2936 cases of ceasefire

ਸ਼੍ਰੀਨਗਰ : ਜੰਮੂ - ਕਸ਼ਮੀਰ ਵਿਚ ਸਾਲ 2003 ਵਿਚ ਭਾਰਤ ਅਤੇ ਪਾਕਿਸਤਾਨ ਵਿਚ ਇੰਟਰਨੈਸ਼ਨਲ ਬਾਰਡਰ 'ਤੇ ਸੀਜ਼ਫਾਇਰ ਦਾ ਐਲਾਨ ਹੋਇਆ ਸੀ ਪਰ ਇਹ ਵੱਖ ਗੱਲ ਹੈ ਕਿ ਗੁਆਂਢੀ ਮੁਲਕ ਨੇ ਇਸ ਉਤੇ ਅਮਲ ਨਹੀਂ ਕੀਤਾ। ਬੀਤੇ ਸਾਲ ਇਸ ਗੱਲ ਦਾ ਸਬੂਤ ਹੈ। ਪੰਦਰਾਂ ਸਾਲਾਂ ਵਿਚ ਸੱਭ ਤੋਂ ਜ਼ਿਆਦਾ ਸੀਜ਼ਫਾਇਰ ਦੀ ਉਲੰਘਣਾ 2018 ਵਿਚ ਹੋਇਆ। ਸਾਲ 2018 ਵਿਚ ਪਾਕਿਸਤਾਨ ਨੇ 2936 ਵਾਰ ਸੀਜ਼ਫਾਇਰ ਦਾ ਉਲੰਘਣ ਕੀਤਾ। ਇਸ 'ਚ 250 ਤੋਂ ਜ਼ਿਆਦਾ ਨਾਗਰਿਕ ਜ਼ਖ਼ਮੀ ਹੋਏ ਅਤੇ 61 ਲੋਕਾਂ ਦੀ ਜਾਨ ਚਲੀ ਗਈ। ਹਰ ਰੋਜ਼ ਔਸਤ ਅੱਠ ਮਾਮਲੇ ਸੀਜ਼ਫਾਇਰ ਉਲੰਘਣ ਦੇ ਹੋਏ ਹਨ।

2017 ਦੀ ਤੁਲਣਾ ਵਿਚ 2018 ਵਿਚ ਤਿੰਨ ਗੁਣਾ ਜ਼ਿਆਦਾ ਸੀਜ਼ਫਾਇਰ ਤੋੜਿਆ ਗਿਆ। ਅੰਤਰਰਾਸ਼ਟਰੀ ਸਰਹੱਦ (ਆਈਬੀ) ਉਤੇ ਮੰਗਲਵਾਰ ਸਵੇਰੇ ਪੁੰਛ ਜਿਲ੍ਹੇ ਦੇ ਗੁਲਪੁਰ ਸੈਕਟਰ ਵਿਚ ਪਾਕਿਸਤਾਨ ਨੇ ਸੀਜ਼ਫਾਇਰ ਦੀ ਉਲੰਘਣਾ ਕਰਦੇ ਹੋਏ ਗੋਲਾਬਾਰੀ ਸ਼ੁਰੂ ਕਰ ਦਿਤੀ। ਬੀਐਸਐਫ਼ ਨੇ ਵੀ ਪਾਕਿ ਫੌਜ ਦੇ ਇਸ ਨਾਪਾਕ ਹਰਕਤ ਦਾ ਸੂਹਲ ਜਵਾਬ ਦਿਤਾ। ਹਾਲਾਂਕਿ, ਹੁਣੇ ਤੱਕ ਇਸ ਦੌਰਾਨ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਸੂਚਨਾ ਨਹੀਂ ਮਿਲੀ ਹੈ। ਉਥੇ ਹੀ ਅੰਤਰਰਾਸ਼ਟਰੀ ਸਰਹੱਦ (ਆਈਬੀ) ਉਤੇ ਸੋਮਵਾਰ ਦੀ ਦੇਰ ਰਾਤ ਵੀ ਅਰਨਿਆ ਸੈਕਟਰ ਵਿਚ ਪਾਕਿਸਤਾਨ ਨੇ ਸੀਜ਼ਫਾਇਰ ਦੀ ਉਲੰਘਣਾ ਕਰਦੇ ਹੋਏ ਗੋਲਾਬਾਰੀ ਕੀਤੀ।

