਓ ਵਾਇਰਲ (Viral) ਕਰਨ ਦੀ ਧਮਕੀ ਦੇ ਕੇ ਵੱਡੀ ਰਕਮ ਵਸੂਲਦੇ ਹਨ। ਇਸ ਦੇ ਨਾਲ ਹੀ ਸੋਮਵਾਰ ਨੂੰ ਪੁਲਿਸ (Alwar Police) ਨੇ ਅਜਿਹੇ ਹੀ ਇਕ ਗਿਰੋਹ ਦੇ 5 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।

ਇਹ ਵੀ ਪੜ੍ਹੋ-  ਕਿਸਾਨ ਪੰਜਾਬ-UP 'ਚ ਰੈਲੀਆਂ ਕਰਨਗੇ, ਹਰਿਆਣਾ 'ਚ ਨਹੀਂ ਕਿਉਂਕਿ ਉੱਥੇ ਚੋਣਾਂ ਨਹੀ- ਕੇਂਦਰੀ ਮੰਤਰੀ

ਪੁਲਿਸ ਅਧਿਕਾਰੀ ਦੇ ਅਨੁਸਾਰ, ਇਹ ਗੈਂਗ ਬੱਚਿਆਂ ਨੂੰ ਪੈਸੇ ਦੇ ਲਾਲਚ ਵਿਚ ਸ਼ਾਮਲ ਕਰਦੇ ਹਨ, ਤਾਂ ਜੋ ਦੂਜਿਆਂ ਨੂੰ ਉਨ੍ਹਾਂ ਦੀ ਮਾਸੂਮ ਆਵਾਜ਼ ਦੁਆਰਾ ਅਸਾਨੀ ਨਾਲ ਫਸਾਇਆ ਜਾ ਸਕੇ। ਇਸਨੂੰ ਆਸਾਨ ਭਾਸ਼ਾ ਵਿਚ ਕੈਟ ਫਿਸ਼ਿੰਗ (Cat Fishing) ਅਤੇ ਸੈਕਸਟੋਰੇਸ਼ਨ ਕਿਹਾ ਜਾਂਦਾ ਹੈ। ਇਸ ਦੇ ਨਾਲ ਹੀ ਪੁਲਿਸ ਨੇ ਪਿਛਲੇ ਇਕ ਸਾਲ ਵਿਚ ਹੀ 60 ਤੋਂ 70 ਗੈਂਗ (Gangs Arrested) ਨੂੰ ਸੈਕਸਟੋਰੇਸ਼ਨ ਵਿਚ ਫਸਾਇਆ ਹੈ। ਸੂਬੇ ਤੋਂ ਇਲਾਵਾ, ਉਨ੍ਹਾਂ ਨੇ ਹੋਰ ਬਹੁਤ ਸਾਰੇ ਸੂਬਿਆਂ ਅਤੇ ਦੇਸ਼ ਦੇ ਲੋਕਾਂ ਨੂੰ ਆਪਣਾ ਸ਼ਿਕਾਰ ਬਣਾਇਆ ਹੈ। ਇਨ੍ਹਾਂ ਸੂਬਿਆਂ ਵਿਚ ਡਾਕਟਰਾਂ, ਵਕੀਲਾਂ ਤੋਂ ਲੈ ਕੇ ਕਾਰੋਬਾਰੀਆਂ ਤੱਕ ਨੂੰ ਫਸਾਇਆ ਗਿਆ ਹੈ। ਇਨ੍ਹਾਂ ਵਿਚੋਂ ਇਕ ਗੈਂਗ ਨੇ ਤਾਂ 10 ਤੋਂ 15 ਕਰੋੜ ਰੁਪਏ ਦੀ ਠੱਗੀ ਮਾਰੀ ਹੈ।

ਬੀਤੀ 4 ਅਗਸਤ ਨੂੰ ਅਲਵਰ ਦੇ ਸ਼ਿਵਾਜੀ ਪਾਰਕ ਅਤੇ ਅਰਾਵਲੀ ਵਿਹਾਰ ਥਾਣਿਆਂ ਤੋਂ 8 ਮੈਂਬਰਾਂ ਦੇ ਗਿਰੋਹ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਨ੍ਹਾਂ ਵਿਚ ਦੌਸਾ ਦੇ ਵਸਨੀਕ ਸਾਜਿਦ, ਰਾਸ਼ਿਦ, ਅਸ਼ਫਾਕ ਉਰਫ ਕੁੰਨਾ, ਕਮਰੂਦੀਨ, ਸੈਫ ਅਲੀ ਅਤੇ ਅਕਰਮ ਖਾਨ ਸ਼ਾਮਲ ਹਨ ਅਤੇ ਇਕ ਹੋਰ ਮੈਂਬਰ ਜੈਪੁਰ ਤੋਂ ਮੋਇਨ ਖਾਨ ਵੀ ਸ਼ਾਮਲ ਹੈ। ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਨੇ ਕਰੀਬ 15 ਕਰੋੜ ਰੁਪਏ ਦੀ ਠੱਗੀ ਮਾਰੀ ਹੈ। ਇਸ ਦੇ ਨਾਲ ਹੀ, ਇਸ ਮਾਮਲੇ ਵਿਚ ਅਲਵਰ ਅਤੇ ਰਾਜਗੜ੍ਹ ਪੁਲਿਸ ਨੇ ਇਕ ਹੋਰ ਗੈਂਗ ਨੂੰ 6 ਸਤੰਬਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਗਿਰੋਹ ਨੇ ਹੁਣ ਤੱਕ ਕਰੀਬ 6 ਤੋਂ 7 ਕਰੋੜ ਰੁਪਏ ਦੀ ਠੱਗੀ ਮਾਰੀ ਹੈ।

