Alok Kumar Verma

ਨਵੀਂ ਦਿੱਲੀ : ਉਚ ਅਦਾਲਤ ਕੇਂਦਰੀ ਜਾਂਚ ਬਿਊਰੋ (ਸੀਬੀਆਈ) ਦੇ ਨਿਰਦੇਸ਼ਕ ਆਲੋਕ ਕੁਮਾਰ ਵਰਮਾ ਨੂੰ ਉਨ੍ਹਾਂ ਦੇ ਅਧਿਕਾਰਾਂ ਤੋਂ ਵਾਂਝਾ ਕਰਕੇ ਛੁੱਟੀ ਉਤੇ ਭੇਜਣ ਦੇ ਕੇਂਦਰ ਦੇ ਫੈਸਲੇ ਵਿਰੁਧ ਉਨ੍ਹਾਂ ਦੀ ਮੰਗ ਉਤੇ ਅੱਜ ਫੈਸਲਾ ਸੁਣਾਏਗਾ। ਜਾਂਚ ਬਿਊਰੋ ਦੇ ਨਿਰਦੇਸ਼ਕ ਆਲੋਕ ਕੁਮਾਰ ਵਰਮਾ ਅਤੇ ਬਿਊਰੋ ਦੇ ਵਿਸ਼ੇਸ਼ ਨਿਰਦੇਸ਼ਕ ਰਾਕੇਸ਼ ਅਸਥਾਨਾ ਦੇ ਵਿਚ ਛਿੜੀ ਜੰਗ ਜਨਤਕ ਹੋਣ ਤੋਂ ਬਾਅਦ ਸਰਕਾਰ ਨੇ ਦੋਨਾਂ ਅਧਿਕਾਰੀਆਂ ਨੂੰ ਉਨ੍ਹਾਂ ਦੇ ਅਧਿਕਾਰਾਂ ਤੋਂ ਵਾਂਝਾ ਕਰਕੇ ਛੁੱਟੀ ਉਤੇ ਭੇਜਣ ਦਾ ਫ਼ੈਸਲਾ ਕੀਤਾ ਸੀ। ਦੋਨਾਂ ਅਧਿਕਾਰੀਆਂ ਨੇ ਇਕ ਦੂਜੇ ਉਤੇ ਭ੍ਰਿਸ਼ਟਾਚਾਰ ਦੇ ਇਲਜ਼ਾਮ ਲਗਾਏ ਸਨ।

ਵਰਮਾ ਨੇ ਕੇਂਦਰੀ ਵਿਜੀਲੈਂਸ ਕਮਿਸ਼ਨ (ਸੀਵੀਸੀ) ਦੇ ਇਕ ਹੋਰ ਕਰਮਚਾਰੀ ਅਤੇ ਸਿਖਲਾਈ ਵਿਭਾਗ (ਡੀਓਪੀਟੀ) ਦੇ ਸਹਿਤ 23 ਅਕਤੂਬਰ 2018 ਦੇ ਕੁੱਲ ਤਿੰਨ ਆਦੇਸ਼ਾਂ ਨੂੰ ਮੁਅੱਤਲ ਕਰਨ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਦਾ ਇਲਜ਼ਾਮ ਹੈ ਕਿ ਇਹ ਆਦੇਸ਼ ਨਿਯਮ ਤੋਂ ਬਿਨਾਂ ਅਤੇ ਸੰਵਿਧਾਨ ਦੇ ਅਨੁਛੇਦਾਂ 14,19 ਅਤੇ 21 ਦੀ ਉਲੰਘਣਾ ਕਰਕੇ ਜਾਰੀ ਕੀਤੇ ਗਏ। ਕੇਂਦਰ ਨੇ ਇਸ ਦੇ ਨਾਲ ਹੀ 1986 ਬੈਚ ਦੇ ਓਡਿਸ਼ਾ ਕੈਡਰ ਦੇ ਆਈਪੀਐਸ ਅਧਿਕਾਰੀ ਅਤੇ ਬਿਊਰੋ ਦੇ ਸੰਯੁਕਤ ਨਿਰਦੇਸ਼ਕ ਐਮ ਨਾਗੇਸ਼ਵਰ ਰਾਵ ਨੂੰ ਜਾਂਚ ਏਜੰਸੀ ਦੇ ਨਿਰਦੇਸ਼ਕ ਦਾ ਅਸਥਾਈ ਕਾਰਜਭਾਰ ਸੌਂਪ ਦਿਤਾ ਸੀ।

ਪ੍ਰਧਾਨ ਜੱਜ ਰੰਜਨ ਗਗੋਈ, ਨਿਆਈਮੂਰਤੀ ਸੰਜੈ ਕਿਸ਼ਨ ਕੌਲ ਅਤੇ ਨਿਆਈਮੂਰਤੀ ਕੇ.ਐਮ ਜੋਸੇਫ ਦੀ ਪੀਠ ਨੇ ਪਿਛਲੇ ਸਾਲ ਛੇ ਦਸੰਬਰ ਨੂੰ ਆਲੋਕ ਵਰਮਾ ਦੀ ਮੰਗ ਉਤੇ ਵਰਮਾ, ਕੇਂਦਰ, ਕੇਂਦਰੀ ਵਿਜੀਲੈਂਸ ਕਮਿਸ਼ਨ ਅਤੇ ਹੋਰ ਕੀਤੀਆਂ ਦਲੀਲਾਂ ਉਤੇ ਸੁਣਵਾਈ ਪੂਰੀ ਕਰਦੇ ਹੋਏ ਫ਼ੈਸਲਾ ਸੁਰੱਖਿਅਤ ਰੱਖਿਆ ਸੀ। ਪੀਠ ਨੇ ਗੈਰ ਸਰਕਾਰੀ ਸੰਗਠਨ ‘ਕਾਮਨ ਕਾਜ’ ਦੀ ਮੰਗ ਉਤੇ ਵੀ ਸੁਣਵਾਈ ਕੀਤੀ ਸੀ।

ਇਸ ਸੰਗਠਨ ਨੇ ਅਦਾਲਤ ਦੀ ਨਿਗਰਾਨੀ ਵਿਚ ਵਿਸ਼ੇਸ਼ ਜਾਂਚ ਦਲ ਵਲੋਂ ਰਾਕੇਸ਼ ਅਸਥਾਨਾ ਸਹਿਤ ਜਾਂਚ ਬਿਊਰੋ ਦੇ ਸਾਰੇ ਅਧਿਕਾਰੀਆਂ ਉਤੇ ਲੱਗੇ ਭ੍ਰਿਸ਼ਟਾਚਾਰ ਦੇ ਆਰੋਪਾਂ ਦੀ ਜਾਂਚ ਕਰਵਾਉਣ ਦਾ ਅਨੁਰੋਧ ਕੀਤਾ ਸੀ। ਵਰਮਾ ਦਾ ਸੀਬੀਆਈ ਨਿਰਦੇਸ਼ਕ ਦੇ ਰੂਪ ਵਿਚ ਦੋ ਸਾਲ ਦਾ ਕਾਰਜਕਾਲ 31 ਜਨਵਰੀ ਨੂੰ ਪੂਰਾ ਹੋ ਰਿਹਾ ਹੈ।