ਬੀਐਸਐਫ ਨੇ ਵੀ ਇਸ ਦਾ ਜਵਾਬ ਦਿਤਾ। ਹਾਲਾਂਕਿ, ਇਸ ਵਿਚ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਸੂਚਨਾ ਨਹੀਂ ਹੈ। ਇਸ ਤੋਂ ਪਹਿਲਾਂ ਐਤਵਾਰ ਦੀ ਰਾਤ ਰਾਮਗੜ੍ਹ ਸੈਕਟਰ ਵਿਚ ਸ਼ੱਕੀ ਹਲਚਲ ਤੋਂ ਬਾਅਦ ਬੀਐਸਐਫ਼ ਨੇ ਫਾਇਰਿੰਗ ਕੀਤੀ ਸੀ। ਪਾਕਿਸਤਾਨ ਦੇ ਨਾਪਾਕ ਇਰਾਦੇ ਨੂੰ ਭਾਂਪਦੇ ਹੋਏ ਆਈਬੀ ਉਤੇ ਐਤਵਾਰ ਤੋਂ ਸਤਰਕਤਾ ਹੋਰ ਵਧਾ ਦਿਤੀ ਗਈ ਹੈ। ਪਾਕਿਸਤਾਨੀ ਰੇਂਜਰਾਂ ਨੇ ਸੋਮਵਾਰ ਦੀ ਰਾਤ ਲਗਭੱਗ 10 ਵਜੇ ਅਰਨਿਆ ਵਿਚ ਪਿੱਤਲ ਪੋਸਟ 'ਤੇ ਫਾਇਰਿੰਗ ਕੀਤੀ। ਛੋਟੇ ਹਥਿਆਰਾਂ ਨਾਲ ਪੋਸਟ 'ਤੇ ਕਈ ਰਾਉਂਡ ਫਾਇਰਿੰਗ ਕੀਤੀਆਂ ਗਈਆਂ।

ਇਸ ਦਾ ਪੋਸਟ 'ਤੇ ਤੈਨਾਤ ਜਵਾਨਾਂ ਨੇ ਵੀ ਜਵਾਬ ਦਿਤਾ। ਦੇਰ ਰਾਤ ਨੂੰ ਕੀਤੀ ਗਈ ਫਾਇਰਿੰਗ ਨਾਲ ਖੇਤਰ  ਦੇ ਲੋਕ ਕਾਫ਼ੀ ਦਹਿਸ਼ਤ ਵਿਚ ਆ ਗਏ। ਮੰਨਿਆ ਜਾ ਰਿਹਾ ਹੈ ਕਿ ਸਰਹੱਦ ਪਾਰ ਕੋਈ ਸ਼ੱਕੀ ਹਰਕੱਤ ਹੋਈ ਹੈ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਦਾਖਲ ਹੋਣ ਲਈ ਪਾਕਿਸਤਾਨੀ ਰੇਂਜਰਾਂ ਵਲੋਂ ਕਵਰ ਫਾਇਰ ਕੀਤਾ ਗਿਆ ਹੈ।  ਸੁਰੱਖਿਆ ਏਜੰਸੀਆਂ ਨੂੰ ਇਨਪੁਟ ਮਿਲੇ ਹਨ ਕਿ ਆਈਬੀ ਉਤੇ ਲਾਂਚਿੰਗ ਪੈਡ 'ਤੇ ਜੈਸ਼ - ਏ - ਮੁਹੰਮਦ ਦੇ ਅਤਿਵਾਦੀ ਦਾਖਲ ਹੋਣ ਦੀ ਫਿਰਾਕ ਵਿਚ ਹਨ।  ਅਤਿਵਾਦੀਆਂ ਦੇ ਇਕ ਦਲ ਨੂੰ ਸਰਹੱਦ ਦੇ ਕਰੀਬ ਵੇਖਿਆ ਗਿਆ ਹੈ।

ਇਸ ਵਿਚ 4 - 5 ਅਤਿਵਾਦੀ ਸ਼ਾਮਿਲ ਹਨ ਅਤੇ ਇਹਨਾਂ ਨੇ ਪਾਕਿਸਤਾਨ ਦੇ ਸ਼ਕਰਗੜ੍ਹ ਵਿਚ ਡੇਰਾ ਲਗਾਇਆ ਹੋਇਆ ਹੈ। ਸ਼ੱਕ ਹੈ ਕਿ ਅਤਿਵਾਦੀਆਂ ਵਲੋਂ ਗਣਤੰਤਰ ਦਿਵਦ 'ਤੇ ਕਿਸੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਸਾਜਿਸ਼ ਰਚੀ ਗਈ ਹੈ। ਇਸ ਦੇ ਮੱਦੇਨਜ਼ਰ ਜੈਸ਼ ਦੇ ਅਤਿਵਾਦੀਆਂ ਨੂੰ ਦਾਖਲ ਕਰਨ ਲਈ ਲਾਂਚਿੰਗ ਪੈਡ 'ਤੇ ਤਿਆਰ ਰੱਖਿਆ ਗਿਆ ਹੈ।