ਹੋਰ ਪੜ੍ਹੋ: 2 ਸਾਲ ਦੇ ਬੱਚਿਆਂ ਨੂੰ ਕੋਰੋਨਾ ਵੈਕਸੀਨ ਲਗਾਉਣ ਵਾਲਾ ਦੁਨੀਆਂ ਦਾ ਪਹਿਲਾ ਦੇਸ਼ ਬਣਿਆ ਕਿਊਬਾ

ਇਸ ਮਾਮਲੇ ਵਿਚ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਲਗਭਗ ਇਕ ਸਾਲ ਵਿਚ ਕੁੱਲ 13 ਨਾਬਾਲਗਾਂ ਨੂੰ ਗ੍ਰਿਫ਼ਤਾਰ (13 Minors Arrested) ਕੀਤਾ ਗਿਆ ਹੈ, ਜਿਨ੍ਹਾਂ ਵਿਚੋਂ 3 ਇਕੋ ਗਿਰੋਹ ਦੇ ਸਨ। ਇਨ੍ਹਾਂ ਤੋਂ ਇਲਾਵਾ 10 ਨਾਬਾਲਗ 6 ਵੱਖ -ਵੱਖ ਕਾਰਵਾਈਆਂ ਵਿਚ ਫੜੇ ਗਏ ਹਨ। ਇਨ੍ਹਾਂ ਗੈਂਗਾਂ ਦੇ ਖਿਲਾਫ਼ ਲਗਭਗ 700 ਤੋਂ 800 ਸ਼ਿਕਾਇਤਾਂ ਹਨ। ਜਿਸ ਵਿਚ ਸਭ ਤੋਂ ਵੱਧ, ਲਗਭਗ 300 ਤੋਂ 400 ਤੱਕ ਸ਼ਿਕਾਇਤਾਂ ਤੇਲੰਗਾਨਾ (Telangana) ਤੋਂ ਹਨ। ਇਸ ਦੇ ਨਾਲ ਹੀ ਦੂਜੇ ਨੰਬਰ 'ਤੇ ਗੁਜਰਾਤ ਤੋਂ ਜ਼ਿਆਦਾ ਸ਼ਿਕਾਇਤਾਂ ਹਨ।

ਹੋਰ ਪੜ੍ਹੋ: ਕੈਨੇਡਾ ਤੋਂ ਆਈ ਵੱਡੀ ਖੁਸ਼ਖ਼ਬਰੀ! ਹੁਣ ਪੱਕਾ ਕਾਰੋਬਾਰ ਕਰਨ ਦਾ ਸੁਪਨਾ ਜਲਦ ਹੋਵੇਗਾ ਪੂਰਾ, ਜਾਣੋ ਕਿਵੇਂ

ਪੁਲਿਸ ਦੇ ਅਨੁਸਾਰ, ਇਸ ਗਿਰੋਹ ਨੇ ਮੁੰਬਈ ਦੇ ਇਕ ਵਪਾਰੀ ਨੂੰ ਵੀ ਸੈਕਸਟੋਰਸ਼ਨ ਦਾ ਸ਼ਿਕਾਰ ਬਣਾਇਆ ਸੀ। ਬਾਅਦ ਵਿਚ ਪੀੜਤ ਨੇ ਪਿੱਛਾ ਛੁਡਾਉਣ ਲਈ 3 ਲੱਖ ਰੁਪਏ ਵੀ ਦਿੱਤੇ ਸਨ। ਪਰ ਇਸਦੇ ਬਾਅਦ ਵੀ ਪਿੱਛਾ ਨਹੀਂ ਛੱਡਿਆ ਤਾਂ ਫਿਰ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ। ਤੇਲੰਗਾਨਾ ਦਾ ਇਕ ਵਕੀਲ ਵੀ ਇਸ ਗਿਰੋਹ ਦਾ ਸ਼ਿਕਾਰ ਹੋਇਆ। ਭਾਰਤ ਤੋਂ ਇਲਾਵਾ ਅਲਵਰ ਪੁਲਿਸ ਨੂੰ ਨੇਪਾਲ, ਦੁਬਈ, ਅਮਰੀਕਾ ਦੇ ਲੋਕਾਂ ਦੀਆਂ ਸ਼ਿਕਾਇਤਾਂ ਤੱਕ ਪ੍ਰਾਪਤ ਹੋਈਆਂ ਹਨ। ਕਾਰਵਾਈ ਕਰਦਿਆਂ ਪੁਲਿਸ ਨੇ ਕਈ ਗੈਂਗਾਂ 'ਤੇ ਸ਼ਿਕੰਜਾ ਕੱਸ ਦਿੱਤਾ ਹੈ, ਪਰ ਹਾਲਤ ਇਹ ਹੈ ਕਿ ਫੜੇ ਗਏ ਗਿਰੋਹਾਂ ਦੇ ਮੁਕਾਬਲੇ ਪਿੰਡਾਂ ਵਿਚ ਜ਼ਿਆਦਾ ਗਿਰੋਹ ਸਰਗਰਮ ਹੈ।